موضوعي يمكن البعض أو الأغلب يشوفوه سخيف.. بس بل نسبة إلي لأ.. حطيت موضوعي مشان أفضفض ومشان تنصحوني شو أعمل..
أنا طالبة جامعة والحمد لله ربي أعطاني من الجمال كتير.. محجبة وعمري ما حكيت مع شب.. حتى قرايبنا.. فما بعرف أتعامل معهم وكتير بخجل منهم بحاول ما أبين وما بعرف زملائي بحسوا علي ولا لا.. بعضهم بفكروني شايفة حالي أنا متأكدة
كتير شباب حاولوا يلفتوا انتباهي أو يحسسوني إنهم مهتمين بس ما كنت أعطي مجال لحدا فبطلوا.. بس في شب معنا بل دفعة كان كتير يطلع وبطريقة غير عن الكل.. يعني وإحنا عم نطلع من المحاضرة بوقف جنبي وبضلو لاف وجهو علي (يعني كانو بقول انا بطلع عليكي اطلعي) أو بمشي قدامي وبلف رقبتو لورا وأنا بلف وجهي أو بطلع عل أرض أو أي شي بعيد عنو.. يعني أنا بصراحة كنت متل الحيط معو.. بعدها صار يعمل حالو تقلان بس برجع بحاول يلفت انتباهي ما بعبرو برجع بتقل.. مرة هيك ومرة هيك..
وأنا الصراحة…. صرت دايما أفكر فيه… وما بغيب عن بالي..
ما بعرف هو يعني بمشاعرو حب ولا بدو يتسلى ولا شو وأنا غلطت لما ما عبرتو؟؟ يعني هلأ فهم إني مش معبريتو ولا بفكر في.. كيف ممكن يعرف إني أنا من جوا عكس هيك؟
هو بحكي مع بنات وإلو صاحبات كتير يعني متعود عل بنات.. بس أنا ما حكى معي ولا حرف يمكن خايف من ردة فعلي لانو يمكن حس اني ما بحكي مع شباب؟؟
هو ذكي وشاطر ومن دفعتي بس رح يتخرج قبلنا بسنة.. تخضصنا 6 سنوات وأنا هلأ طالعة لـ 5…
اعذروني عل إطالة… ورجاء ردوا علي.. شكرا..
اولاَ أختي تاكدي باننا ناخذ كل موضوع هنا بمنتهى الجديه ..
ويشرفني ان أكون أول من يرد على موضوعك كوني رأيت وقرات الكثير مثل هذا الموضوع المنتشر في الجامعات
على فكره هي صولات و جولات , يذهب من بالك فتره و بفتره تانيه برجع بخرب كل الي نسيتيه .
النسيان مش كبسه on و off بتاخد شوي وقت … يعني اذا فعلا ناويه تنسيه بتقدري اذا كان عندك اصرار .
هذا شي مهم
أمّا الأهم وحاليا ان تركزي في دراستك كونك في آخر سنه وعلى أبواب التخرج
إتركي قصص الحب ما رح تنفعك بالآخرة ولا بالدنيا .. والشواهد على كلامي كثيرة
ما رح ينفعك شيء غير دينك واخلاقك عبادتك لربنا والتركيز على مستقبلك هاي الشغلات يلي بتستاهل الاهتمام
وتاكدي بان نصيبك محفوظ عند مليك مقتدر أذ قال لشيء كـن فيكون
وصدقيني إذا هو من نصيبك ما حدا رح يوقف بطريق النصيب
وسلامٌ قول من رب رحيم ..
تحياتى لكى
ديري بالك عحالك عزيزتي..
تحياتي
أختي الكريمة
لكل شخصية مفتاح
وربما لذكائه علم بأنك لست كغيرك ممن عرف هو
فاستعمل معك ما يناسب شخصيتك
فانتبهي واعلمي أن من يقدرك فعليه بطرق الباب ومن تسلى بك فهو يفعل كل شيء إلا ما كان رسميا فاختاري لنفسك
ولكن نصيحتي أنك غالية والغالي يقدره الغالي فإن أرادك فبيت أهلك مفتوح فكوني مختلفة عن من عرفهن ولو أردت الخلاصة فليس هذا هو من يصون إلا إن هداه الله فابحثي من تكوني له الأولى كما كان لك الأول
وتلك صفة متوفرة فيمن التزم طريق ربه بإذن الله