ماعاد بدري قلت لي وش تحرا
ذابت نجوم اليل من جمرالآهات
ماعاد بدري تدري العمر مرة
سرقت سنينه مننا كيف لحظات
ماعاد بدري
تقول باكر وانت باكر تبرا
برا الزمن واقف على مر الأوقات
بتنتهي الدنيا قبل ماتجرا
لاضاعت الفرصة ترا الموت حسرات
ماعاد بدري
يامن تسخر كل أمري بأمره
همي وحزني والفرح والمسرات
ماترحم الي وسمت فيه عبرة
اشتاق حتى صار به منك لمحات
ماعاد بدري
الحب كله لوجمع عشر ذرة
والي بقلبي لك ملايين ذرات
احساسي لك كوكب تعدا المجرة0
فيه الفضا شيد لنفسه مجرات
ماعاد بدري
ليتك معي ساهر ليل الهوى كله
مانوم انا وانت لاجل الحب سهراني
ترا السهر مع حبيبك يبري العله
لا صرت شفق وهو عليك شفقاني
وراك دايم تعســـر القلب وتــلــه
اخاف يوم يجي ماعــــــاد تلقــــاني
كلش طراته الى وافق على حله
والا ترا كل شي يالغضي فـــــــاني
لاعاش خل تنكر عن هـوا خـلـه
يــوم حبيب ويــوم صـار قومـــــاني
كلمات المبدع بدر بن عبدالمحسن
غناء فنان العرب
وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله
في ليله كنها الليله
عرفتك بسمتي و فجري
و ليله زي ذي الليله
وهبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله
لا تردين الرسايل
ويش اسوي بالورق
و كل معنا للمحبه
ذاب فيها و احترق
لو تركتيني في ليله
بسمتك عند الرحيل
دمعة العين الكحيله
عذرها الواهي دليل
و ليله كانت الفرقا
و قالت لي فـ امان الله
غناء: محمد عبده
-=-=-=-=-=-=-=-=-=-=-=-
أنا عيوني على سورك يا بنت النور
يا عطر الليل وهمس الليل
أنا فيني الأماني سيل
أبي تعذرين إحساسي إذا قصرت
وابي تعذرين لو قصرت في حقك
أو قصر كلامي وما وصفك شعور
يا بنت النور يا عقد من الوله منثور
* * *
يا دانة بعين بحارك ترى الأحساس ربانك
وانا ربان هالمركب وأفني رحلتي عندك وحطيت الأمل عندك
بس الموج ما يساعد ولا الأقدار بتساعد
ولا الخطوة قربت مني ولا هدت
احس انها قريبة ويمك تباعد
يا بنت النور يا عقد من الوله منثور
* * *
أنا لك يا بريق الماس .. أنا الألماس
وانت لمعة الماسة وحساسة
وقلبك موطن الأزهار وأنا اللي يعشق الأزهار
وغيري يقطف احساسه
ولكن ما يهم اللي تولع في غرام الورد
إلا ما نسيته وردة سقاها بلهفة أنفاسه
أنا يا وردة العشاق ونار الحب والأشواق
أنا أول من عرف قلبك
وأول من سمع نبضك
وأول شخص لك إشتاق
يا بنت النور يا عقد من الوله منثور
شعر: عبدالرحمن بن مساعد
غناء: محمد عبده
قلتيلي إنسى
ومن يومها وأنا كل ليلة قدامي البرواز
حبر العيون ودمع القلم في دفتري
وصورتك رغم الألم
ورغم إنها خذت من أطباعك كثير وخانت البرواز
أشوفها في خاطري
حبيبتي ما بيدي حيلة
لا صرتي الصورة وعيوني البرواز
وشلون ابنسى
أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبهلك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى
حبيبتي لأجل أنسى جرحك واستريح
بأبكي .. وبعد البكى بأبكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد بنسى