مواقف السحالي اول ايام العيد << الحقوا قبل تجي غصونه وتحذف الموضوع 2024.

كيفكم حبايبنا ان شاء الله بخير ..

اليوم جبنا لكم مواقف السحالي في اول ايام العيد ..

وياكثرها فضايحهم .. بس حبينا نوجز منها ..

الأولى

تقول .. هذا ياطويل العمر عمي الكبير كاشخ اليوم ولابس غترة بيضاء نااااااااصعة البياض يصلح يعمل اعلان كلوركس << تنكت هالسحليه هي ووجهها

المهم رحنا حنا البنات نعيد عليه طبعا كلنا حبينا على راسه تخيل صارت غترته كلها طبعات شفايف خخخخ الوان فوق راسه احمر وفوشي واورانج وكل اللالوان .. << الله يعينه بس …

الثانيه
هذي سحليه صغيرة في السن وهذا اول مرة تلبس كعب كاااشخة البنت مااحد قدها <<< على بالها انها ديانا سبنسر ههههههههه

المهم دخلت تسلم عالحريم وكانت فيه عجوز كبيرة في السن دنقت من شان تسلم عليها طبعا مع الكعب اختل توازنها وطررررررررااااااااااااااااااااااااخ >>طاحت فوق العجوز
بغت تكسر رقبتها عاد البنت دبدوبه بس العجوز فرحت على بالها انها سوت كذا من زود الشوق وحرارة اللقاء مادرت ان الكعب هو اللي عامل عمايله خخخخخخخخخخخ

الثالثه

هذي تقول ان امها عندها عادة ماتعطي الشغاله لبسها الجديد الا ليلة العيد تقول انه بالليل كانت الشغاله نايمه حطت لها امي الملابس بغرفتها .. وانا قبل ماانام حطيت فستاني بردو في غرفة الشغاله عشان اذا صحت تكويه و باين الشغاله لما صحت صار عندها لبس في الموضوع ..

المهم .. يوم صحيت من النوووم الا ازين مااشوف قدامي فستااني الكشخه الماااركه على سي تي>>شغالتهم

افتح ,,اغمض,, اتاكد,,حلم ,,علم

لااااااااااااااااااااااااااااا

لا والفستان قصير لابسه تحته بنطلون من زود الاحتشام ..

طبعا بعد مابكيت عند امي راحت وفهمت الشغاله ورجعت فستاني ..بس

ماكان معي وقت اغسل الفستان لبسته وبخيت عطر لين قلت بس ..ولا فيه فايدة ريحتي ريحة شغاااااله

قعدت لحالي في زاويه لين عدا هالعيد على خير ..

الله يجيب العواقب سليمه يارب ..

بالمناسبه .. الكلام صحيح والمصدر موثوق

موداتي ..