ازعلي منه بشياكة هيصلحك بشياكة
مش كل مرة يزعلك فيها او يقولك كلام يضايقك
تبينى فى ساعتها انك مضايقة وتردى وتقولى انا زعلت
وشوية لما مش يريحك ويطنشك تبعتى رسالة انا لسه مخنوقة
يقولك ما خلاص بقى
بس انتى برده لسه مأخدتش الى انتى محتاجاه " اللى هما كلمتين حلويين منه وطبطبة وكأنه مش قادر يعيش وانتى زعلانة"
هو بقى عايز من كلمة واحدة يصلح المشكلة يقولك خلاص بقى فأنتى تقوليلى ولا يهمك يا روحى مش زعلانة
وهنا بتيجى المشكلة هو بيصالحك ع اسلوبه
وانتى عايزاه يصالحلك ع اسلوبك
الفكرة بقى لما هو يضايقك … يضايقك بجد مش بتتأمصى ع الفاضى
لا ضايقك وزعلك سواء بكلام او تصرف
مش معقول حد هيزعل حد ومش هيحس بده اكيد هو حاسس انه زعلك
بس متوقع بقى انك تطنشى وخلاص
انتى بقى لا تقولى انا زعلانة منك من كذا وكذا ولا تتعاملى طبيعى
اقفى فى النص
اتعاملى بطريقة واقفة شوية يعنى اول ما يحس انك قافشة يقولك مالك تقوليله " مفيش خالص ليه يعنى بتقول كده انا تمام وضحكة خفيفة "
مش تردى تقوليله مفيشششششششششششششش وانتى قرفانة
هيقفل منك ومش هيعبرك
هو كده فهم انك زعلانة بشياكة
بس برده مش هيصالحك ولا هيقولك انه غلط لالالا مش ده اسلوبهم
هتلاقيه بيجر ناعم وصوته حنين كده ويقولك ازيك يا حبيبتى
وشوية حنان زيادة عن ما انتى متعوده
هنا بقى هتعرفى انه حس بزعلك وبيصالحك برده بشياكة
ادلعى بقى شوية كده وسبيه يدلع فيكى
بس اوعى تبينى انك مخنووووووووقة وقرفااااااااااانة لالالا كده هيتخنق منك
بنات طبعا ده لو موقف مش كبير
فى مواقف مثلا بعد الشر شتم فى الكلام معاكى لالالا ده تأخدى موقف جامد
مش تتعاملى بالطريقة اللى انا بقولها دى
دى فى المواقف الصغيرة لما يقصر معاكى فى اى كلام وتصرف
ها فهمتونى ولا لأ
وايه رأيكم فى النصيحة دى
؟؟
ده اول موضوع ليا هنا
التمييييييييييز بقى يا بناويت
النصييحة الثانية
من أصول التقل
من دماغى اللى ع قدى
شوية صغيرين من اصول التقل
فى الغالب يا بنات هما اللى بينهو المكالمة معانا صح ؟
فجأة يقولك يلا عايزة حاجة لا سلامتك سلام سلام
وتكون المكالمة مكملتش دقيقتين
طبعا انتى تقفلى متنرفزة ومتغاظة ومش مرتاحة
تعملى ايه بقى يا قمر
المرة اللى جاية بعد ما يخلص اسئلته التقليدية بتاعة كل مكالمة " اللى هى عاملة ايه بتعملى ايه الخ الخ "
تروحى انتى سبقاه يلا عايز حاجة ؟
هيقولك ايه ده فى ايه انتى بتقفلى كده " كأنه هو مش بيعمل كده " برىء اوى اصل ههههههههههههه
هتقوليله مفيش اصل : بنشر الغسيل / بذاكر / ماما ندت عليا / هعمل مكالمة لعمى خالى خالتى / هكمل رياضة / اى افتكاسة بقى من دماغك
بس بلاش تكون كدب حاولى تقولى حاجة فعلا هتعمليها او بتعمليها
هيقفل بتنرفز ما هو مش كله علينا بقى
او ممكن يقفل عادى بس الفرق انك مش هتحسى باللى بتحسيه لما هو يقفل كده معاكى
او ممكن اول ما تردى بعد ازيك ؟ وايه الاخبار ؟ تقوليله معلش هقفل واكلمك كمان شوية هيقولك فى ايه
هتقولى اى حجة وبرده ياريت تكون مش كدب
المهم انك تبقى مشغولة زيه وبتنهى المكالمة فى الانجاز زيه
لو عملتى كده طول اليوم هتلاقيه بليل قبل ما تنامو حابب يطول ف المكالمة معاكى
ايه رأيكم فى الافتكاسة دى
ودى كانت تانى نصيحة من نصايح Roraa
تـــــــــــابع
اتكلمنا فى الاول خالص إزاى تزعلى منه بشياكة لو الموضوع خفيف
وفى بنات سألتنى طيب لو الموضوع كبير نعمل ايه ؟؟
تأخدى موقف جامد بس من غير ما تضيعى حقك
طيب إزاى أضيع حقى ؟
لو اتعصبت / عليت صوتى / اتنرفزت
عاتبته جامد وبعنف
قفلت ف وشه
بعت مسج تحرق الدم
كل ده ممكن يضيع حقك وهينسى انه غلط فيك
وهيمسك فى اتفه حاجة ويغلطك
يبقى انا لازم اتعامل بحذر عشان اخد حقى بدون ما حد يلومنى
لو مثلا شتمك ..قال كلام ميصحش .. غلط فى حد من اهلك ..
تنهى المكالمة بهدوء جدا
وبس
يعنى لا تتصلى لا رسايل لا رنة
وقيسى الموضوع بدماغك
لو كبيررر اوى خدى مشورتك مامتك
وبعدين لما يحس بغلطه هيكلمك
سبيه يدافع عن نفسه ويعتذر
وياريت بلاش من اول كلمتين تحنى وترفعى الراية البيضة وتقولى انا اسفة سامحتك والهبل ده
لا تثبتى ع موقفك بس ياريت بلاش بأسلوب نكد تخليه يتخنق اصلا
لا تكلمى عادى ده بعد اعتذاره عادى كلامك هيبقى عادى فيه شوية رسميات
وشوية شوية وفكى
اما لو معتذرش وسايق الهبل
وبيتصل ويتكلم عادى
هنا تعاتبيه بجدية وتبعدى كام يوم كده لحد ما يعرف غلطه
اما معتذرش ومصمم انه صح وكان غلط كبير لازم تعرفى اهلك خصوصا لو جه ع كرامتك
أغلب الرجالة عصبية وكل واحد طريقة عصبيته بتختلف من التانى
بس كلهم مشتركين فى حاجة واحدة مش الرجالة بس ده اى كائن عصبى
وهى ان سهل اوى الواحد يمتص غضبهم
العصبية ايه حلها ..
سواء اتعصب على موضوع تافه او كبير انتى غلطانة ولا هو غلطان مش هتفرق
المهم إنك تسكتى خاااااااااااااااااالص
انسى انك ترودى عليه حتى لو استفزك حتى لو اتهمك زور
ده مش وقت تدافعى فيه عن نفسك نهائى
ولا ده وقت مناقشة وحل المشكلة
اسمعيه لغاية الاخر هدى اعصابك وخدى نفس
اعرفى حاجة مهمة جدا
ان أى انسان عصبى لما بيهدى ضميره بيأنبه وبيوجعه
متقوليش لا يا ختى ده ولا بيهمه
انتى ايش عرفك دى حاجة جواه .. انتى فاكرة انه هيجى يقولك انا ضميرى وجعنى عشان اتعصبت لا طبعا
بس ندمه هيظهر بطريقة غير مباشرة وانتى بذكائك هتفهمى
لو انتى غلطاانة : اعتذرى لما يهدى تماما
لو هو اللى غلطان : عاتبيه لما يهدى تماما وبلاش تقلبى دور الحنيه وتكشى وتخافى لما يتعصب وتخليه يقنعك انك غلطان
واحدة هتقول لالالا انا عصابية جدا جدا ومقدرش اتحكم ف اعصابى ؟
ليه متقدريش ؟ لا تقدرى
على فكرة بقى هتلاقى حوليك ناس كده استفزازين فى البيت او وسط اصحابك التعامل معاهم بهدوء هيساعدك على تمرين اعصابك ع الهدوء
اما لو فضلتى مقتنعة انك مش هتقدرى تتحكم فى اعصابك خلاص خلى كل مشاكلكم تكبر ومتجيش تشتكى لحد
لان مفتاح الحل ف ايدك
في حفظ الله ورعايته
اللي تنفعكم
ههههههههههههههههههههههههههههه
الله يسلمك ياجميله
وميرسي على المرور الجميل
في حفظ الله ورعايته
انشاء الله نطبقها
تمم ولا تحرمنا من مواضيعك وفي انتظار جديدك