أنتي وينك في كياني..؟ تسأليني وين أكون_؟
تسأليني ياغشيمه وانتي أبخص في حشاي !
تسأليني وشهو إنتي في حياتي .. ومن أكون
وهي حياتي إنتي إنتي.. وإنتي أدرا يا غلاي
تسأليني وأنتي أقرب .. من جفوني للعيون
وإنتي نبضي/وإنتي كلّّي/ وكلّ ِمنْ/لي يامُناي
أسألك بالله لحظه..! وقرّّبيلي لو أمون
وأفتحي صدري وشوفي منهو يتنفس هواي..؟
وأسمعي دقات قلبي .. منهو بسمه ينبضون
لعنبووو دارك بربي ماخذا غيرك عطاي
تسأليني ولادريتي .. هي حياتي وش تكون
لا رحلتي عن عيوني وأبتدت رحلة شقاي
أسأليني كيف أبصحى.. من جنونك ياجنون
وكيف صبحي يبقى صبحي ؛ والمسا يبقى مساي
في دقايق من رحيلك .. يصبح العالم شجون
وكل شي حولي بدونك فجأه يتغيّر معاي
الزهر والورد الاحمر .. والبنفسج يذبلون
والمطر والغيم الابيض ايتلاشا من سماي
والبلابل في شجرها تهجر أحضان الغصون
حتى ذاك النبع أصبح شي مدري ! ماهو ماي
والأماكن والمباني فجأه يغشاها السكون
وكل شي حولي أشوفه ترفض أطرافه بقاي
وين أبهرب من كياني ..؟ دااام كلي لك يصون
لو ألف الكون كله يقصر بعيني مداي
كل مالديت وجهي ..ألقى طيفك بالجفون
حتى دمعي لك حبسته خوفي تغرق في بُكاي
كل شي ينزف بذاتي ..والحنايا يسعفون
علّني أحيا عشانك ؛ علني وعلّ وعساي
حتى صبري لا تبعثر (شغلتينن) يجمعون
حبّي الراسخ بجوفي مع سمو قمة وفاي
كل هذا وتسأليني ..؟ خافي الله لايكون
هو سؤالك ليّا موتي والإجابه لك عزاي
ولو حقيقه ما أحبك ؟ كان كوني يبقى كون
ولا تغيّر في غيابك.. لا ولا ضيّق فضاي
ولاحسبت حساب همك.. لا ولاهم يحزنون
بكل بساطه يعني انتي (لاجروحي ولا دواي)
لكن أختمها بسؤالي والإجابه ماتخون
ليه أنتي لاحضرتي تنتهي رحلة شقاي ؟!
للشـآعر …………
……………سعد السعيدي
رائــع جداً ما جاد به قلمـه الـمـبـدع ،، سطور مليئة
بصدق الاحساس و عنفوان الحب ،،
غاليتي ،،
سلمتِ على انتقائـكـ الراقـي و ذوقكـ الرقيق ،،
راقت لي الكلمات ••!!
وراق لي اح ـساسك الذي امتزج بالسطور….
لاهنتي على الطرح
صح لســـانك وعلا شانك
اعجبتني كلمتك جداً
كلمآآتـك رائعـه
إبداع شعري رآئع
تسلـم يمنآآك يآالغــلآ
بإنتظار جديدك بكل شووق
دمتــِ بخير
الف شكر على مروركم