تشوكليت كيك من مطبخ الشيف مونى بالصور

السلام عليكم ورحمة الله
المقادير دى انا اللى اخترعتها فضلت اخترع لغاية ماتظبطت معايا
المقادير سهلة وبسيطة
3 بيضات
100 جرام شيكولاته خام
2 قطعة زبدة
ربع كوب سكر
كوب الا ربع دقيق
ربع ملعقة صغيرة بيكنج بودر
ملعقة صغيرة فانيليا
وللصوص اللى هنزين بيه هنحتاج
100 جرام شيكولاته مبشورة
ربع كوب لبن
وكمان مكسرات للتزيين
اول حاجة هنبشر الشيكولاته او نقطعها ونحطها مع الزبدة ونسيحهم على حمام ميه

وهنا بعد ماساحو

هنسيبهم يبردو
وهنحط البيض مع السكر والفانيليا فى بولا

وهنضربهم بالمضرب

وهنحط عليهم الدقيق والبيكنج بودر

ونضربهم بالمضرب

هتكون صلصة الشيكولاته بردت هنحطها عليه وطبعا لازم نحطها وهى باردة او ع الاقل دافية بس متكونش سخنة عشان البيكنج بودر ميفسدش

ونقلبهم كويس بالويسك او الاسباتيولا مش بالمضرب

ونحطهم فى القالب

خبزتها فى فرن البوتاجاز على حرارة 125
ودى لما استوت

هنقلبها على طبق ونسيبها تبرد شوية وهنعمل صوص الشيكولاته اللى هنحطها عليه
هنحط اللبن مع الشيكولاته المبشورة

ونسيحهم على النار

ونحطهم على الكيكة وفوقهم مكسرات للتزيين وطبعا التزيين ده زى ماتحبى

ودى لما قطعتها
وطبعا مش قادرة اقولكم قد ايه طرية وطعمها رائع

يارب الموضوع يكون عجبكم

وااااااااااااااااو

مررررررررررره شهيه
سعبيل تسيل

حلوووووه مره ومكوناتها بسيطه وسهله
وتزيينها مررررررره شكله حلو

تسلم ايديك على الكيكه الذيذه
انت بجد طباخ؟؟

وفقك الله

يعطيك العافيه

يسلمـــــــو يعطيك العافيه

يم يم
وينك عنا حياتي اشتقتلك و لمواضيعك المميزة
انتي فنانة عنجد
احلى تقييم + تثبيت لابداعك