يومني مافارق العابي ومشغول معاها
جاهل سني صغير وماعرفت الا الوناسه
ومن سالني عن هدومي قلت ابوي اللي شراها
اثر كل اصغير يكبر والعمر فيه انتكاسه
والشباب افضل مراحل العمر وافضل مستواها
قلب ياللي كل ماهب الهواعود اعماسه
يحتري الفرصه وهي تبعد وكنه محتريها
كم نصحته قلت وله ياقلب غير ذا السياسه
كم نفوس مانفعها الطب واعماها دواها
وكل رجل لابغى يلبس يدور من مقاسه
وادري ارضا الناس غايه بس مدري وش رضاها
يالله انك تقطع اللي مايعرف الا البلاسه
بين ربعه وينقل الهرجه ويشذب في قفاها
يسقط الواحد العمره صارت الدعوا نحاسه
كل منهم راغب نفسه ويتبع مشتهاها
ويالله انك تقطع قلوب بداخلها خساسه
والنوايا السيئه يارب عجل في فناها
والقلوب الميته فيها مع الخبيث النحاسه
شرها للطيبين وماتهاب الأ عداها
كم شربت من الزمان وكم سقاني مركاسه
بين هم وبين جورز وماخذت الاحداها
والمناصب والكراسي والمسمى والرئاسه
كل ابيها هم والدنيا تعب مكثر غثاها
ودك ان الرجل عارف ياخذ علومه براسه
يتبع السيئه بالحسنه والذنوب اللي جناها
كل واحد لو تنكر يرجع العرقه وساسه
والذيابه لاذبحها الجوع تزعج في عواها
مايفيد بذا الزمان الا المهابه والشراسه
حرص لبندق ولكن خلها داخل اخباها
بيت شعري لاكتبته اتفاجا بقتباسه
كل شاعر ياخذ الفكره وكنه ماخذها
فضل الناس الجلوس وكسر الحطاب فاسه
وكل راعي مهنه ريح ذلوله من عناها
قالو ان الضغط للكهرب يولد التماسه
كيف طيب في ضغوطات الحياه وفي شقاها
وكان شفت ان المريض اصبح يبالغ في عطاسه
قرب المخطر بنار حاميه بس صلها
والصداقه لاغدت بالسر والا بالدساسه
اخرتها تنتهي اما عشيه او ضحاها
في مناكب الارض نمشي وابسكينه وابر ساسه
نرجي اللي مدته تشبع ليا منه عطاها
لاتطاوع للزمان وفتنه القلب وحماسه
ولاتغرك ضحكه الدنيا ترا العقيبه وراها
وكل مغتر بنفسه والشباب وقوباسه
لو لحق دنياه والله مايلاقي منتهاها
ويالله انك ترحم ايام مضت وقت الدراسه
يومني لاشفت نجل العين مشكي من حلاها
لشاعر فلاح عشوي العنزي
م ن ق و ل
__________________
. العرس قرب
عقب البطا..جتني تقول استمعلي
ركز معي بالقول ياذرب الايمان
العرس قرب ..يابعد كل من لي
مجبوره بالعرس والناس عدوان
لامن بكيت وصحت قالو تغلي
هذي طبوع البيض في كل الازمان
ولامن سكت وقام دمعي يهلي
قالو رضيت بالعرس والصمت برهان
تاهم وتهنا يابن الاجواد ياللي
بأديك حل يجعل القلب فرحان
رد الخبر والعلم باللي حصلي
حيثي شرحت القول عن كل مكان
قلت اسمعي يابنت ماشوف حلي
ماشوف بايدي حل ياخدر الاعيان
العرس قرب مير مالك جدالي
ياكود تطلب خالق الانس والجان
ان الكدر والهم عنك يزلي
وتعيش بالدنيا سعيد وطربان
مع الذي عقبي غداله محلــي
اللي خذاك اليوم ياصاف الاوجان
خلك معه وارجوك لا تتصلي
وانسى بنسى ولا نياب ندمان
مادام قربك لي بالسرف ماحصلي
على الردا مابيك والعلم وكدان
وحب على غير الشرف فيه ذللي
ومنهو رضاء بالذل يازين خسران
القول تم وجيت بالقول كلي
واشره علي ان كان بالقول نقصان
ياحبيبي
القلب ياحبيبي مايسكنه الا انت
والعين محد ملاها قبل ما اشوفك
أي والله احبك واعشقك وامنت
بالحب دامك تجي وتروح بطيوفك
ياحلو ظلمك ويازينك ليا بينت
والخافق اللي يحبك صافح سيوفك
راضي بزينك وشينك مثل ماكنت
الله بلاني بعذابك قبل معروفك
لو خانت الناس والدنيا انا ماخنت
تقراك كل المشاعر ..تكتب حروفك
غيبتك بالله لاتكثر علي لاهنت
فرقاك مقدر عليها منيتي شوفك
اثر الهوى يذبح الرجال قبل البنت
صحيح كيدك عظيم وقاسي جوفك
دامك دريت بغلاك وشفتني ادمنت
في حبك ارجوك لاتطري لي ظروفك
جل من صور جمالك
جل من صور جمالك ياعجحيب
احسنه بالخلق رب خالقه
من يشوفك عاش بالدنيا عطيب
عيونك للعشاق سهوم حارقه
ومن تولع بك ماظنتي يطيب
مايطيب انسان حبك طارقه
عايش بالياك بالدنيا غريب
انت مني كل شي سارقه
قلبي غيرك مايحبه حبيب
غيركم ماشوف شمس شارقه
من يودك ليه ماتستجيب
اسالك بالله ليش تفارقه
ياغريبه منك قلبي مستصيب
نظره بالعين منكم فارقه
لشاعر فلاح عشوي العنزي