بعثرني الحزن يوم يجمّع سْهادي
من علم الرجل ما تفهق خطاويها؟!
نامي يا عيني… وخليّ زحمة أعيادي
ما فيه داعي سهرك وفرحتك فيها
كم طاح منّك حبيب، وقلت لك: عادي
أحياناً الناس ما تظهر… خوافيها
لكن تعالي ياحلم الشاعر الغادي
شبّي دموعي وضمّيني وطفيها
اخذي بعادك… وشيلي عنّي ضمادي
وردي عيوني لاماكنها… وشوفيها
ولقيت راحة كفوفك… بأسمي تنادي
مكتوب فيها الترف والحسن غاويها
أسهبت/ أسولف… وكنّي تونّي بادي
تقطع شفاتك… كلام الي يحاكيها
لمة يدينا وصال… وعشقك عتادي
و وصلك سفينه… تعانقني موانيها
ساعة، رحلتي… وانا في غيبتك هادي
أخترت صمت الشفاة الي معنيّها
عشان صادف رحيلك يوم ميلادي
أبـحتفظ في طعونك وأحتفل فيها !
راجح نواف
الحر الطليق
صح لسان شاعرها وسلمت يمناك
ابيات رغم الهدوء في تلقيها الا انها تحوي عنفوان الحرف وبركان الاحساس وموج هادر في الوصف
البيت
عشان صادف رحيلك يوم ميلادي
أبـحتفظ في طعونك وأحتفل فيها !
لك الشكر على جمال الطرح
ودي وتقديري
وإلله يبعد إلحزن عنإ
المشاركة الأصلية كتبت بواسطة alr2al
صح لسان شاعرها وسلمت يمناك
عشان صادف رحيلك يوم ميلادي
أبـحتفظ في طعونك وأحتفل فيها !
ودي وتقديري
شكرا لمرورك الراقي اخي الكريم
انرت متصفحي
لا تحرمنا من طلتك البهية
ودي و تقدثري