ورجعوها تتمنى وتحلم أنها
تبقى جماعة محظورة زى زمان
بعد ما كانت بتحكم
وكل واحد فيها كان عامل
فارس الفرسان
ومحرر الاقصى والجولان
أكتر ناس دمرت الاخوان
هم قادة الاخوان
من أول المرشد والشاطر
لحد البلتاجى و العريان
اللى لسه لحد الان هربان
اللى لما يعوز يتكلم بيطلع على الجزيرة
ويقول للناس انزلواوخربوا
وهو فى الزوغان
وطبعا سى مرسى معاهم كمان
بس كان واقف على كتفه الحمام
كان مطيع لدرجة انه كان دايب دوبان
وكان مفكر الدنيا ربيع
وشغال بس فى التمكين
أصله فى لله غلبان
كان بيصدق الاحلام
هو فى اكتر من أنه يصلى بالرسول امام
احلموا كمان وكمان
خلاص الاخوان انتهى امرهم وبقوا
فى خبر كان
وفى طريقهم الان
للجحور وبعد ماكانوا
أسود هايبقوا فيران
كل واحد فيهم هايعلن التوبة والغفران
ويقول أنا ندمان
ويكفى أن صفوت حجازى قال
أنا مش أخوان
رجاء ما تزعلوش منى
أنا عمرى ما كنت ضدكم
أنا واحد منكم والدار امان
بس عقلى رجعلى
وعرفت أنى كنت غلطان
وأكتر حاجة صعبان عليا
أنى أشوفكم وأنتم
فى حالة من التوهان
فوقوا لنفسكم
عشان البلد تتطلع لقدام
واوعوا تفرحوا فى الخراب
اللى يفرح فى الخراب
ما يبقاش انسان
ومالوش مكان الا اللومان
الشاعر
عبد الحميد بدوى
لك تقبل مروري
ودي
ولا أعرفك ولا تعرفيني
كل المشكلة انك ساكنة في نن عيني
كل ما بهرب منك كل ما ابعد عنك
بالاقي نفسي في حضنك
وعينك في عيني
كل أما باجي أقول بحبك
ألاقيكي بتصديني
اه يا بلد نفسي أغني وأنت بس اللي تسمعيني
ملامحي من ملامحك وطينك من طيني
نفسي أتكحل وأقفل عليكي عيني
نفسي أجيلك وتجيلي
أكتبك قصيدة ألاقيكي بتبكيني
أحترت معاكي وحيرتيني
نفسى ألاقيكى وتلاقينى
مش عارف ليه حاسس بغربة
نفسى تططبى عليا وتضمينى
نفسى مرة وحدة تسمعينى
آه يا بلد مفيش حاجة بينك وبينى
ولا أعرفك ولا تعرفينى
كل المشكلة أنك ساكنة نن عينى
كل ما بهرب منك بلاقى نفسى فى حضنك
وعينك فى عينى
الشاعر
عبد الحميد بدوى
ينقل للقسم الانسب
تحياتي وتقديري