انا كتبت الموضوع لأني اشوف كثرة المواضيع المنقوله بس بموضوعي هذا حاب ابينلكم شي مهم
سالفة اللي وصل القمر والحين بتعرفون الحقيقه
انا بعطيييكم العلم من اللي وصل لسطح القمر
عشان محد يكذب عليييكم وخذو مني العلم
انا قبل كان معاي تاكسي كابرس بوكس88اصفر
وكان الوضع عندي عادي لو واحد يبي خارج السعوديه اوديه ماعندي مشكله
معاي براد الشاي وانواع الوناسه < وش فيه البراد
وقد وديت ناس امريكا على التاكسي ووديت لندن واسطنبول ووديت فرنسا
المهم اشتهرت شهره لم يشتهر فيها سواق تاكسي قبل
حتى مره دقت على عجوووز
من ولايه واشنطن قالت ياوليدي عيالي ماعندهم احد يوديهم المدرسه
ونبيك توديهم وعلينا مطر شق من سما قلت ابشررري جايتس ورحت وديتهم ورجعت
مسدح راسي البطحاء
<<وهذا دليل شهررررررررتي
مره من المراريت
متكي بالبطحاء انتضر ركاب ومحد جا
وافتح الشنطه بنام الا جوالي قام يدق الساعه 4 الفجر
الا رقم دولي
وارد الا واحد يهذر انقليزي وتفاهمت معاه كانت معاي لغه انقليزيه ويابانيه والحين مع مرور الزمن تلاشت
وطلع اللي يكلمني جد بوش التاسع عشر كان رئيس امريكا ذاك الوقت
قالي ياولد نبيك تطلعنا لسطح القمر
قلت كم تدفعون قالو لي اللي تبي
قلت قدام ياشيخ
وقالي بيني وبينك ولاحد يدري ان امريكا متصله عليك قلت ازهلوها
قالو وين نتقابل
قلت بالشقه
<<عبيييط
قال جد بوش جاي اشتري منك انا
ابيك توصلنا
معنا طيارات
قلت الوعد في ضب ابو صماخ<<<بر حول حرض والاحساء
وجوني على طياره ويسحبون صاروخ معاهم
قلت حق وش الصاروخ قالو نطلع عليه قلت لا الطياره توصلنا
وركبنا الطياره وقلت انا بسوووق بحكم خبرتي بالطيران
وسقت وجنبي مساعدي الايمن جد بوش التاسع عشر
واخذ فيهم كم فره بالصمان وضواحيها
واروح اوقع بوسط الدهناء
وقلت ذا سطح القمر قال مسرع وصلنا قلت طريق اختصاري
وانزلو الخبول يتراكضون
وزحمه
ومعهم اعلام
ونزل جد بوش وامسكه مع اذنه قلت حقي وينه
قال كم تبي قلت 10 ملايين دولار وكتب لي شيك
يوم شفتهم يسولفون سحبت نفسي وارجع لضب ابو صماخ تاشيره واحرق التاكسي
ورحت اشتريت ددسن 82 غماره
<<ابوطبيع مايغير طبعه
ومرت الايام واقرا بالجريده ان امريكا وصلت لقمر
وصدقو العالم
وحبيت ابينلكم الحقيقه
يااعضاء برق الاعزاء
ترا امريكا ماوصلت القمر ولا شئ
والصور كلها في الدهناء
يعني لاحد يصدق المهبل الامريكان
وحتى فيه صوره نزلت لو تركزون فيها تلقون جربوع ماسك
خط
وهاذا توضيح فقط لاغير
<<< قمة الفضاوه
على فكره ترا اخذوا معي مقابله بأمريكا قريب بنزلكم الموضوع < اقول لايكثر
ســـي يــو