قلي وش اللي من ورى الهرج ناوي
أن كنت ناوي خير تصبح على خير
وان كنت ناوي شر..جتك البـلاوي
علمك هفا بك هفوة الدلـو بالبيـر
ولا انت بكفو حتى تقص الخطـاوي
عيب ٍ تسمـى بالرجـال المناعيـر
وعيب ٍ تشوفك لابسـات الغطـاوي
حنا (عنزه )جينا على حـزة عصيـر
نشرب مرار السم شرب ..القهاوي
وقت اللقا جينـا نصـف الطوابـيـر
نصرخ ونرفع صوتنا ..بالعـزاوي
تاريخنا بالمجد نـار ٍ علـى النيـر
ماهي سوالف صاغها عقـل راوي
عند الصحيح ندوس خشم المحاذير
غاياتنا أبعد مـن كثيـر الهقـاوي
وعلومنا أصفى من حليب المغاتيـر
وألذ وانقى مـن تمـور الحسـاوي
وأفعالنا أزكى من نبـات النواويـر
وأوضح من وسوم الطبيب المداوي
من دور أبونا كليب مع سالم الزيـر
وحنا نشرب كيدنا كـل ….غـاوي
من يحترمنـا يبشـر بكـل تقديـر
ويلقى بحمانا كـل رجـل ٍ مخـاوي
بالطيب مانقـدر نقيـس المعاييـر
لطيب قسمـه بيننـا …بالتسـاوي
والطير مايقرب فـروخ العصافيـر
لاصار حر ومـن طيـور النـداوي
وإلا انت عادي لو يجي منك تقصير
ضيعت وقتك بين هنـد ومضـاوي
وأصبح خطاك بحق ربع ٍ مشاهيـر
مثل الخجل في وجه رجل ٍ حيـاوي
قد قالها مـن مـر عمـان والديـر
خسارة اللي حط طيبـه بشـاوي !
من درر
تقبلي مروري
.. يعطيك ألف عــآاااآأإاافيه ..
.. قمة فــــي الابدأاااآأااإأع ..
.. يالبى قلبك ..
.. لا خلآااأآإ ولا عــدم ..
،، وديـ ،،
.. نــــــــــــــــــــــــــــــوف ..
ابيك روووح تسلمييين ياقلبي من ذوقج يالغلا