السلام عليكمورحمة الله وبركاتة
انا اليوم اريد احكيلكم قصة حقيقية ويمكن مو كثيرين اللي رح يقروهة لانها طويله شوي , بس انصحكم تقروهة لانها تستاهل ,القصة صارت مع صديق لي بالجامعة
هالصديق المسكين ساكن بمنطقة تسيطر عليهة احدى الميليشيات الطائفية , وهالميليشية تنتمي لنفس مذهب هالشاب , المهم بيوم من الايام نزل الشاب من بيتهم وتفاجأ بمنظر يحصل كدام عينه , المنظر يمكن صار مألوف عندنة بالعراق بس هو شافه جديد علي , المهم شاف اربعة رجال ملثمين يقتادون رجل ويحاولون يركبو سيارتهم غصب وهالرجل يتوسل فيهم ويقول : بس اتركوني هالمرة والله راح اترك المنطقة وامشي , هالحاله عندنة بالعراق يسموهة (علس ) والخاطفين (علاسة ) , المهم صديقي ما قدر يبقى بموقف المتفرج
طلع مسدسة ورمة فوك روس العلاسة , والله قدر انه ينجي هالرجال المختطف بسبب هالشاب , هنا خلصت مشكله المختطف وبلشت مشكله صديقي,الميليشيا لحقت صديقي الشاب وعرفو مكان بيته وبحكم كون الشاب من نفس الطائفة اللي تمثلهة الميليشيا كانت في مفاوضات بين اهل صديقي وعناصر الميليشيا , وحطو عناصر الميليشيا شروط على اهل صديقي واجي تنفيذهة والى حياه الولد راح تكون غير مظمونة , ومن هالشروط دفع مبلغ من المال لعناصر الميليشيا كتعويض بس الشرط الاصعب والاهم هو فرض عناصر الميليشيا على هذا الشاب ترك محافضة بغداد وعدم العودة الهة اللا بأمر منهم
وبالنهاية اضطر صديقي الشاب انه يترك العاصمة ويسافر لاحدى الدول المجاورة للعراق وترك الجامعة وراحت علي هالسنة ولحد الان ما سمحولة انه يرجع لاهلة وبيتة .
اخواني بالنهاية ارجو من جميع من يقرأ هذه القصة الدعاء لهذا الشاب وللعراقيين بأن يطفئ الله نار فتنتهم ويعدهم عن الانجرار الى حبائل الطائفية البغيضة , وحسبنا قول الرسول الاعظم صلوات الله علية (الفتنة نائمة لعن الله من ايقظهة )
وشكرا
انا اليوم اريد احكيلكم قصة حقيقية ويمكن مو كثيرين اللي رح يقروهة لانها طويله شوي , بس انصحكم تقروهة لانها تستاهل ,القصة صارت مع صديق لي بالجامعة
هالصديق المسكين ساكن بمنطقة تسيطر عليهة احدى الميليشيات الطائفية , وهالميليشية تنتمي لنفس مذهب هالشاب , المهم بيوم من الايام نزل الشاب من بيتهم وتفاجأ بمنظر يحصل كدام عينه , المنظر يمكن صار مألوف عندنة بالعراق بس هو شافه جديد علي , المهم شاف اربعة رجال ملثمين يقتادون رجل ويحاولون يركبو سيارتهم غصب وهالرجل يتوسل فيهم ويقول : بس اتركوني هالمرة والله راح اترك المنطقة وامشي , هالحاله عندنة بالعراق يسموهة (علس ) والخاطفين (علاسة ) , المهم صديقي ما قدر يبقى بموقف المتفرج
طلع مسدسة ورمة فوك روس العلاسة , والله قدر انه ينجي هالرجال المختطف بسبب هالشاب , هنا خلصت مشكله المختطف وبلشت مشكله صديقي,الميليشيا لحقت صديقي الشاب وعرفو مكان بيته وبحكم كون الشاب من نفس الطائفة اللي تمثلهة الميليشيا كانت في مفاوضات بين اهل صديقي وعناصر الميليشيا , وحطو عناصر الميليشيا شروط على اهل صديقي واجي تنفيذهة والى حياه الولد راح تكون غير مظمونة , ومن هالشروط دفع مبلغ من المال لعناصر الميليشيا كتعويض بس الشرط الاصعب والاهم هو فرض عناصر الميليشيا على هذا الشاب ترك محافضة بغداد وعدم العودة الهة اللا بأمر منهم
وبالنهاية اضطر صديقي الشاب انه يترك العاصمة ويسافر لاحدى الدول المجاورة للعراق وترك الجامعة وراحت علي هالسنة ولحد الان ما سمحولة انه يرجع لاهلة وبيتة .
اخواني بالنهاية ارجو من جميع من يقرأ هذه القصة الدعاء لهذا الشاب وللعراقيين بأن يطفئ الله نار فتنتهم ويعدهم عن الانجرار الى حبائل الطائفية البغيضة , وحسبنا قول الرسول الاعظم صلوات الله علية (الفتنة نائمة لعن الله من ايقظهة )
وشكرا
بليــــــــــــــــز اقروهة وارجو منكم الدعاء للعراقيين