تــعبــــــت

مصافحة اولى للأعضاء ,, اليكم هذه المتواضعه اتمنى ان ترتقي الى مستوى ذائقتكم الشعريه

تعبت اساير حزني اليوم بالصمت=تعبت من جور اليال وكدرها

اكتم هموم(ن) من عناها تألمت=دايم تزور القلب ببشع صورها

راحت ثمان سنين منها تسلمت=اقسى وسام الياس واعبر قهرها

ياما من الحرمان ياما تعلمت=درس الحياة امواج يغرق بحرها

وياما بكيت وطال ليلي ولانمت=وياما عيوني اشتكت من سهرها

في صوتي المبحوح لامن تكلمت=عبرة حزن وكسور محدن جبرها

ابسألك ياهالزمن لوتكرمت=كيف السماء من غير ساطع قمرها

وابسألك ايه اسألك لو تبسمت=كيف الورق لا صار ميت شجرها

لا ياهلي تكفون والله تحطمت=كل الجبال الصم همي كسرها

اخوي فهد
مصافحه راقيه كرقي حروفك اخوي
وكلمات فيها مناجاه ونادى والم وحزن
ورغم مافيها من الحزن والالم الا انها اقل مايقال عنها رائعه
حروفك جزله اخوي ومافيك حيله
وصح لسانك

تقبل مروري البسيط
ولاعدمنا جديدك

العنود

× تم تنفيذ ماطلبت اخوي وانا بالخدمه دايم