أقول بنسى واحسب اني نسيته
الحب الاول صعب نسيان راعيه
عانيت في بعده كثر ماهويته
لا احتلت في قربه ولا نيب ناسيه
لو اني اقدر جيته كان جيته
اللي بقوله آآآآه ويلي على اجيه
بس البلا اني كلما جيت بيته
اخذ ثلاث ايام مدري ( شنا ) فيه
ليل ونهار وليل واللي قفيته
وانا مابين اسمه ورقمه وطاريه
الله عطاني من غلاه وعطيته
وغيره بغى مني ولانيب معطيه
قالوا هويته قلت أأيه هويته
قالو تركته قلت ماني مخليه
له منزلٍ في وسط روحي بنيته
جدرانه ضلوعي وهو ساكنٍ فيه
دورت له بين الضلوع ولقيته
خلف الضلوع يبين ماطى خطاويه
واليوم لا احتجت اللقا مااحتريته
حتى ثره من بين الاضلاع ماحيه
ياجعل يسقى عادني لا بغيته
يغفى على ضلعين صدري واصحيه
مافيه شخص في حياتي بكيته
الا الذي مات مانيب راجيه
لكن هو حي ومع ذا رثيته
من قلبي اللي احسن الله تعازيه
حملت قلبي بالهموم ورجيته
كني ماعرف الا غيابه واحاتيه
اقول بنسى واثرني مانسيته
الحب الاول صعب نسيان راعيه
احاسيس و مشاعر رقيقه
ابداعت بنثرها بهذا الاسلوب الشيق
وقلب اجمل وارق
ماهو غريب عليك ها الا بداع
والى الا مام
ادامك الله وادامك قلم
خاطره ولا اروع يعطيك العافية
وعزفك صار يروقني سماعه كثيرا
دمتي بهذا الألق
ولك تحيتي