|
السلام عليكم ورحمة الله
ياغريب كن أديب ؟
كثير منا مايعرف قصة هذا المثل ولا يستغر ب هالشي لأن بالوقت الحاضر قليل نلقى أحد يقول مثل ويقول قصته بالعكس تلقى بعضنا يقول المثل ويصير المثل عليه وهو مايدري لانه مايدري وش قصة المثل ؟
قصة مثل ياغريب كن أديب سلمكم الله يقولك هذا رجال إشتهر بالكرم وكان كريم جدا كرم مايوصف لكن بنفس الوقت اشتهر عن هالرجال هذا شي شين ………………..؟! وهو إنه يضرب ضيفه ؟ كرم وقلة أخلاق ؟! و اشتهر عنه هالشي اللي هو مثل ماذكرنا إنه كريم وبنفس الوقت يضرب ضيفه ؟ و كان فيه واحد قلبه حي يعني يحب المرجله وعلوم الرجال وسمع عن هالرجال هذا اللي كريم ويضرب ضيفه قال لازم اروح وأتقهوى عنده و أشوف ليش يضرب ضيفه ؟ طبعا المسافة بعيده وبعد يومين وصل يم قرية هالرجال الكريم .. والرجال الكريم من أول بيته معروف يكون بطرف الديره يعني بمدخل الديره مثل مانقول المهم دخل عند الرجال وسلم عليه رحبه ترحيب يشرح الصدر الكريم سوى القهوه وهالضيف ماغير مسكت ويناضر وسوى الشاهي وصب للضيف فنجال وقرب له القدوع وتقهوى وقدع وصب له شاهي وشرب الشاهي الوضع كله زين .. الى الحين مافيه ضرب ولا شاف اللي سمع عنه وبعد الشاهي رحب وهلا وصب قهوه لضيفنا تقهوى وقضى قال أكرمك الله يبي يمشي خلاص شاف إن الرجال تمام التمام إستغرب الرجال قال بصدره وين الكلام اللي سمعت رده عليه مره ثانيه قال اكرمك الله قال حياك الله … قال أمشي أروح؟؟؟ قال إذا تبي تغدى معي حياك الله قال لالا أكرمك الله بس خلاص أمشي قال إيه حياك الله قال يعني : اذا سويت قهوه وفاحت الدله قال هه هه انتبه الدله فاحت ؟ مع العلم ان القهوه فاحت و إنكبت وأنا متعمد هالشي ..وأنت ماتكلمت وهذا يدل على أنك رجال كفو وتحترم مجالس الغير .. ..ويا غريب كن أديب .. قاله خوينا الله يجزاك خير وصح لسانك وصدقت عندنا ناس ماتقدر المجالس وعلوم الر جال .. وهذي قصتنا لمثل "ياغريب كن أديب "
|
يسلمو الايادي ياقمر