أعالج لوعة المغـرم وتكبـر لهفـة المشتـاق
بحسن رضايا أسوق خطايا أقدم رجلي وأفهقهـا
***
وأهوجس من طلوع الشمس لمغيبيـة الاشفـاق
وابلوي رجلي في ظلام الليل مدري وش يوافقها
أبصبر وأتصبر ما أظن إن الصبر مـا ينطـاق
لقيت الصبر مر ولـو يلـوش الكبـد يحرقهـا
***
الا يا كامليـن المعرفـة سلـك الغـرام دقـاق
إذا صـاب القلـوب الله يعافيـنـا يخرقـهـا
***
أنا لي صاحبن خده ورا الشيله كمـا البـراق
به عرض المزنه اللي مثله شمس الظهر بارقها
***
خلقـه الله وزيـن خلقـه وأخلاقـه الخـلاق
جليلن جنسهـا فـي زينهـا سبحـان خالقهـا
***
لها عينن ليا لـدت بهـا تذبـح بهـا العشـاق
وبها وصفن من عين المهـاة وطـول عاتقهـا
***
إلا ما شفتها ضاقت بي الدنيا وصـدري ضـاق
وأنا لولا الهواليـك كـان عينـي مـا تفارقهـا
***
أحب مشاهد الغالي عسى ماهو بحـب فـراق
ولو راحت بعهدي ما أغلي بالدنيـا ومشرقهـا
***
إلا جا الليل مـا شفتـه يزيـد بقلبـي الدقـاق
معـه روحـي بسلـك العنكبـوت الله معلقهـا
***
ليا عرض عليا أقف مثل وقفـة كسيـر السـاق
وساعة الوداع أسرع مـن الكاديـلاك دقايقهـا
***
أنـا ويـاه جددنـا القسـم والعهـد والميثـاق
ولكـن قـدرة الله سابقـه مـحـدن يسابقـهـا
***
تعاطينا العهد في واحدن من عاهـده مـا بـاق
مادام الناس ذاهبـه فالنفـس يذهبـن لواسقهـا
***
*****
**********