الحب الأول ) وفيّ لكن من اللي يستحق ؟ 2024.

ملامح ذكريـات .. وبرهـة اوقـات .. وحديـث الـذات
على شاطـي .. بحـر ليلـة ضيـاع ٍ .. جوّهـا هـادي
ضياعي / منهل اوجاعي / وداعـي / قلبـي اللـي مـات
سبب صدمة فـراق ٍ .. لـو تبيـن اسبابهـا .. عـادي
فراقي / واحتراقـي / واشتياقـي .. فـي زمـن يقتـات
من احلى حـب .. عزّانـي رحيلـه .. ضيقـي البـادي
اضيق .. ولا طريق.. الا مضيـق .. الفُقـد والحسـرات
افيق .. ولا صديـق .. الا بريـق .. امسـي وحسـادي
تشبعّت .. بصمودي مـن قيـودي .. واسـود الاوقـات
ركنّـت لنـور .. درب الذكريـات .. وحزنـي اقـنـادي
عرفـت انـي غريـب بواقعـي .. مُستنفـذ الحـيـلات
عرفت اني على باب الرحيل .. انقـش : مـن اسنـادي؟
لويت اذراع صمتي .. للرحيـل .. وحسـرة اللـي بـات
زهيد بكـل مـا يملـك .. وانـا زُهـدي مـن اعتـادي!
وفيّ .. لكـن مـن اللـي يستحـق الحـب .. والابيـات
وفيّ .. لكن خسرت الحب كلـه .. و اعـرّض امـدادي!
لو انه حُب .. فوق الوصـف .. وألجـمّ معجـم الكلمـات
عزاي .. اشيل .. عـذر اول حبيـب .. لطعنـة انـدادي
وفـاء عشـرة .. يكفنّهـا وداعـي .. بالـزمـان الآت
ورى حدب ٍ .. يقوّسهـا الضيـاع .. وغربـة افـوادي
عذابي .. يا اعتذابي ..من كتابي .. طيف .. بالصفحـات
اغني له .. وانا استعرض سطوره .. ضاعت امجـادي!!
بداية.. مـن فـراق الحـب الاول .. واعمـق الطعنـات
نهاية .. باللهيب اللي .. حرف وجهـي .. عـن ابـلادي
رحلت انزف حياتـي .. والشمـوخ .. يقودنـي بسكـات
رحلت .. وسكرة الموت .. الرفيق .. وصفـق الآيـادي
رحلت .. اقطف من الذكرى .. ثوان .. من اجمل اللحظات
واعيش ابها .. ورى باب الوفاء .. واستلطف اسهـادي
تكبّـدت العنـا .. بيـن الجـروح .. وهـادم الـلـذات
غريب يغيب زولي .. لا احتضرت .. بشوفـة اسيـادي!
تعبت من الفراق .. وضاقت اعيونـي .. مـن العبـرات
مثل ما ضاق .. سدّ المـاء .. مـن الطوفـان والـوادي
رحيل .. اربع سنين .. بغبـة الذكـرى .. مـع الآهـات
كفيل انه .. شفى جرحي .. ومات الجـرح .. واعنـادي
سجدت .. استنجد الله .. فـي طريـق يجبّـر العثـرات
وانا بيـن الريـاح .. وهقوتـي فـي ربـي .. اوتـادي
عرفـت ان البشـر .. فيهـم يخيـب الظـن والهقـوات
وثقت .. انـي تحـت رحمـة ولـيّ العـرش والهـادي
رخص حب / وصرخ قلب / وبكت عين / وشكت نظـرات
و أفلّ نجم / وبزغ نجم / وذرف حزن / وعـزف شـادي
طويت مع اللحن .. فصل الحزن .. من عمري اللي فـات
كتبت .. الحب الاول .. هو سبـب .. موتـي وميـلادي!
تنفست الصبر .. لأجـل الفـرح .. يستنـزف الضيقـات
صدحت من الفخر .. وش مات .. ياايامي .. من اعيادي
بديت ابني .. مع الآخر .. تواصـل .. وانثـر البسمـات
بديت .. اجمع شتاتي .. وارميّ احزاني .. على اصفـادي
الين استشرّب القلب .. الفرح .. وانكف عـن السجـات
وطاب النوم .. فـي ليـل السكـون .. و نفحـة الكـادي
رغم عطر السكون .. وليل داجي .. والتعب خـذ / هـات
وقفت .. انظر مع الشباك .. واطلق للمـدى .. اجيـادي
سريت احضن من النور .. الشعاع .. وخطوتي .. خطوات
قربت .. وهزّني .. بيـن الزوايـا .. صرخـة امنـادي!
هنا .. يا مرحبا بك .. حُلّ ضيـف .. وتعـرف العـادات
قلطت .. وعادني .. فـي مجلسـة .. وبجانـب اقيـادي!
تشبعّت .. بجروحي .. من وضوحي .. و اكتفّت غابـات
صبرت ولا انكسـرت .. وغربتـي .. بوابـة ارشـادي!
اسامر .. صوت الامس .. بذكرياتي .. وارفـع الرايـات
و ألملمّ .. للصدى .. حاضر شتاتي .. وأربـطّ اجهـادي
يزف الامس .. ترسانـة صمـودي .. و أدحـرّه مـرات
واناظر .. في مضض .. طيف الفرح .. والحاضر ألحادي
على الماضي .. غبار الوقت .. لا جيت .. اختلس نظرات
ما اشوف الا .. سنآ جرحي .. يلوح .. بعتمـة افـوادي
وفيّ .. لكن جزاي .. ارحل جريـح .. وقصتـي بأبيـات
جريح .. وسكرة الموت .. الرفيق .. وصفـق الآيـادي!

السلام عليكم ورحمة الله وبركاته

لا تنسوني بردودكم

عبد الرحمن ..

تعجز حروفي أن تصف معنى الابدااااع التي خطته يداك ..

غرقت حروف قلمي بين حبر احآآسيسكـ ..

وجدنا بين سطورها ..

تلك الاحاسيس و المشاعر ..

كلمات عشنا بين سطورها ..

فانت نثرت لنآآ حروفـ تسمو بمعآآنيهآآ في اعمآآق القلوب ..

أبدعت بمعنى الكلمه ..

تقبل مروري ..

نــــــــــــــــــــــــــــــوف …

سجدت .. استنجد الله .. فـي طريـق يجبّـر العثـرات
وانا بيـن الريـاح .. وهقوتـي فـي ربـي .. اوتـادي

عبدالرحمن

ابدعت بما نقلت

رووعه بجد روعه

قصيده رائعه تحمل قصه عشت بين سطورها

ابيات اعجز عن مدحها او حتى وصف روعتها

عبدالرحمن

انا انتظرك تاتي بمثل هالابداع..

لاعدمناك ولاعدمنا ابدعك..

تقبل طلتـــي

دمـــت لاحبتـــكـ..