كلمات القصيدة
: : : المعلقة الثامنة : : :
ألعـب بالأبيـات لعـب بليـه بالكـوره
والشعر عدة بحور وغصت أنـا بحـوره
وإن كان به فلسفة لهل الشعر بتفلسـف
بقول شعـر(ن) يخلـد بعـدي سطـوره
إحساسـي إن الشعـر دولـة وحاكمهـا
أنا زعيمه وساكن فـي أفخـم قصـوره
وشفت القصيدة حبيبـة لـي وتعشقنـي
تسكن معي في القصر بالحيـل مسـرورة
والأبيات خـدم عنـدي بالأمـر تأتينـي
لحتجتهـا جـات منهـيـة ومـأمـورة
وكـل شطر(ن)يحـاول يسبـق الثانـي
مع إنهـا كلهـا قدمـي وفـي الصـورة
وكـل كلمـة تعـانـد مــع خويتـهـا
والثانيـة خاصمـت الأولـى ومقهـورة
ومافي حرف(ن) من الأحـرف يعاندنـي
والأحرف طوابير كـل(ن) يحتـري دوره
ونقـاط مادلـت أحرفهـا مـن الدهشـة
ضاعت من أحرفهـا دهشـة ومذعـورة
وفكري كمـا الكمبيوتـر هـو يبرمجهـا
كـل المعانـي بوسطـه دوم محصـورة
وناظرت أنا ساحـة الشعّـار ومستغـرب
اللي على الشعر له سلطة ولـه شـوره
حـاس الجمـل كلهـا وغيّـر مواقعهـا
جمـل رفـع حطهـا باليـاء مجـرورة
وجـاب أحـرف بجملـه مالهـا خانـة
وعنوانه أرخاه وحطها بوسـط الصـورة
ولكـن مهمـا تغيّـر داخـل السـاحـة
كـل الحقايـق عرفنـاهـا ومخـبـورة
شعّـار وفـحـول جزلات(ن)معانيـهـا
لكـن هالفحـل قـد غـاب جمـهـوره
وفـي شعّـار يدبـل شعرهـم كـبـدي
تقـول ورعـان وتشخبـط إبسـبـورة
وإن ماكتبو زيـن واجتهـدوا بنفصلهـم
والمشكلة إن بعضهـم شعّـار مشهـورة
وأشره على كـل مـن ينشـر قصايدهـم
وهـذا يبيّـن لنـا الإعـلام وقـصـوره
الإعلام ناسـي فطاحـل مـادرى عنهـم
متجاهل إبداعهـم ماإهتـم فـي ظهـوره
عصر(ن) غريب(ن) وسطه عالم أغـرب
والأغرب إني بجيل(ن) ماأفهـم شعـوره
عايش بعصر(ن) ولكن مهـوب بعصـري
عصري مضى له سنين وولـت دهـوره
مضـى مـعـي متنـبـي والحمـدانـي
وبشار الأعمى وأبـي نـوّاس وخمـوره
ولو كنت من جيلهم حطيت لـي بصمـة
وحليت لـي مشكلـة بالكتـب مذكـورة
المتنبـي وسيـف الـدولـة أصلحـهـم
وماكان أحمد عرف مصـر(ن) وكافـوره
وكل المشاكل تحل البيـت مـن شعـري
والحمدانـي إبيـت يـزيـن منـظـوره
وصيـر بالطيـب أقـرب مـن ظـلالـه
وأبو فراس(ن) يغيـب وتكثـر عـذوره
هـذه أمانـي وانـا مانـي محصلـهـا
أطلب لبن للأسف مـن عنـد عصفـوره
وكنت أتمنـى أعيـش إبعصـر يسبقهـم
عصر الجهل ولّت سنينـه مـع شهـوره
مع أمرؤ القيس والأعشى وابن أبي سلمى
وأعيش وسط الجهـل وتزعـم عصـوره
وأعيـش أنـا بينهـم جاهـل ومتعلـم
أجهل أن في الردى وأغيب أنا في حضوره
جاهل منافـق ولا أتجاهـل بنـي عمـي
رفيقـي أعـزمـه ماأقـصـر شـبـوره
وأجهل بهـرج القفـى والحقـد والنمّـة
وناس(ن) تسب بقفـاي أقـول مشكـوره
مـن سبنـي أو غلـط ماأقولـه إجابـة
وإن زوّد الهـرج أنـا لعنـت طـابـوره
ومتعلم من المراجل مـن صغـر سنّـي
من شايب(ن)الكـرم والطيـب دستـوره
بغيّـر السالـفـة وأحكيلـكـم قـصـة
قصة جرت لـي مـع حلـوة وسنيـورة
أحبهـا وهـي تفاخـر بـي وتتبـاهـى
ومن حق لي أحبهـا والبنـت معـذورة
لكـن هالبنـت تعشـق مـن يقابلـهـا
وكم ناقص بكثر مالـه جـات فـي زوره
ووالديهـا أنــا عـجـزت لحصيـهـم
لكـن مافـي مـن اللـي وافـق آزوره
خطبتهـا مـن ثلاثـة منهـم وعـيّـوا
وزوجوهـا لخبـل(ن) تقصـر شبـوره
والناس راحوا مع هالخبـل فـي صفـه
وقلدوا في هالخبل في اللبـس وعطـوره
وفـي النهايـة أخـذت البنـت بالقـوة
وعيّشتها فـي الحيـاة وقبـل مقبـورة
وعشت جنب الخبـل والنـاس تعشقنـا
والبنت عاشـت معانـا بـس مسعـورة
تعشق ولا تفرق بيـن المسلـم والكافـر
ويشهد عليها الولـي ماهيـب مستـورة
واللي أنا أستغربه أنثـى تعشـق أنثـى
من ضمن عشق البنيّـة سـارة ونـوره
ومابـه غرابـة زيـد يحـب حـمـودي
وحمـود ماينقصـه يـاكـوت تـنـورة
أوضاع بعض الشبـاب اليـوم مختلطـة
من بعد خلطـه سكـن عكسـه مالبـوره
الناس راحـت قـدم يامعشـق الرِيـوَس
توقـع بمـوتـرك فقـعـت مـاطـوره
هـدي أمـورك وأنـا بحـاول أهــدي
وبنهي القصيدة قبل لا تصيـر محظـورة
ومعلقـات الشـعـر كتـبـت ثامنـهـا
من بعـد سبـع(ن) قديمـات ومعمـورة
وإن كان شعري هيـاط إف إيـه بهايـط
وأقـول وأفعـل ولا نفسـي مـغـرورة
روعه واخرها سجع يسلموووووووووووووووو
ياقدمها هالقصيده لبن شرثان كنت اتابعها في التلفزيون وعمري 16 سنه وهلحين عمري 36 وولدي باقي شوي ويتخرج 🤦🏻♂️