راح يجـي يـوم وتقول ابتعـد عنـي ما بستغرب لو هاليـوم جا وتفارقنـا
بحسب حسـابي عشان مايخيب ظنـي محنا لبعض ليه نكـذب على أنفسنـا
أنا متوقـع انك فيـوم راح تتركنـي لأن الظروف اللي بينا صعب تجمعنـا
لكـن لوجا هاليوم وتفارقنا صدقنـي راح أدعيلك بالخيـر وأتذكـر حبنـا
من الحين أقلك عشان أبـريء ذمتـي أشيـاء كثيـر بينـي و بينك تمنعنـا
كل شي مكتوب ماهو منك ولا منـي هذي أقـدار و ما ينلام أحـد فينـا
مادام الظروف مقفله عندك و عنـدي ليه مانبعد و نذكـر بالخيـر بعضنـا
نبعد و احنا حبايب ياسعدك وسعـدي بدل ما نبعـد و الجـرح فينا يشقينـا
أنا خايف من الأيام تبعدك و تبعدنـي والشي اللي نخـاف منه دايـم يجينـا
بس خوفي أكثر عليك يانظـر عينـي أخاف عليك من جرح الزمن وسنينـا
وأنـا لي قلب مايتحمـل اللي يجينـي ويموت لو جـا يـوم و قلنـا انتهينـا
ولو بقينـا بتعلـق فيك و تتعلق فينـي وراح يصيـر الذنب ذنبـك لو بقينـا
من الحين أقلك عشان أريح ضميـري بتركـك وحـده وحده والله يعينـا
صدقني راح أبعد عنك شري وخيـري أنت انسان وأنا انسان والأيام بتنسينـا
البعد قاسـي لكـن مثلي مثل غيـري نبعد برضانا قبل مانبعد غصب علينـا
هذا نصيبي و لازم أطيـر مع طيـري وما تضيق الا ويفـرجها رب العالمينـا
لك كل التحيه ودمت بخير
وسام 2024
كل شي مكتوب ماهو منك ولا منـي هذي أقـدار و ما ينلام أحـد فينـا
مادام الظروف مقفله عندك و عنـدي ليه مانبعد و نذكـر بالخيـر بعضنـا
نبعد و احنا حبايب ياسعدك وسعـدي بدل ما نبعـد و الجـرح فينا يشقينـا
مشاااعر مؤلمة
احرررف تحرك الوجدان
تعزف على اوتااار القلوووب بشدة
اجبرها القدر ومااصعبة
لحن اعتصر الفؤاد
احييك لاختيااارك او ابداعاتك
ودي وتقديري
الفراق امر صعب
لكن لابد منه
وقد يكون خيرا
لكن لايمكن للقلب ان ينسى من يحب
اعجبتني الأبيات
معبرة :: حزينة :: وفية