ف البدايه بقول : ما أحلل لأي واحد ينشر الروايه في أي منتدى و حرااام عليه إلي بينشرها و قد أحذر من أنذر
و إذا شفتها ف منتدى ثاني رح أمسحها و ما رح أكملها
إنزين و بعد بقول : ترى الوايه بحرانيه و الي من من البحرين و يستصعبون لغتنا ترى و الله لغتنا حليوة و ما رح تندمون فديييتنا والله و اي كلمه تلاقون فيها صعوبه قولو حقي رح أعلمكم معناها
الحين بنزل البارت الأول و لين ما شفت ردود ما بكمل أوكي ؟؟
الشخصيات ::
عائلة أبو حسين
أحلام عمرها 43 سنه
علي عمره 44 سنه
حسين عمره 25 سنه متزوج شخصيه مزووحه
ساره زوجه حسين عمرها 23 سنه رح تحبووونها
منار و عمرها 21 سنه مخطوبه من أحمد
أحمد 24 سنه
ملاك و بسمه توأم بس ما يتشابهون عمرهم 19 ملاك إلا هي أني
عمتي فاطمه هي العمه الوحيده ما عندنا لا عموم ولا خالات و لا خيلان
فاطمة 39 سنه
فاضل زوجها 40 سنه
جعفر عمره 20 سنه يدرس معانا في جامعة البحرين
مريم بنتهم الصغيره عمرها 7 اشهر تجنن بيضة و عيونها وساع و عسليين شعرها أشقر ناعم و رموشهااا طواااال
عائلة أبو صادق
أم صادق نعيمه 45 سنه
أبو صادق حسن 45 سنه
صادق 19 سنه يدرس في دمعة البحرين
ايمان 21 سنه
عائلة أبو صادق بيت جيراننا
بيتنا طابقين و احنا ناس عاديين ابويي يشتغل في شركة احنا عندنا خدامتين بس احنا الا نكوي الثياب و نغسلهم و ننشرهم في الصدح اتقول امي علشان انعود روحنا ع الشغل لين تزوجنا مو كل شي على الخدم بس الطبخ أمي تطبخ و احنا لازم نساعدها كلنا (ساره- منار- بسمه – ملاك)
البارت الأول::
الليل 3:30 الفجر
بسمة : ملاكو ملاكو قومي لحقي
ملاك : خير انشاء الله
بسمه: قومي قبل لا أبول في ثيابي
ملاك: لاتقولين خايفة تدخلين الحمام
بسمه : يالسخيفه حرامي في البيت قومي انشوف والله سمعت صوت
ملاك: يا أبويي أخاف( بدلع)
قمت و أني أرجف لبست الشيله ونزلت
بسمة: اتقدمي المطبخ
ملاك: انتين أول
بسمه : لا انتين
فجأة………….
دخل حسين و احنا من الخوف قمنا نصرخ بصوت عالي
حسين: شصاير ؟؟
ملاك: هذا انت يالحمار متنا من الخوف ييالسخيف
بسمه: ويش اتسوي هني ؟
حسين : أشرب ماي
ملاك: أها صدقت
حسين : والله
بسمة : ليش مو مركب غرشه ماي؟
حسين : نسيت
ملاك : يالله اني تعبانه لكن بسمو باجر نصيبش قعديني من النوم
بسمة: الحين عاد ,,, لاتهددني أكررره هالأسلوووب
ملاك باستهزاء: تباعدي يالجبانه
و رحت أركض ع الدرج
الصبح 9:00
أمي تنادينه و هي تحت لأن غرفنا فوق : ملا ك منار بسمه ساره نزلو سوو الريوق بسرعة
منار: يلا التوأم المختلف ماما تنادينه
ملاك: قولي ليها اني ما امبي
منار: انزين لا تبين بس نزلي بشري الطماط
بسمه: اففف يعني جدي جداك مننزل
ملاك: لا حول و لا قوه إلا بالله
بسمه أني بروح الحمام يلا
ملاك: اني بحاوس ف التلفون لين تتطلعين
ساره دخلت الحجرة
ساره: يلا حبايب ولا ناويين اسويي الريوق بروحي اني و عمتي
ملاك: جايين يا خلف جبد امش
اني: متوسط طولي و ضعيفه بيضة عيوني وساع عسليين رومي طوال ع فوق و شعري طويل لفخدي بني فاتح
بسمه : يسمونه التوأم المختلف لأن عكس بعض بسمة طولي بس أمتن مني بكيلويين و سمره خفيف لكن و عيونها وساع بني غامق و شعرها أسود للجتف
منار: بيضه طويله و ضعيفه عيونها عسلي و شعرها بني غامق للخصر روموشها طوال
ساره : طويله و ضعيفة سمره شوي و عيونها بني و شعرها أسود للجتف
ردت جت منار الغرفة و هي غرفتا صوب غرفتنا
منار : و الأخير وياكم؟
ملاك: أحارس بسمه تتطلع
– عن الدلع وروحي حمام الصاله
ساره اتجدب اصلا هي تكلمه
شلت المخدة و فلعتها ع ساره
سوس: أي يعووور بتطيحين البيبي ( وهي تهمز بطنها)
ميمي: عشتووو
نونو: الا صدق سوس متى الحمل بي اصير عمه
سوس: لوعتون جبدي ما صار ليي يومين من عرست
ميمي: انتين تدرين انش بتكملين الشهر التاسع الحين يعني حلاوتش من اول يوم زواج حامل جان الحين البيبي ف ايدنا
سوس: الله و اكبر من اول يوم عاد و انتين جاهلة ما بناقش في الموضوع اقول قومي سحعي هاليف( و تاشر ع شعري)
ميمي: محد شعره ليف غيرش يالقمله
نونو: لوع الله جبدكم
ميمي: اوهو
نونو: بيجيش كف
ميمي: يلا سويها
نونو: تعالي
و طلعت اركض خايفة انسدحت ع الكرسي ال الصاله الا فوق
حسين : وين خلف جبدي
ميمي: في حجرتك
منار : حسين مش ننزل أبرك من مقابل وجهها صارت 9:30
حسين : اي هههههههههه
و ع الدرج سوس نزلت ورى حسين الا مجود ايد اخته
ساره: الله الله مجود ايدها و وسالف و ضحك و اني بت البطة السوووده
حسين : لا يا عمري تعاي كنت افكرش ويا طايحة الحظ ملاكوو
سوس: جي ويش مسوويه العفريته
ملاك بصوت عااااي: ترى اسمع يالحميييييييير
منار: قومو ولو اني بنزل لامي
سوس: اوووك
ميمي: اني حصت الحمام بنزل
سارة : وين بسوووم
ميمي: طردتني من الحجرة ما ادري شفيها
سوس: اي شكله متهاوشه ويا …… (و حست لزلت لسانها )
ميمي تهمس لسوووس: سكتي لعنش ربي الحين وين نروح من حساانو
حسين: جي ويا من متهاوشه
سوس: هااا …….. و لا احد
حسين : تكلمو
ميمي: متهاوشه ويا نونو
حسين و هو مو مصدق( اها يلا نزلو)
حارسو حسين يتباعد شوي
سوس: تعاااالي بقول ليش شي خطييييير
ميمي: انتين كله خطيره
سساره : ده شي مهم
ميمي: قولي
سوس: هني تعالي حجرتنا
ميمي: انزين
و الحين
شرايكم ف البارت؟؟
من اكثر شخصية حبيتونها؟؟
تتوقعون شنو الشي الا بتقوله ساره حق مللاك؟؟
ابي ردووود يلا عااد بنات ولا ما بكتب البارت الثاني ترى على الاقل خمس ردود
وعليكم السلام ورحمة الله وبركاته
_._._.
يـا هلـا باستاذتي الأمل الراحلـ
أولاً: حبيت أشكرج على هالرواية الحلوة
ثانياً: اممممممم مادري شفيني بس مافهمت اللهجة البحرينية مع اني اقرى روايات بحرينيه بس اسمحيلي مفرداتج صعبه علي، أتمنى انج تسهلينها شوي ، ، ،
لأن روايتج شكلهـا حلوة
ليـ عودهـ بإذن الله لقراءة التكملهـ
مع تحيـاتي
في حفظ الله ورعايته.
ع هذه الروايه الجميله
موفقهــــ
بـ إنتظـــــــــــــار البارت الجاي
تحيــــــــــــــ لكـ ــــــــاتي
أبتسم رغم دموعي