الانقلاب الشعبى 2024.

أنا صحيح كنت مع مرسى لاقصى درجة
بس مش عشان مرسى ولا حتى عشان الاخوان أن كنت مع مرسى عشان مصر وكان عندى أمل فى بكرة
أن مرسى يحقق مطالب الشعب ولكن للاسف كل اما يجى بكرة اكلمة الاقى بكرة نفسه كره نفسه زيه زى الشعب
وللاسف لاقيت مرسى ماشى فى نفس طريق مبارك ولذلك كان مصير مرسى هو نفسه مصير مبارك وما حدث هو أنقلاب فعلا
على السلطة وعلى الرئيس المنتخب ولكنه أنقلاب شعبى وليس عسكرى كما يقولون ولو الشعب عايز مرسى ما كنش ولا الف سيسى زحزحوه من مكانه
ولو مرسى قدم السبت كان لاقى الف حد أنما للاسف مرسى كان عاجز طول السنة ولسنا فى حاجة الى رئيس عاجز مشلول شلل رباعى وعلى الاخوان أن لا تلوم الا نفسها وياريت البلد بقى تفوق لنفسها وتعرف راسها من رجلها
وتحذير هذا الشعب ممكن ان يسقط الف مرسى ولذلك يجب على الرئيس القادم أن يتعلم الدرس ويعرف قيمة شعب مصر

وعلى الاخوان أن لا تحزن على مرسى بل تفرح دا لو هما بيحبوا الخير للشعب
كما يقولون لان استمرار مرسى ماكنش فى خير لهذا الشعب بأى حال من الاحوال ولو مش مصدقين اسألوا الناس واللى بيحلم بعودة مرسى بالظبط
زى اللى بيحلم بعودة مبارك وعلينا أن نغسل يدينا من هذا وذاك
من لم يحترم هذا الشعب
عليه أن يرحل فى صمت
ويحاسب على كل ما فعل بحق ربنا

الشاعر
عبد الحميد بدوى