الحب والغدر
بعض مواقف حياتي او مواقف ماحولي
أتمنى أن تستمتعوا معي
وتعيشوا معي
أحداث روايــتي ..
أسمي ملاك عمري 16 أول ثانوي
من صفاتي خجولة ،،
شعري بني جاي على أشقر فاتح
وعيوني واسعة ولونها عسلي ..
بشرتي بيضاء وشفايفي توتية أنفي صغير
طويلة بس مو مرة يعني طولي متوسط
يقولون جسمي كأني عارضة أزياء
عندي غمازة على خدي اليمين
عشقي وغرامي شي أسمه أطفال
مكونة من أمي وأبوي وجدي وأخواني وخواتي
أكبر أخواني /
أمجد 😐 25 سنة | ،، فيه عصبية بعض الاحيان بس فيه طيبة وحنان علينا.. أسمراني وطويل أنفه سلة سيف عيونه بني
وشعره سبايكي ناعم لونه بني داكن ،، أكثر من مرة نقنعه بالزواج ويرفض السبب الي تعودنا نسمعه ( تو الناس )
عدنان : |19|سنة أولى جامعة
أصغر أخو عندي ماخذ من صفاتي كثير وماخذ من جمالي .. لون شعره بني جاي على كستنائي
وعيونه عسلي جسمه معضل وفيه غمازة صغير في خده اليسار
دايم حنون علينا أكثر من أمجد بس حنا نحبهم ثنينهم ومانفرق بينهم
أكبر خواتي /
عهود : عمرها 20 سنة ثانية جامعة شعرها بني غامق وفيه خصلات اشقر شفايفها توتية
ضعيفة وزنها يمكن 50
دايماً محافظة على وزنها ماتاكل آشياء فيها دهون وسكريات
وكل يوم تسوي رياضة ،، مخطوبة لفيصل ولد عمي زواجهم بعد ماتخلص جامعة
أختي الأصغر من عهود عمرها 19 سنة أولى جامعة هذي ماأعتبرها أختي
أعتبرها تؤامي تقريباً نفس تفكيري وهي مخزن أسراري أنا وهي نفس الغرفة ..
ملامحها ناعمة ،، عيونها واسعة لونها أخضر فاتح ،، شعرها قصير إلى رقبتها
—
الحين أوصف لكم أغلى ماأملك في هالدنيا كلها
أمي وأبوي ..
طيب حيل متساهل معانا عكس أمي شوي عصبية
يعتبرنا أهم شي عنده بالدنيا .. يدلعنا بشكل وأكثر شي أنا لأني على قولته آخر العنقود
—
أمي / مريم عمرها 49 تشتغل مديرة بمدرسة بنات عصبية شوي
بس فيها حنان الدنيا كله
جـدي / عبدالله عمره 73 سنة لما توفت جدتي رفض يطلع من البيت
وبعد سنة عمامي وعماتي كلهم عرضوا عليه يسكن عند واحد منهم
طبعاً رفض بالبداية بس الظروف كانت صعبة عليه وقرر يستقر عندنا ..
وطبعاً كل سبت جمعة الاهل تكون في بيتنا .. وهذا خل جدي يحس انه بين احفاده
( أنا ، أسيل ، ياسمين ، جوري ، سارة ،)
مع بعض من أيام كنا بالمتوسط ..
قراب من بعض حيل
مع الاحداث ان شاء الله تتعرفون عليهم
– عمامي /
عمي عبدالرحمن : حنون وطيب على بناته فيه شدة على أولاده شوي لكن يبقى حنون | 55 سنة |
البنات /
روان : دلوعة شوي بس دلعها حلو شعرها كيرلي قصير إلى رقبتها أسود سواد الليل عيونها أخضر غامق نحيفة وقصيرة | 19 سنة | سنة أولى جامعة
ريناد / رنا : التؤام المرح .. دائماً إزعاج وفوضى .. تقريباً هم الثنتين نفس الصفات .. والشكل مانقدر نفرق بينهم إلا أن ريناد فيها غمازة ورنا مافيها | 18 سنة | ثالث ثانوي
الشباب /
يوسف : حنطي جسمه معضل وطويل ،، عيونه سوداء سواد الليل وأنفه سلة سيف .. فيه عصبية شوي بس حنون يخق اذا شاف دموع خواته |21| سنة ثالثة جامعة
أبراهيم : أسمر بس سماره حلو ،، عنده غمازة صغيرة في خده اليسار .. طويل ،، مركب تقويم .. شعره سبايكي وجنتل مان .. |20| سنة ثاني جامعة
البنات /
ريم : جميلة حيل بس بس الكل يقول مو مثل جمال ملاك ،، بيضاء شعرها اسود سواد الليل وقصير شفايفها وردية وطولها متوسط شوي دبدوبة .. ويقولون أن هي كثيير تشبه جدتي الله يرحمها |20 | ( كبر عهود )
دانة : شعرها طويل ناعم ولونه بني غامق ،، بيضاء عيونها رمادي شفايفها توتية .. وزنها متوسط وقصيرة .. تشبه ريم بس موكثير |17| ثاني ثانوي
ليلى : شعرها ناعم الى كتفها ماهو قصير ولاطويل عيونها سودا سواد الليل طويلة وجها مدور وبيضاء شفايفها توتية | 18 | ثالث ثانوي
الشباب /
سلمان : جمــــــيل جسمه معضل شعره كستنائي سبايكي وبشرته بيضا طويل عنده غمازة في خده اليسار | 25 سنة |
أمير : ملامحه عادية عكس أخوانه بس فيه لمحة جمال ،، شعره سبايكي واسمراني ونحيف | 23 | سنة رابعة جامعة
البنات /
سلمى : ملامحها ناعمة نحيفة ووجها طوالي شعرها طويل بني فاتح مخطوبة لولد عمها ( سلمان ) عيونها عسلي وقصيرة |19| سنة أولى جامعة
حور : صديقة التوأم المهبل الروح بالروح وهم كبر بعض والمشكلة بنفس الفصل >< شعرها قصير الى رقبتها بني فاتح جسمها شوي مليان عيونها سودا سواد الليل |18 سنة|
ليلى : عيونها اخضر غامق ،، وشعرها جاي على بني فاتح .. قصيرة ووزنها متوسط |15 سنة | ثالث متوسط
لشباب /
باسم : جمـيل جمـيل جمـيل جسمه رياضي أسمراني وفيه غمازة على خده اليسار عيونه عسلي وشعره سبايكي طبعاً هو يدرس بأمريكا عشان كذا يلبس البدلة الرسمية و كانوا البنات ينجننون عليه بس هو مايعطي احد وجه
للحين يقول (مالقيت البنت الي تعجبني) .. |25| سنة
فيصل : جنتل مان وكول دائماً فلة ،، كورة ومصارعة وبلايستيشن ،، بشرته حنطية جسمه معضل ويحب يسوي شعره كدش |17 سنة| ثاني ثانوي
عيسى : عكس أخوانه هادئ وطول الوقت ياعلى اللابتوب او الجوال أسمر بس مو مراا .. طويل مرة ،، شعره مومرة ناعم بس حلو |21| سنة ثالثة جامعة
ويحاول يتحمل هالمشاكل اومع ذلك عنده الضغط والسكر مع صغر سنة | 48 سنة |
والسبب كله من //
أم صلاح ( بدرية ) –> أنسانة متسلطة وشريرة بعد ما توفت زوجة عمي شهاب ،، كلم عمي واحد من ربعه قال له ابي زوجة متربية و حنونة تربي عيالي.. طلع هالرجال من عيال الحرام عطا عمي أخته بدرية وورط عمي فيها كان يبي يطلقها بس كانت جابرته قبل الزواج يسجل البيت بأسمها كان مفكرها زوجة بتقدره وتحترمه وتحن على عياله فسجل البيت بأسمها بس طلعت عكس توقعاته
( ولد بدرية –> صلاح )
ريتاج / طويلة ،، شعرها طويل أسود سواد الليل .. عيونها رمادي و أنفها صغير وشفايفها توتية ،، أخت صلاح وبنت بدرية تصرفاتها غير عنهم ،، طيبة وموراعية مشاكل وتحب بنات عمي شهاب حيل وتعتبرهم مثل خواتها حتى لما امها تسوي مشكلة تحاول هي ترقعها عشان مايزعلون ،، وهي تروح بيتنا يوم السبت .. يعني صارت وحدة من العائلة
ريماس : صديقتي بالحييل وهي اقرب وحده لي من بنات عمي .. وتشبهني كثير
عيونها واسعة لونها أخضر فاتح ،، شعرها أشقر على بني ونحيفة شفايفها توتية |23| سنة رابعة جامعة
سديم : شعرها بني شوكلاتة عيونها بني فاتح بسرعة تنفعل بس قلبها ابيض نحيفة حييل |21| سنة ثالثة جامعة
غالية : بنوتة كيوت وهادية بسرعة تبكي ماتقدر تكتم الي بداخلها ،، عندها غمازة في خدها اليمين عيونها رمادي وشعرها بندقي |15| ثالث متوسط
خصوصاً ريماس
رائد : رجال بمعنى الكلمة .. لما توفت امه قدام عينه تعرف كيف لازم يكون قوي ومحد يهزني ،، |26| .. الكل قال له تزوج بس كان يقول أخواني أبدى
أحمد : أنسان يحتفظ بمشاعره لنفسه واقرب صديق له اخوي عدنان
هذا مانعتبره عمنا
حتى مانقوله عمي نقوله ( علي ) |25سنة|
علي : يدرس بكندا تخصص هندسة
قريب من عيال اخوانه حيل يعاملهم كأنه صديقهم مو عمهم
خصوصاً أنا كنت غالية عنده مربيني على يده من يوم كنت صغيرة
بعد ماعرفتكم بالشخصيات
تابعوا الأحداث بالبارت الأول
( ملاك )
من المتابعين بإستمرار إن شاء الله
بوركتي يا راقية الفكر..
البآرت الأول :
كانت الأجواء ظلام وكانت الغرفة باردة
كانت مشعة بنور الأبجورة
كانت مثل الملاك أسم على على مسمى
كانت لابسة بيجامة بينك نص كم
عليها رسمة ميني ماوس
ورافعة شعرها بإهمال بس حلو
ومنسدحة على السرير
وتفكر بكرة الخميس شنو بتسوي بالويكند
وطرت على بالها فكرة
نزلت تحت تصارخ : أروى .. أروى
أروى : هلا ملوك
ملاك : تجين معاي الظهران مول
أروى : ياربي كل مغازل وأزعاج
ملاك : ماعليك منهم خلينا نفلها ونرجع
أروى : خلاص بجهز وبجيك
راحت ملاك غرفتها فتحت دولابها المليان ملابس : ياااربي وش ألبس
طلعت بلوزة بيضاء عليها رسمه
دبدوب ماسك وردة بدلت ولبست عبايتها ونزلت شافت أروى تستناها
وتوها بتلبس نقابها مسك يدها
أمجد : وين على الله ؟
ملاك : شي مايهمك ؟
أمجد : إلا يهمني أنا مسؤول عنك
ملاك : أبوي المسؤول عني ووخر يدك أحسن لك
أمجد : ماتفهمين أنتي .. طلعة بروحكم مافيه
ملاك : مو بكيفك يامتخلف
أمجد : أنتي يبيلك تربية من جديد أهلك ماعرفوا يربوك
أروى : حدك إلا أهلي
ملاك ببرود : هه وأنت مثلاً بتربيني
أمجد ذبحه برودها : إي وأقص راسك
ملاك بلامبالاة : يااي يمة خفت .. إذا رجال مد يدك
رفع يده إلا ……..
××××
مكان بعيد في أفخم قصور الدمام
في جناح بطلة من ابطال روايتي
كانت لابسة بلوزة تركواز ( سماوي ) عليها كتابة i love you بالوردي
ومسوية شعرها كعكة .. منسدحة على السرير
وماسكة كتاب الرياضيات والقلم وتطالع
تنتظر عقلها يستوعب /
معادلات وقسمة وضرب وجمع وطرح
…..: ياااربي صععب
لكن هذا ما كان هذا مو صعب بس تفكيرها صعبه عليها
..: مالي ألا أسأل ملاك هي شاطرة بهالمادة
مسكت آيفونها أتصلت على ملاك
عفوا الرقم الذي ………..!
أول مرة ملاك تقفل جوالها
فجأة دخل عليها : ……..
… : لحقيني لحقيني ياسمين
××
بيت أول مرة ندخله ومرات كثيرة بندخله
كانوا يتقهوون وياكلون حلا
وكان يلطف الجو هبال التوأم وكانت السوالف تحلي الجمعة
رنا : رينادو
ريناد : وجع نطقي أسمي عدل لاشبشب على راسك
رنا : شبشب بعينك .. الزبدة أسمعي أنتي طبعاً تدرين متى بيرجع علي
ريناد : أكيد أهو قالي بس قال لاتعلمين أحد
رنا : هههههههههههههه وأحنا بناخذ رايه
ريناد بفهاوة : شتقصدين
رنا ضربت راس أختها : حمدلله والشكر .. المهم : (وبهمس)سمعي الخطة ( ……………………………
……………………………….)
روان : شفيهم دلي وملي يتساسرون
ريناد : بس نتفق بنحرر فلسطين
روان : نضحك يعني ؟
ريناد : لانبكي
رنا : طارت الجبهة ههههههههههه
روان : حمدلله والشكر مبزرة
راحت روان المطبخ
روان : ماما
فاطمة وهي تقطع الطماطم : نعم
روان : عادي نعزم بنات عمامي بالبيت يوم الخميس
فاطمة : إي أكيد عادي
بس نبي نشوي ونحط البركة
فاطمة : كيفكم اهم شي وناستكم
روان : ونحط دبابات بعد
فاطمة : كأنك زودتيها
روان تبوس راس أمها : هههههههههههه فديتك ياأحلى أم
رنا : بركة ونااااسة
ريناد : ألاااااي من زمان عن الشوي من زمان خاطري أشوي
روان : بسم الله من وين جيتوا
رنا : من جنوب أفريقا
روان : أشوف قالبين سودانين
ريناد : ههههههههههههه أما عاد
فاطمة : سيتي مسحي الماي لايزلق أحد
وتوها بتمشي إلا
بوووووووم
××
في أراضي بعيدة جداً عن الوطن
في شقته في كندا
ماسك كتبه ويذاكر بكل جهد وأجتهاد
يبي يرجع وهو رافع راس أمه وأبوه وبلده
قطع تفكير صوت ناصر : علي هذا الكوفي حقك
علي بإبتسامة : مشكور
ناصر : العفو
علي وهو يشرب الكوفي : ماتحس ريحة دخان
ناصر : يمكن الجيران يدخنون
ماحد كان متوقع ان الممسحة على ……….
وصار الي صار
××
في كله شر وحقد الغرور متملكها
كان جالس بغرفته ماسك صورة أنسانة فقدها وفقد طيبتها وحنيتها
دخلت بعد فتحت الباب بكل قوة
بدرية : ههي أنت شتسوي في هالصورة ماقلت لك لاتطلعها ماتفهم أنت
شهاب صرخ : لابطلعها وبكيفي يلا قلبي وجهك بالي مايحفظك
بدرية : أقلب وجهي ! ها ! أقلب وجهي
وسحبت الصورة وشققتها ورمتها بالزبالة هذا مكانها وقامت تضحك
دخل أحمد وشاف الصورة مشقوقة .. بكل جرأة نسى كل الخوف فيه قرب منها وعطها كف على وجهها هذا مكانك أنتي ياحقيرة
طبعاً هي حاولت تنقض عليه رماها ماقدرت اما شهاب للحين قلبه يعوره على الصورة
××
في المطبخ يغسلون الصحون
غالية شوي وتبكي :
أقولك يا سديم من بعد ماكنت الاولى نسبته صارت بالـ80
مدري شسوي ماعندي وقت اذاكر
حتى النشاطات ما أقدر أسويها
سديم : بس ياختي هونيها قولي الحمدلله
الله كريم ..
غالية وهي تمسح دموعها : ونعم بالله
إلا وين ريماس
سديم : إي صدق وين ريماس ؟
غالية وسديم : ليكووووووون
كان في وحدة بالغرفة مطفية النور وجالسة فجأة سمعت صوت فتحت باب والنور انفتح دخل
عليها وهي حتى بدون عباية كانت لابسة بلوزة ضيقة احمر وبنطلون ابيض قصير بدأ يقرب منها ووصل لين الجدار و …………
××
أنتهى البارت
التــوقــعـــآت
من البنت الي بالغرفة ؟؟
مين الي دخل عليها ؟؟
إيش الي صار لفاطمة ؟؟
محمد وناصر شصار لهم؟؟
ملاك شنو صار لهم ؟؟
شنو خطة رنا وريناد ؟؟
شنو فيها ياسمين ؟؟
ماكملتها كلها بسس بدايتها مشوقة
سلمت البنان والافكار يالغلا
دمت ودام قلمك الرائع
تقبلي مروري
تحاااياي
متابع بإذن الله
كل الموده