على ذاك الطريق اللـــــــي لقيته هادي مهجور
وعلى ذاك الطريق اللـــــي نعش قلبي وحبيته
لقيت الماضي ينظرنــــي وقفت وقلت له ماجور
ورد بصوته الهـــــــــــــــادي وصوته فيه تنهيته
وقفت وقلت له خدمه ؟؟ واشر قـــــايل ٍ مشكور
ولكن وسط اشاراته اترجم قـــــــــــــــول ياليته
وقلت ارجوك علمنــــــــــي بلاش انك تلف تدور
تعال ارجوك علمنــــي وش اللي دوني اخفيته
وقام وعبرته غصّـــــــــت معه في داخل الحنجور
وحط ايده بيدّي ثـــــــــم مشى قدمي وجاريته
وجينا الحي الاول جـــــيت الآ يالخاطر المكسور
على الدار القديمه جيــــــــت الآ ياليت ماجيته
لقيت جــــــــــدار متهدّم عقب ماهو عليه زهور
وحييت الجدار بشــــوق سقى الله يوم ضميته
وذقت الشوق عال العال ونبّهني صدى العصفور
معا شباك غرفتهـــــــــــا سمعت الصوت ولبيته
وجيت اجري على الغرفه!! وانا والله بدون شعور
اخم جدار عقب جــــــــــــــدار وكل جدار خميته
ودخلت غرفتها كــــــــذا !! وقفت وكني المذعور
ولقيت اطلالها يبكــــــــــــي ياويلي يوم لاقيته
الا ياليتني صـــــــــــديت وخليت الوضع مستور
والا ياليتني صــــــــــــديت وكفي عنه خشيته
وهذا حبي الفايـــــــــــت خذا مني زمن وعصور
يحركني مع الذكــــــــــــرى واقول اني تناسيته
وانتقاء احلى واروع وارقى من كل ذلك
النقية موجات البحر
شكراً لكِ على هذا الانتقاء المميز
انرتِ القسم
انشوده رائعة لا تقل عن براعتك
فأنت من ارتنا الروعة
يا صاحب الروعة
لك الود