ملي جلسو شوية هدروا، قال ليهم: شنو نسبقو أتاي ولا العشا؟
قالوا ليه: العشا !
هو يقول ليهم: توكلنا على الله نوضو تصليو
===
هادو جوج دودات مشاو للحمام، وخرج ليهوم لوسخ بزاف
واحد الدودة قالت لصاحبتها: ناري ياختي، كون بقينا شويا كون دودنا
===
واحـد السيد نسيبــتو دارت كسيدة ضرباتــها طومـوبــيل
سولــوه : هــي دارت كسيدة وانت مال شـــلاقـــمك كـــحلين ؟
قــــال ليهم : شبـــعت بوســـان في الروايـــض
===
هادا واحد الفار سكران بزاف، شافه واحد المش فيه الجوع و بدا يجري عليه باش ياكله. منين بغاو يقطعوا الشانطي، المش دازت عليه طوموبيلة طحناته، و الفار سخف. منين فاق الفار و لقى المش حالته و هو يقول: أواه! واش أن غير نسكر ندير مصيبة
===
المعلم طلب من التلاميد يكتبو إنشاء كل واحد يتخيل راسو مدير شركة.
كلشي بدا كيكتب إلا واحد، ربّع يديه وبدا كيتعنكر
جا عندو المعلم وسولو: علاش مكتكتبش؟
جاوبو التلميذ: كنتسنى السكرتيرة ديالي باش نملي عليها وهي تكتب
===
واحد الموضف بغى يعيط للعساس يجيب ليه أتاي
وهو يغلط ف النمرة وصدق معيط على المدير ديالو
قال ليه: جيب ليا واحد أتاي للمكتب ديالي وطلق راسك أ الحمار
قال ليه المدير: واش عرفتي مع من كتهدر؟
قال ليه الموضف: لا
قال ليه المدير: أنا هو المدير أ الحيوان
قال ليه الموضف: ونتا عرفتي مع من كتهدر؟
قال ليه المدير: لا
قال ليه الموضف: إيوا الحمد لله
وهو يقطع
===
واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي… بغيتي الشرجم ديال بيتك يطل على الشانطي أولا على الجردة؟
===
واحد خايب بزاااااااااااااف بغى يخطب وطلبو منه صورته
عطاهم التصويرة وكتب عليها
وعسى أن تكرهوا شيئا وهو خير لكم
===
هادا واحد مكلخ كان غادي وهي تبان ليه 200 درهم جديييييدة طايحة فالأرض
شاف حتى ما بان ليه حتى واحد
وهو يهز ال 200 درهم جديدة وحط بلاصتها 200 درهم قديمة و مشى هرب يجري
===
الفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش
===
واحد المكلخ سولوه: أشنو الفرق بين الليمون والتفاح؟
قال ليهم: الليمون اللون ديالو ليموني ولكن التفاح اللون ديالو ماشي تفاحي
===
واحد الاستاذ قال لواحد التلميذ: صرف
Verbe "Dire" au présent de l’indicatif
الولد ماعرفش الجواب وبقى ساكت
قال ليه الاستاذ: أنا نعاونك في الاولى، و انت كمل
Je dis
الدري تفتحو عينيه من الفرحة و بدا
Vendredi
Samedi
Dimanche
===
هبيل سألوه : الزيتون فين كينوض؟
قال ليهم : كينوض في الكاشير
===
هادو ربعة د النملات كانوا غاديين ف الغابة، شوية وهو يبان ليهوم فيل
قالت ليهوم النملة اللولة: خاصنا نقتلوه، راه كيهددنا ف هاد الغابة
قالت النملة التانية: لا خاصنا نقطعو ليه رجليه الكبار
قالت النملة التالتة: أش بان ليكوم نلوحوه برا الغابة؟
قالت ليهوم النملة الرابعة: لا حشومة عليكوم، خليوه مسكين، حنا ربعة وهو غير واحد
===
هادا واحد الراجل صحيح دايما كيمشي عند مول الحانوت و كيقول له :عطيني كوكا ولا …؟
و مول الحانوت كيخاف منه و كيعطيها ليه بلا فلوس.
جا واحد النهار، مول الحانوت طلع ليه الدم و قال مع راسه و الله اليوم ما نخاف منه و اللي بغى يكون يكون. إيوا جا عنده هاداك الراجل و قال له: عطيني كوكا ولا …؟
جا مول الحانوت جاوبه :ولا شنو ؟
رد عليه الراجل و قال له: ولا فانتا
===
الولد: بابا بغيت ناخد كيري
الأب: والله ماتاخد غير بنت عمك طامو
الولد: بابا راه كيري فرماج
الأب: حتى طامو راها زبدة
أش كتعرفو فالزين
===
واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها
_______________________________