للرومنسيين فقط!!!!!!!!!!!!!!!! 2024.

كم من المواقف الطريفة التي يعيشها أبناء آدام مع بنات حواء

نضع لآدم بعضها حتى يتفاداها مستقبلا ولحواء لكي لا تمني النفس كثيرا وتحسبها صح

تقول حواء
وصلني زوجي للمدرسه اللي كنت معلمه فيهاالصباح قلت له وانا نازله راح اشتاق لك ياحبي….

قال انزلي انزلي لا تروح عليك الحصه الاولى ..

وتتحدث أخرى فتقول

زوجي مو راعي هدايا ابد قلت ابشتري هدية جوال ,الي يستخدمة قديم, المهم غلفته وكاتبة في كرت شعر وكلالالالالالالالام حلو وعطيتة الهدية وكنت بجنبة المهم فكه بشراسة و وجهه فيه علامات استغراب وتعجب وانا مبتسمة طلع وناضر

قال لمين هذا

قلت لك حبيبي

قال شاريتة بالفين وخمسمية يابنت الكلب

وهو فرحان

أما حواء مسكينة تروي قصتها وتقول

أنا حطيت شموع من عند الباب ال غرفة النوم والشموع طبعا على الارض و جلست في غرفتي وكاشخة وأنتظر زوجي, المهم دخل الطعس ودعس الشموع برجلينه وقام يصارخ ويتألم ومسكني طق وسب وماخلى شي ماسواه

وأخرى

ملت من الروتين اليومي في حياتها وحبت انها تسوي مفاجئه لزوجها بسهره رومنسيه …المهم قامت وطلبت الكيكه من سعد الدين والعصيرات وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم …..

المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه وصبت له من العصير…المهم يوم بلع وخلص قالها الحين وراك مجلستنا بالظلام حشى كأننا بقبر.

تقول هي انها بلعتها وسكتت منب مخربه السهره…قام وكمل ذا الماصل وقالها الحين وراك طالبه حجم كبير من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب..

أما حواء أخرى

توها متزوجه وحابه تسوي حركه لزوجها …قامت وتزينت وتجهزت من مجاميعه وحطت الاضاءه هاديه وشغلت الدخان الصناعي
وانتظرته لحد ماشرف…المهم يوم دخل ويشوف الدنيا شبه مظلمه والدخاخين حاجبه الرؤيه قام يركض للصاله وجلس يناديها وهي ساكته ماترد عليه تتغلى عليه عاد هو طار للمطبخ وجاب جيك ماء وكبه عليها يحسبها انه مغمى عليها..

لكن عندما تفتقد الرومنسية من كلا الطرفين سوف تخرج لنا قصة جديدة

وفي وحده لاهي ولازوجها يدلون الرومانسيه وكانت بيوم راح تنقل لبيت ملك المهم شارت عليها إختها إنها تشتري حركات فطلعت مره هي وزوجها يشرون شموع اشكال والوان وبعد فتره كان زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس شاف الدنيا ظلام يوم دخل على زوجته ولع النور وطفى الشموع

قالها الله يهداك الحين حنا شاريهن لاطفى الكهرب

وأختم بهذه القصة لمعلمة ,, تقول المعلمة

أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها,المهم, رحت وشريت لي كتاب رومنسيات زوجيه يعني بتثقف وأصير رومنسيه حتى أعجب أبوالشباب. كنت بداية الاجازة أروح لأهلي وأطول عندهم كذا يوم وهو قاعد بالبيت, عاد استغليت الفرصة وجلست أقرى في الكتاب وعرفت انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه ..واختكم في الله سوتها ..
لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة أعرفه زوجي كتوم جداً
قلتله ياعيوني ياحبيبي عجبتك الحركة ..
قالي أي حركة… لا عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه

وجهة نظرى وبدووووووون زعـــــــــــل !!!!!!!!!!!!!!!!!!!!!!!!!!!

السعودية تسمع بالرومانسية

بس التطبيق صفر

ولا تحاول تسويها الا اذا بغت تطلب شي من زوجها !!!!!!!! هههههههههه
__________________


ههههههههههههههههههههه

السعوديات قمه في الرومانسيه بس رجالهم ابد ما يشجعوون

يسلمووو اميره الثلج

هههههههههههههههههه
عندك حق اياك حد يزعل
ههههههههههههههههههه
يسلموووو يعطيج الف عاااافيه
حلووووووو يسلمو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top