السلام عليكم ورحمة الله وبركاته
******
قالولي بتحب مصر..
سكت وخرجت مني تنهيدة وقلت أكيد
من غير ما أحلفلكم بعزة وجاه ربنا المعبود
دي غزالة الزمان
أللي حبها أتوجد في القلب وهو لسه وليد
أنا أبنها المغنواتي
وبرضه تلاقيني عسكري واقف بنبووته على الحدود
يامه ياماي عايز يام الخير أحكيلك
وياريت يام الجبين مريمي تكوني سامعاني
عاوز أترمي في حجرك وأبكي وأشكيلك
دي الشكوى في القلب جمرة نار ومرار أه ياني
ياأم العيون شطوط
أنت مش غريبه وعارفه إن الغلا بقا غول
أل أيه بيستوردولنا الدوا للعيال حتى زيت الفول
وأبنك المطحون أللي كان حجر في هرم فرعون
النهاردة بقا حيران بين طوابير العيش والدمعه ملت العيون
وقالولي بتحب مصر… قلت ياعالم أكيد
أم الشوارع نور والمزارع نيلاني
دي الخاله للجميع.. وحبها فرحة لبس العيد
أمي هي وحبيتي هي وهي أللي فاهماني
*****
أل أيه بيسألوني.. أنت صحيح بتحب مصر
قلت هو من أمتى الحب في القلب محتاج لآماره ودليل
أسألوا سومه ليه غنت سنين في عشقها
ولا حلُم ليه حلف بسماها وتراب أرضها
مصر هي هاجر أم العرب
أللي خلفت جنب الكعبه سيدنا أسماعيل
أسألوا يعقوب أو سويرس عن طيبة شعبها
وزويل عن سر العلم في هرمها وحضارة أهلها
مذكوره متحصنه من عند ربنا ..
أمنة في أيات الذكر والتنزيل
أسألوا سيدنا يوسف
هو أزاي حبها وهو خازن الحب وقمحها
وشنوده لو دور هايلاقي ذكرها منسي في الآناجيل
والطاهرة أم المسيح
أستخبت من ظلم الرومان بين دروب حبها
********
ولسه بتسألوني بتحب مصر…صرخت وقلت أكيد
دي مصر أرض القمر أللي حبها نبض وألم وشجون
يابهيه والله عاشق أنا لترابك الزعفران وحبك صرخة وريد
أنا أبنك المعجباني.. أللي رغم الشكوى
بيصرخ بأسمك مصر .. مصر كل مايجي جون
ولادك العدوي والشعراوي وحسان
رافعين أزهرك فوق منبرك وحافظين للقرأن المجيد
والجوهري وشحاته وأبو تريكه
رافعين أسمك والعالم بيك بقا مجنون
فى النهايه لو سألوني عن حبك .
هاصرخ وأقول بحبك يامصر بشكل عنيد
*****
نزار المصري
اللهم صل على محمد وعلى آله وصحبه أجمعين
وأفضل الذكر*** لا إله إلا الله
جميل ماتغنى بة قلمك…وكم هو جميل لحنة وصداها
معزووووفة اطربتني…وحرووووف ادهشتني…
فهنيئا لك بمصر وهنيئا لمصر بيك…
لقلبك النبض ولروووحك الهناء…
ولك مني ارق التحايا واعذبها..
جميل ماتغنى بة قلمك…وكم هو جميل لحنة وصداها
معزووووفة اطربتني…وحرووووف ادهشتني…
فهنيئا لك بمصر وهنيئا لمصر بيك…
لقلبك النبض ولروووحك الهناء…
ولك مني ارق التحايا واعذبها..
أفضل الدعاء*** ألحمد لله
السلام عليكم ورحمة الله وبركاته
***
شكرا ياغاليه أختي غاليه بنت ساري الجميله
أحساسك رائع بالحرف والمعاني الرقيقة
تشكرات وتحايا بقدر رقيك
***
اللهم صل على محمد وعلى آله وصحبه أجمعين
وأفضل الذكر*** لا إله إلا الله
السلام عليكم ورحمة الله وبركاته
***
جربت تقعد جنب ساقية حنان في غيط كمون
ولاتدخل جنينة أمان مزروعه بمانجه أو لمون
هي دي أرض السماحه أللي عشانها كل شئ يهون
***
هي حبيبتي كده. أيوه كده
هي ريحة لمة ولادها الطيبين جنب جامع في السيده
وهي متأكده برضه بتشعلها ناروجحيم عالعدا
وولادها شايلين العلم وياه القلم والسلاح وهما بيلبوا الندا
***
هي
طعم النجاح وياه لقمة القاضي من عند عوف
نظرة تحدي لكل الصعاب من غير تردد ولا خوف
زغرودة فرحه وكحلة طريق بس أنت بص وشوف
************
نزار المصري
***
اللهم صل على محمد وعلى آله وصحبه أجمعين
وأفضل الذكر*** لا إله إلا الله
مصر دي عشقنا .. دي روحنا .. ودي جنبنا
دي امنا .. على ترابها نبوس ارضها
حاكوا كتير وتغنوا كتير عن مصر
لكن مهما قلنا ومهما عدنا .. مش هيكفي نقول هي دي مصر
مصر حياتي .. ومصر جناتي
بيكي نجحنا .. وبيكي عِلِينا
بيكي انتصرنا .. وبيكي غنينا
انتي هوانا .. وانتي مأوانا
انتي حياتنا .. وبيكي الفرح جانا
يامحلى شعبك الطيب .. الجامح
بالشهامه والطيبه .. سامع
لو واحد فيكي وقع ..
الف واحد .. قادر
بيكي يامصر نعلى ونبكر
وبيكى نغلى ونقدر
ايديا طاهرة في ارضك
زرعنا فيها .. قلبك
خرجنا منها اعدائك
وخلناهم يفروا من تاني
انتي حبيبتي يامصر يامصر
شكرا لك استاذي على كلماتك الجميله في محبوباتنا ومعشوقاتنا مصر
في حفظ الله ورعايته