أيه امطري جـل وبلـك ياهتـون السحـاب
بغسـل اللـي ولـج بالنفـس واغتمـهـا
ياطي حالـي كمـا طـي الـورق بالكتـاب
وياوجد عينٍ(ن) شكت عقب الهوى سقمهـا
البارحـه ياخـوي القلـب زال الضـبـاب
وش علم عينك تهـل الدمـع وش علمهـا
مدري دموعـك نـدم ولا فقـدت الصـواب
ولاان (حيـة) ضميـرك فرغـت سمـهـا
حاولت ابدمح وابغضي ميـر ذقـت العـذاب
ياحيف نفس(ن) تـذوق الجـور مايهمهـا
بالله تسكت قبـل لافتـح لـك الفيـن بـاب
بيـر التحمـل وصـل ماهـا ليـا فمـهـا
البوم عند العرب (لادوا) على الارض الخراب
معناتـه ان القـشـر مايبـطـي بخمـهـا
كذا العلاقه ليـا غمسـت بكـاس السـراب
نذيـر شـؤم المفـارق بــادر بضمـهـا
يعني لانضحك على انفسنـا بكلمـة عتـاب
الـورده الميتـه مـن هـو يبـي شمهـا
ماتنستر شمس ربـي يالخـوي بالحجـاب
والسالفـه واضحـه ياللـي تبـي فهمهـا
اسأل ضميرك لاطال ابـك النـوى والغيـاب
هو انت تذكر هنـوف(ن) خانهـا حلمهـا؟
واليا ذكرني !! تذكر كيـف طعـم الجـواب
وكيف نزع النفـوس اخيـر مـن ظلمهـا
بقلمـــــــي ،،،
آختكــم ،، هوآجيــس
قصيده في غايه الرقه والشاعريه
عانقتها ولمست فيها الابداع الشعري
تقبلي مروري البسيط ول عوده
دمت بوود