لتعيشي حياتك بطعم السكر ورائحه المطر 2024.

نبدأ بالخطوات
اول شي لازم يكون قدام عيونك على طول ( إن بعض الظن إثم )

خلي هالايه قدام عينك على طول .. !!

عشان تهذبين نفسك وتأدبينها وتحرص بالتدريج أنها ماتتتحسس كثير من كلام الناس

لان التحسس ايش هو مو انك تفسرين كلام الناس وتصرفاتهم غلط

ممكن مره طيب تكسبين إثم .. !!

فاأنتي لاحطيتي ببالك ( إن بعض الظن إثم ) راح تساعدين نفسك كثير مره

وتكونين حطيتي لك قاعده او اساس تمشين علية

حتى لو كان تفسيرك للموقف او الكلام صح بس تتذكرين أن بعض الظن اثم
بترتاحين كثير

مو مهم الناس ايش تقصد اهم شي انا ماارتكب اثم ..

ثاني شي لما توصلك كلمه او تشوفين تصرف لاتعطين نفسك فرصة التفكير فية

بسرعه بنفس اللحظه تجاهلي .. تجاهلية على طول واشغلي تفكيرك بشي ثاني

حتى لو رجعتي وفكرتي فيه ارجعي اشغلي تفكيرك ..

حتى لو كان احساسك صح .. انتي ماعندك دليل مجرد تفكير .. سوء ظن .. شك

سميه الي تسمينة .. مهما كان انتي ماعندك أي دليل !!

تصرف .. كلمه وصلتك .. وفسرتها نفسك على هواها ..

حتى لما تتحسسين من شي اتذكري حساسيتك وانك وحده حساسه مره

وتفسرين الكلام غلط وتكبرين الموضوع مره وتبالغين..

فكري انو انتي حساسه عشان كذا ضايقتك الكلمة بسبب حساسيتك مو عشان شي ثاني
وان حساسيتك هي الي تخليك تفسرين الموضوع غلط

فخلاص كل ماتتضايقين من شي .. قولي انا حساسه .. انا افسر الامور غلط ..

انا ابالغ ..لازم مااعيد نفس الغلط مره ثانيه .. لازم ماأخلي حساسيتي تسيطر علي

لازم أكون أقوى ..

بسألك ألحين لما تتحسسين من كلمة او تصرف .. ايش يصير فيك ؟؟

مو تتضايقين كثير واوقات تبكين .. مو تعصبين كثير وتنفعلين ..

طيب.. ليه تتعبين نفسك بنفسك

والحل قدامك .. انتي عارفه مشكلتك وعارفه حلها ..فلية ماتريحين نفسك ؟

وتذكري اهم شي في خطوات حل المشكله ( الاعتراف بوجود المشكله )

وانتي عارفه مشكلتك وهذا اهم شي ..

الحين بس ماعليك الا تكون عندك قوة اراده انك تتخلصين منها

حاولي اقري ابحثي .. عودي نفسك من ألحين من هاللحظة كل مااسمع كلمة بطنشها

ومااعطي نفسي فرصة اني أتحسس منها

روضي نفسك هديها لما تواجه أي كلمة او تصرف .. هدي اعصابك لاتنفعلين

امسكي نفسك بالقوه .. سوي استرخاء .. لو كنتي جالسة نامي عالسرير

خذي شهيق وزفير .. 3 مرات

فكري تفكير ايجابي .. قولي بينك وبين نفسك ( مافيه شي هاذي بس حساسيتي )

رددي ( اللهم لاتجعل في قلوبنا غلآ للذين أمنوا )

فكري انو ممكن هالشخص لما طلعت منه هالكلمة او التصرف .. ممكن يكون متضايق

تعبان وماقصد هالشي .. وكلنا نغلط ونخطي مافيه احد معصوم من الخطأ

حتى أنتي ممكن بوقت تكونين مره مضغوطه ويطلع منك كلام او تصرفات ماكنتِ تقصدينها
بس غصب عنك تخرج
بهاذي الحاله ماتبين ألي حولك يقدرون ويلتمسون لك العذر

طيب حتى انتي التمسي العذر حتى لو كان غلطان ..

نفسك هاذي .. روحك .. قلبك .. لاتتعبينهم لاتحملينهم فوق طاقتهم
لاتحملينهم تفاهات .. ماراح تضيف لحياتك أي شي غير التعب والالم

وسامحوني عالقصور .. أستودعكم ربي ..!!

وي وي ولا رد هئ هئ هئ

طرح رائع وموضوعك اروع الله يجزاك خير
ننتظر جديدك
تقبلي مروري

مشكورة موضوع رائع ومفيد شكرا ألك

الف شكر

وتحياتي