خفة الدم والتى قد يقبلها البعض والتى لن يتقبلها البعض الآخر ولكن فى
النهاية هى محاولة لجعلك تبتسم فى خضم المشاكل والاضطربات السياسية
والإقتصادية التى تواجه المصريين هذه الأيام واليكم بعض من هذه الطرائف
التى رصدناها عن أسباب تسمية شوارع ولكن فى نطاق ساخر كوميدى لا دخل له
بالحقيقة.
كوبري القبة
المهندس اللي بناة كان واقف علية فالسيجارة وقعت منة فقال – اوبااااااااااااا
——————–
وادي النطرون
كان في طفلين اخوات بيلعبو بالنطرون واتخانقوا فجة ابوهم و راح رامي النطرون
و قال لهم – وااااااادى النطرون – اللي انتو بتتخانقوا عليه
——————-
الوادي الجديد
لما الأخوات اتصالحوا أبوهم جابلهم نطرون جديد بس اتخانقوا تانى
فقام أبوهم مسكه و رماه و قال – واااااااادى الجديد
———————
المطرية
في بداية نشأتها عام 1465 م
كان في 3 مهندسين شغالين في مشاريع الحفر و حبوا ياخدوا راحة
فواحد بيقول للتاني ما تعد يا باشمهندز علي الكنبه
راح رد عليه لا دي كنبه ناشفة
رد عليه : فين يا عم ده – مطرية – أهي وزي الفل
ومن هنا سميت المطرية
——————-
بـورسـعـيـد
كان في واحد اسمه عيد ده كان بلطجي و بيحب يعمل مقالب في الناس
و كان عنده برص كان يقعد يرميه ع الناس عشان بقرفهم
و مكانش حد بيقدر يكلمه كله كان بيخاف منه
و في يوم جه واحد من مدينة تانية بعيدة فعيد رمى عليه البرص
فده تلقائي قام قلع الشبشب و طراااااااخخ على البرص
فكان في راجل كبير واقف قاله انت عملت اييه يا مجنون
فقاله قتلت البرص
قاله يخرب بيتك دة – برص عيد –
و من ساعتها و المكان دة اسمه بورسعيد
——————–
الإسـكـنـدريـة
كان فيه احتلال انجليزي علي شاطي مدينة وكان قائد الجيش اسمه اندرية
فلما واحد سأل علي المكان ده قالوا
– ask Andria –
فسموهاإسكندرية
——————-
الإسماعـيـلـيـة
كان فى خروف زمان كانت ليته بتعمل صوت
فكل اللى يجي عندو يقول للتانى – اسمع اللية – فتسمت بقى بعد كدا اسماعيلية
——————–
المعادى
عشان وهم بيعملوا الكورنيش واحد قلع هدومه ملط و حب ينط في النيل
ولما سألوه :إنت إتجننت في عقل أهلك ؟؟ قاللهم – معــــــــادي – إيه المشكله يعني ؟
——————–
حلوان
علشان اتنين شباب بيعاكسوا اتنين بنات بيقولو لهم انتو بنتين حلوين
فالتاني قالو لأ لازم ترفع الخبر فرجع وقال انتوا بنتان – حلوان
———————
سـوهـاج
كان فى مدينة واحد عملاق صينى اسمه سو
وكان لازم كل يوم ياخد اكل من الناس
و فى يوم مأكلش فهاج عليهم
فواحد لقى الناس بتجرى قال لهم فى ايه
قالولوا – (سو) هاج – فسموها سوهاج
الله يكون في العون بس
عزيزتي كل عادة موضوع رائع ومضحك تسلمين لنا
دوم في حفظ الرحمن
s@g