انا اشهد ان هالحرب تغزاني بقلمي

ليتك في زمن ماهو زماني
………………………وليت الشرع عن حبك نهاني
ولا ظني ولا هالظن جاني
……………………………ولكن باب اطراء الجناني
لأن الوقت معها كان جنة
…………………………..ولكن جنة احضانه ثواني
علشان أن من باب انه اولى
……………………….يفز الشعر وشعوره قراني
يصعب شرح حبك بالقصايد
………………………ولا يوفيه هالفكر ولساني
لأن الوصف في تعداد حبك
……………………….يطول الذكر وتمل المعاني
وكان العين جت بالعين صدفه
………………………….احاول وقتها اثبت مكاني
واذا ابتسمت اموت ولا افوت
……………………….اشوف بدايه البسمه زماني
اذوب ان كان فيها شبه ميله
………………..انا اشهد أنْ هالحرب تغزاني
واذا قالت ترى بالبال اضمك
……………….اشوف الحضن قام ولك خذاني
واذا قلت اتجاهك وين رايح
…………………يقول الشوق لـكفوفك دعاني
هذا الوقت انا مادري بنفسي
………………….ولا احس الا صوته في اذاني
تقول اني تمنيت أن اخمك
………………..واشم العطر باطراف المحاني
تبي تحكين يا اروع حكاية
………………………ياضي العمر يا احلا تهاني
اقول وكلمتي تاصل وتقطع
…………………….ولا ادري وقتها بالي غشاني
ولابه من يترجم رمز حسي
…………………………كفاك العمر لكن ماكفاني
عشقت النفس من عشقي لحبه
…………………..ياروح الروح ياروح الحناني
ياغصن الورد في اول حكاية
…………………..يا أول شخص قلبي لك حداني
ياضو الشمس يانور المدينة
……………………ياشارع تزدحم فيه الأماني
اقضي العمر وانا بس اخيلك
………………..وتمطر شوق واحساس واغاني
انا عقبك على ظهر السفينة
………………….سفينة عطف واطيافك مواني
لبى صوتها لبى حباله
……………………..وطلتها كما سهيل اليماني
دموع الطفل في اول حضوره
………………………دليل انًا به الدنيا نعاني
فيني شي ودي لك اقوله
……………………..مابي بُعدك اذا حبك بلاني
لأن اخاف من اشباع قلبك
…………………..واخاف بصدمة الغيبه اعاني
اعيش احلام واقعها حقيقة
…………………..نسيت الحزن لكن مانساني
فيا اختاه أن تهوين هجراً
………………….فموت القلب اهون أنْ رجاني
لأني قد عطيت الناس صدقاً
……………….ولا اذكرني بها شخصا عطاني
وكنت اذا عذرت يزيد قبحاً
……………….يظن الموت يأتي أن جفاني
فسحقا يا أناسن قد رحلتم
………………..فليس لكم حنيناً قد خذاني