السخينة اكلة شتوية اسوانية من مطبخ الشيف مونى بالصور 2024.

السلام عليكم ورحمة الله
دى اكلة كنا بنعملها فى الشتا لما كنا عايشين فى اسوان ولسه بنعملها
مقاديرها بسيطة وطريقتها بسيطة
المقادير(ملحوظة المقادير دى لفرد واحد او اتنين على الكتير)
نص رغيف بلدى مقطع قطع صغيرة
4 ملاعق كبيرة عسل اسود
ملعقة كبيرة سمنة
ميه او حلبة
هنقطع العيش ونحمصه فى السمنة مع التقليب المستمر بالملعقة
ولما لونه يحمر هنحط العسل الاسود ونقلبه فيه
وبعد كده هنحط الميه او الحلبة لغاية ماتبقى مغطية العيش
انا عن نفسى حطيت ميه
واغطى عليها
واغرفها لما الميه تنشف
وبالهنا والشفا
اسيبكم مع الصور بالترتيب

فكرة جميلة وجديدة
شكرا على التقديم

تسلمو ياقمرات ع ردودكم الجميلة
وفى انتظار تطبيقاتكم
وتحت امركم فى استفسار