الرفيق اللي لياغبت مايحمي قفاي

الرفيق اللـي ليـا غبـت مايحمـي قفـاي
اجل لامن صرت حاضر ماني فـي حاجتـه

احتمـي دوري ودور القبيلـه مــن وراي
جمـدو هــرج الفـراغـات ياهراجـتـه

كانها بمصامـخ الـروس ولا بـاي بـاي
خلـو الفلـم المدبـلـج عـلـى دبلاجـتـه

طول عمري ماستمع من ضعيف الراي راي
ولاطمعـت بديـك خيـبـر ولا دجاجـتـه

العداوة شـي عـادي تجينـي مـن عـداي
من نسج نسـج العـداوات عرفـت نساجتـه

وإن كلاني مخلب مـن مخاليـب أصدقـاي
قلت ضاعت صيدته فـي طـرف عجاجتـه

وإن ثناهـا مـرة ثانيـة جعـلـه فــداي
لافسـق كلـب الخواجـة كـلا خواجـتـه

الارض ماهي ورث ابي والسماء ماهو سماي
مير الاعوج لاعترض لي عدلـت عواجتـه

أفـردة واذوقـه لمستيـن مـن عـصـاي
وأدبـة تأديـب طفـل عـلـى دراجـتـه

لين ينسى عنـاد راسـه ويذكـر مستـواي
ينتبـه ولا يسـوهـج عـلـى سوهاجـتـه

في نظرة الناس مالون واهـوه هـاي هـاي
والمـدوج مابعـد فـاق مــن دواجـتـه

أبك أنا لو اشرب البحـر مايقطـع ظمـاي
وانت مثل الضب يزحـف تحـت عجاجتـه

[youtube]

التوقيع

أبك أنا لو اشرب البحـر مايقطـع ظمـاي
وانت مثل الضب يزحـف تحـت عجاجتـه

رووووعه

احد يعرف وش معنى .. يسـوهـج على سوهاجته ؟
يعطيك العافية يالرحال

شكرا اخى على الابداع ولى نفس السؤال فى الرد السابق وشكرا

العضو الكريم

dr.skn

مشرفتي الكريمه

Pato Egypt

لكم الشكر على مروركم الكريم

هذي قصيده للشاعر سلطان الهاجري

وهو شاعر كبير ومعروف

وشطر البيت اللي سألتوا عن معناه

ينتبـه ولا يسـوهـج عـلـى سوهاجـتـه

يسوهج على سوهاجته

أي معنا يمشي على عماه

وهو وصف للجاهل إذا اغتر بجهله وصحبه الكبر عن الرجوع للمنطق والعقل

واوضحها الشاعر في بداية البيت

لين ينسى عنـاد راسـه ويذكـر مستـواي

ينتبـه ولا يسـوهـج عـلـى سوهاجـتـه

و لا هي اداة نهي ومنع

وتفيد التنبيه عن المضي في الجهل بدون معرفه

وافر الود والتقدير

الرفيق اللـي ليـا غبـت مايحمـي قفـاي
اجل لامن صرت حاضر ماني فـي حاجتـه

احتمـي دوري ودور القبيلـه مــن وراي
جمـدو هــرج الفـراغـات ياهراجـتـه

صح لسانه الشاعر سلطان الهاجري
وتسلم ايديك فديت راسك
ابيات قمه في الروعه والشموخ والهيبه
راقني مااراق لك

ولاعدمتك ياغالي

اترك تعليقاً إلغاء الرد