إيه..عايز تعرف اسمي صفوت يا سيدي… صحيت النهاردة من النوم مش عارف مالي لية عمال افتكر في اللي جرالي..مع إن مش حيهمك أحوالي بس يا سيدي اعتبرها تسالي
رايح فين؟ الوزارة مهو أنا حارس عمارة في حي اسموا الوزارة . عارف مليان ناس جبارة , ناس بتقول عليهم عالم نصابة والله كلام خيابة . أنا كنت حبقي
زيهم لأ دا أنا كمان كنت حبقي عمهم بس لسبب مش عارفوا شربتوا و أنا مش شايفوا لقيت نفسي فـ عالم مش عارفوا…أية الدماغ دية, أنا اسعد واحد فـ الدنيا
دية, تعالي نجربالطريقة دية ونروح فـ الحتة دية ومن هناك حنطير ونحل كل الفوازير وطلعنا علي بطن الزير فيها اختلفت كل المعايير وانطلق الصاروخ و
الأخ بدأ يدوخ وفاق علي أحساس بالشموخ مش قلتلك يا صحبي أحنا أحسن من الناس كلها فخبطة بنقلب الدنيا و نلفها محدش غيرنا بيخشها , روح هاتلي نايتي
عقبال مكلم حبيبتي إيه دة فين التليفون…! يا مصيبتي ضاع وفية المعلوم شكلنا بقيت اليوم حنصوم , لفت ليلة وراها أسبوع و أنا فـ العسل منقوع ..كتيرة
السعادة دية استني يا ريس… فـ جيبي موجود اللي حيعديك الحدود , بس دة لية شروط عشان متبقاش ملطوط أنت بتحب تفتي , العب مرة علي طريقتي وقلت
كلام كتير و شكلوا كان خطير أنا نفسي اقتنعت بضمير و بكل همه تمت المهمه… اختلفت فـ ثانية المعايير حاسس يا صحبي بالتغيير ياريت كل الناس
تبقي عصافير أو صراصير المهم حاجة بتطير…بعد أيام مش كتير فينك يا صحبي بدور عليك , تعالي الله يخليك .إيه اللي حصلقالها بعد ما وصل قلت وكلي
أمل, عايز الدنيا تشتغل وكانت المفجاة طلعت من جيبوا فجاة دي حجات كتير أنت لدماغي سفير أديك تتلف فـ حرير …. ومرت أيام كتير عرفت فيهم شوية
طراطير حقيقي كنت ضرير… مين فـ دماغي بيدق مسامير أحساس مرير انك لدماغك أسير حد يوقف المسامير… وراحت الأيام وأنا أتعودت علي طعم
الآلام ولا خطوة للأمام حتى مش بعرف أنام… أنت بتضحك علية وفرحان و لا فاكرني خربان
سيبني مش عارف احكي ..أتصلت يوم بصحبي متعود معاة اشكي… راح علي التليفون يبكي يقولي سامحني …جوايه بقولوا أنت سامحني شوفلنا أي
طريق أو مسلكاصبر بكرة حتسلك شغل يابني عقلك تقصد فلوس اهلكأنا حستلفهم وراح أزودهم كدة حنتصرف منغير منتكلف …صوت جواية أوعى تعمل
ذي صحبكاسكت وحيات أهلك… أنت عقلك أتفكك… عارف شكلي حسمع كلامك , مش عشان أوهامك يسود أيامك أمال ليةأخاف أصبح
مسجون, ولا اموت معدوم ..وبعد يوم.. صحيت من النوم.. شكلي عره ومحموم, تليفون عايز اكلم صحبي قلتها و أنا بحبي… أنت … مش بترد لية, مشغول و
لا أية وبعد مفاتت ثواني لقيت واحد قدامي بيقولي: انت يا شحات صحبك هناك مات ياريت تعقل وتنسي اللي فات…شحات أناا……مات مين يا عم اللي مات
صحبك بتاع اللغات… مرت الأيام كلوا مش تمام عايش منغير نظام و لا صابونة فـ الحمام… فين التليفون…! فين حبيبتي؟ دي حتسود ليلتي… زمنها نسيت
سيرتي مش بترد …مش بترد …انا عليها لازم اشد وفـ يوم مشئوم روحت عليها ألوم قالتلي لية دايما حاسس انك مظلوم بالحزن دايما مفتون انا مش عايزة
واحد مجنون راح نور النجوم بردوا محستش بحاجة شفت اكتر من كدة فجاجة ….وفـ يوم صحيت دماغي بخبطها فـ الحيط الواقع أصعب مما ظنيت, لوحدي
شايل هموم مع ماضي مشئوم الله يلعن السموم والكميا و العلوم خلوني أصبحت محروم مـ الشمس و النجوم الله يرحمك يا شمس بقولها كتير قوي… ده أحساس
بيوجع قوي لما تفتكر أيامك……… ماضيك واحلامك.
كل الناس بتسالني مالك…. خليك أنت فـ عيالك أو روح مشوارك أنا قاعد هنا مستنيك بقولها و أنا عارف انك مش حتيجي لا أنت صديقي ولا طريقك هوة طريقي خليني اجني محصولي بعد سنين عذاب أصبحت حياتي خراب حقيقي صعبة الدنيا منغير شمس و نجوم
تمت
(تمت المأساة الي اللقاء مع "الحاضر")
القارىء الكريم / أرحب بالنقد
اريد أن اعلم ما لم أكن موفقا فية
بس يعطيك ألف عـآفيـة ..
ودي..//ْ