ارجوا منكم مساعدتي وكسب الاجر فيني تعبت والله تعبت وفقدت الامل
مشكلتي من سنه اكلت سمبوس ونمت وصحيت من النوم وكأن احد جالس على صدري
حاولت ارجع ما قدرت حسيت كني بموت جلست ربع ساعه وانا كني بموت من الضيقه اللي بصدري
واشرب مويه وما كو فايده واحاول ارجع ويالله خفيت
المهم من بعدها قمت اوسوس بالاكل وخصوصا الرز
قمت اي شي اكله بعد ساعه اروح احط اصابيعي بثمي واحاول ارجعه
واللي زاد الطين بله حملت ومع الوحام زدت وصرت حتى بسكوت الشاي اخاف منه واحس انه يسبب لي حموضه وكل شي اكله اروح احاول ارجعه
لين ما نزل وزني تقريبا 13 كيلوا وصرت هيكل وشكلي غير مقبول احس اني فقدت جمالي بالضعف
وزاد الاكتئاب
رحت لدكتور نفسي وصف لي دوى البروزاك وقال حق امي امنعوها تدخل الحمام ترجع لو اسبوع وبعدين بتطيب لكن محد قادر يمنعني حاولت لكن ما قدرت وخصوصا بالليل اخاف اكل شي حتى لو بس حليب ويسبب لي ضيقه او حراره او انه ما يتهضم
لآن مره اكلت رز وبعد خمس ساعات رحت ارجع لقيت ان الاكل طلع وما تغير يعني ما تهضم
وقام يزيد خوفي
والحين ولدت بالسلامه لكني ما زلت على وضعي قلت يمكن عشان الوحام قبل بس ما تغير شي
ولما اكل شي واحاول اقاوم كم ساعه واتجشأ واشم ريحت الاكل بالتجشأ يزيد خوفي واقول اكلي ما تهضم
واروح احط صبعي عشان ارجعه
والله كرهت الاكل وكرهت نفسي وخايفه اجيب لنفسي مرض بالمعده
حاولت اروح لدكتور نفسي ثاني بس ما حصل لي
وعرضت مشكلتي بمنتدى وقالوا لي الدوى لحاله ما يكفي لازم علاج سلوكي
بس من وين احصل على احد يعالجني علاج سلوكي
الله يجزاكم الف خير ساعدوني ودلوني على طريقه اتخلص منها من الخوف من الاكل
ولا تعطوني حل مختصر او تقولون روحي لدكتور نفسي
ابي شي يقنعني ان الاكل يتهضم انا الحين نفاس ومحتاجه للأكل عشان اطيب
بس وش اسوي مازلت بس اكل شي اروح احاول ارجعه وصار عندي خوف من الحوم والاكل بشكل عام
الله يخليكم ساعدوني وعمري ما بنسى هذا المعروف وراح ادعي للي يساعدني
ادري ان في ناس راح تقرى مشكلتي وتضحك عليها بس اقول لا تهزأ بأخيك يعافيه ربك ويبتليك
ولي عوده بعد ردودكم
نسيت اقول لكم رحت لدكتوره باطنيه وسوت لي تحاليل وتصوير وقالت انتي سليمه بس هذا نفسي
طهور ان شاء الله ولا باس عليك يالغالية
اختي الغالية سنحاول ان نجد لك حل
استعيني بالله وادعي في صلاتك ان يمن الله عليك بالشفاء ويعينك على نفسك وتنتصري عليها
اختي الغالية لماذا لم تنامي في المستشفى وتكونين تحت الرعاية الطبية وتتدرجي في العلاج ؟؟؟؟؟؟؟
اختي الغالية بالنسبة لهاجس الخوف من عدم هضم الغذاء فاقنعي نفسك داخليا
قولي (الله سبحانه وتعالى خلق لنا الاسنان لقطع الطعام …………………….قطع الطعام بداية الهضم
خلق لنا البلعوم ……………………ليبلع الطعام المقطع …………………….خلق لنا المعده والتي تهضم الطعام
والمعدة تعمل لمدة ثلاث ساعات لتهضم …………………ولو كان الغذاء لا يهضم لما اكله غيرنا ………………….وكل هذه الفترة من عمري الطعام يهضم ………………..فهل الان لا يهضم ))
جربي تقطيع الطعام الى اجزاء صغيرة جدا وكليها ………………….حتى تتعودي على الاكل
عندما تاكلين حاولي نسيان امر الهضم …………………..انشغلي بقراءة كتاب وانت تاكلين مثلا
وانت امام الكمبيوتر اهتمي بامر يشدك وكلي ساعتها …………وستتعودين على الاكل …………….
كلي في جمعة اهلك حتى لا تضعي يدك في فمك وتستفرغين الطعام …………………لان النفس ستحرج امام الاهل
قولي لنفسك ((ان لم آكل فان وزني سينزل …………………………وسيتشوه شكلي ………………وطفلي يحتاج الى رضاعة ……………..ساكل لاجل طفلي ………………والا ساضر طفلي …………..والخوف يريد ان يقضي علي ………………………….وانا يجب ان اتخلص منه قبل ان يتحكم فيني ))
جربي تناول فاتح الشهية الذي سيجبرك على الاكل ………………….بشرط ان تاكلي امام احد ولا تكوني بمفردك
افتحي على محرك البحث عن كيفية هضم الطعام حتى تتاكدي وتتيقني وتقنعي نفسك
اثناء تناولك الطعام امام احد ……………………لا تقومي من امام المائدة وانما ارغمي نفسك على الجلوس الى ان تهضمي الاكل ………………………
اتمنى ان اكون افدتك وانتظر ردك على اقتراحاتي وانتظري الاخوة والاخوات سيفيدونك ان شاء الله
حياك الله اختي الغالية في البرق مرة اخرى
كان بودي اكون بمستشفى بس مو حاصل لي
وبالنسبه للأستفراغ يكون بعد ساعه ساعتين
وشهيتي الحمد لله كويسه ما احتاج لفاتح شهيه
ودي بأفكار تخليني ما اخاف وما استفرغ
انا دايما اقول لنفسي قبل كنت اكل وما ضرني الاكل وشمعنى الحين واخلي الاكل كم ساعه وفجأه
احس بضيقه بصدري واروح احاول اطلع الاكل واذا ما رضى يطلع يزيد خوفي ويصير ودي اصارخ واصيح
وارجع للموال القديم بعد ساعه اروح ارجع
والله حاسه اني جالسه انتحر
خايفه على عيالي يفقدوني
ارجوكم اكسبوا اجر في عيالي والا زوجي اناني اقربها بيدور على ثانيه
تدرون انصدمت في خلال يومين فقدت كيلويين الحين وزني 38
وخايفه بعد كم يوم انتهي واموت وما ارد عليكم