افتح جهازك حبيبي بأخذ علومك
ملّيت اطقطق على الكيبورد وحداني
…..
يالله عسى يومي الغالي قبل يومك
وألا عساني معك في عالمِ ثاني
….
اجلس معك وانقل همومي مع همومك
واشرّبك من غلاتك دم شرياني
….
الوم انا الوقت قلي كيف آبالومك
حسبي على الوقت كانه عنّك اقصاني
…..
حنيت للماضي اللي فيه محرومك
كان يتغلا على القاصين والداني
…..
ان قاله الله لطيّر بالشعر نومك
ووّصفك وصف شفقانٍ لشفقاني
…..
اغار من عطرك و وردك ويشمومك
والمبسم اللي كما خاتم سليماني
…..
واغار من ساعتك واحقد على هدومك
هايف حشى ظامرٍ والردف ملياني
…..
ياناعس الطرف طرفي يشكي سهومك
تعال شف رمش عينك وين وداني
….
لاجيت ابا انام كثرت حولي حلومك
اودّع الحلم الاول يأتي الثاني
….
واتوووه لامن صدرلي خط مرسومك
تقول ( شو بدك ) آمرني وتنهاني
….
واقول ريّح وأنا شفّك ومقسومك
لو تطلب القلب جيتك يالغلا عاني
….
مفهومي بحبّك يوافق لمفهومك
أهواك وأدري بأنك حيل تهواني
…..
ولا صرت محبوب كل الناس مالومك
من شاف زولك يغني عذب الالحاني
…..
يكون في بالك وفكرك ومعلومك
أنه فلا غيرك احدٍ مالي أعياني
…..
ياكثر منهو بشعره ودّه يسومك
لكن بدررري مدامه ينطق لساني
.
منقول لعيونكم
أتمنى تكون القصيده أعجبتكم مثل ماأعجبتني
مع حبي
بسمه
افتح جهازك حبيبي بأخذ علومك
ملّيت اطقطق على الكيبورد وحداني
…..
يالله عسى يومي الغالي قبل يومك
وألا عساني معك في عالمِ ثاني
….
تسلمين بسومه
ذوقك رووعه
لاخلا ولا عدم
جميل ما كبتي و نقلتي …
يعطيك ألف عافية
ساري
سعيده جدا بتواجدك
ماأنحرم من طلتك
تحياتي
بسمه