في معاهد السلام مع إسرائيل(عهد السادات)
ـــــــــــــــــــــــــــ
أنا رحت أزور سيدنا الحسين وإن كان كمان الطاهره
لكن نصيبي مكنش زين حتي كمان في القاهره
نزلت في الباب الحديد تايه ماليش أبدا رشيد
ناداني رمسيس من بعيد وقال لي مصر منوره
جريت عليه وأنا في ألم لقيته عظيم ثابت القدم
الكبرياء فيه والشمم جبار وطاوي جبابره
حييته وأنا واقف تمام حتي سمح لي بالكلام
قولتله كيف حال الهمام بعد المبادره يا قسوره
لكونها قال جريئه وشجاعه تمت بدون راي الجماعه
لاسيما واحنا في مجاعه وحالتنا والله مدهوره
ضحك وقال لي انت أيه داهيه وبس ها قولك ايه
بحلقت عيني لقيت عينيه فيها دمعه خرسه حائره
علي شعب حارب قال وجاع تلاتين سنه صابر شجاع
لكن مصيره كان الضياع علي ايد زعيمنا القثوره
ملك العاميه الساخر
أحمد الغندور
الشرقية
كفر الحمام
قصائد لأحمـد غـنـدور ،، سلمـت ،،