الشاعر احمد الهمامى
ولو انتهيت ومشيت وصــــــــــبحت كـــلمه ع الــــورق
هتفضل آهــــــــاتي سنـين للفاســـــــــدين تعــــــمل قلق
أنا الحقيقه وكلامي عـــــمره ماهينتـــــهي بمـــــــــوتي
وصوتي اللي مكتوم في الحياه بالموت هيصرخ عالملأ
وآه
امتى هيــيجي اليـوم واتلفّ بالكفن في تابــــــــوت
يمكن سنين يمــكن ثواني بس المؤكد هـــــــــموت
أوصيك ياولدي لو جه الأجل إياك تبـكي عــــــــليا
ولا عايز عزا ولا لطم أنا نفسي أموت في سـكوت
وآه
عيان هزيل الجسد وكله فيا يجوز
ماعـــــدش ليا وأنا الملك سلطــان
وماعدش نفسي غير بالموت أفوز
وآه
رباعيات الشاعر احمد الهمامى
قالوا الفـــتن في الأرض كـــل يوم بتــزيد
إيشي طائفي وإيشـي عنصري وبإيه يفـيد
ديني أو لوني أو نوعي ما دمت أنا إنسان
ولا نسيتوا ياخــــــــــلق إننا كلنا عـــــــبيد
وآه
سجين كفيف في زنزانه عتمه وحـر نـــــار
محكوم عليه يقضي باقي عمره في الانتظار
بصيص أمــــــــل جاي من بعيد ماشـــفوش
عماه ويأسه رمـــــــــاه في حضن الانــتحار
وآه
رباعيات الشاعر احمد الهمامى
قالوا الحياه زهزها سيــجاره وكـــــاس
والكل عايش فيها كـــمـــا الرقـــــــــاص
غني.. فــــــــقير.. زمـــار.. كـــله ماشي
بس يا خساره ماشي في الطريق ينداس
وآه
هنا مقر دواوين وليس شعر
اشكرك جزيل الشكر للقصيده
سانقلها بعد اذن الاخوه المشرفين بالقسم الى قسم الشعر
الخالد
قالوا زمان البنت تطــــــــــــــلـع لأمها
في شكلها وطبعها وتبقى نفــــــس دمها
وانتي يا بنت حوا شاربـه من أمـك إيه
إياكِ تكوني شـــــــــاربه منــها جهلــها
وآه
يا عـــبد مالك مش بتشكر ربنا لــيه
عد النعم اللي أنت فيها مالك فيه إيه
دي الصـــــحه نعمه ومن أهم النــعم
لو يوم تروح هتعيش عليل يا بيــه
وآه
عجوز كفيف أخرس فتح عينيه وقـال
ملعون أبوها المرأه وعلى كل حـــــال
لازم تسمعها وتشوفها على حــالـــــها
وإن كان محال يبقى هتعملها تمــــثال
وآه
— — — صلاح جاهين – – – –
سهير ليالى وياما لفيت وطفت
فى ليلة راجع فى الظلام قمت شفت
الخوف كأنه كلب سد الطريق
وكنت عاوز أقتله بس خفت
عجبى !!!!!
أنا قلبى كان شخشيخة أصبح جرس
جلجلت بيه صحيوا الخدم والحرس
أنا المهرج قمتوا ليه؟؟ خفتوا ليه؟؟
لا فى إيدى سيف ولا تحت منى فرس
عجبى !!!!!
دخل الربيع يضحك لقانى حزين
نده الربيع على اسمى لما قلت مين؟
حط الربيع أزهاره جنبى وراح
وإيش تعمل الأزهار للميتين؟
عجبى !!!!!
غدر الزمان يا قلبى مالوش أمان
وهايجى يوم تحتاج لحبة إيمان
ارتجف وسألنى أأمن بإيه؟؟
أأمن بإيه محتار بقالى زمان
عجبى !!!!!
يا باب أيا مقفول .. امتى الدخول؟
صبرت ياما واللى يصبر ينول
دقيت سنين والرد يرجعلى : مين؟؟
لو كنت عارف مين … أنا كنت أقول
عجبى !!!!!