|
تدري وش اللي يجرح القلب جرحين ويمد حبـل الحـزن فيـك ويشـده … انك تناظر طفل مـن غيـر ابويـن… يمشي ودمعـة سايـل فـوق خـده … منظر صعيب ويقسم القلـب قسميـن … لا قـام يمسـح دمعـة بكـف يـده … يمش ولا يدري طريقة علـى ويـن … لين التعب من كثـر مـا تـاه هـده … اثقل حـروف يشيلهـا فيـه حرفيـن … لا أب يـدري به ولا أم تـــرده … في خطوته رحلـة ودمعـة وسكيـن … وحـظ توسـد بالمراسـي مـخـده … جيت اسألـه بالله قلـي ولـد ميـن … وبغي يجاوب وختنـق صـوت رده … أنـا يتيـم ومـا لدربـي عنـاويـن … وجزر الحزن فينـي يسـاوي لمـده … وطعم الطفولة ما عرفته لهـا لحيـن … وثوب السعادة صـرت مانيـب قـده … ابكي إلى من شفت غيـري سعيديـن … ليـن البكـا فينـي يوصـل لحـده … واقفي ورحت امسح دموعي من العين … وعيني تناظـر دمعتـه فـوق خـده … وهذا اللي يجـرح القلـب جرحيـن … ويمد حبل الحـزن غصـب ويشـده … |
||
سلمت يدكـ يالغـلاا
قمة القصيد
صوره بديعه
نلقها كثير في حياتنا
لكن ما تحرك فينا سكان
ما شاء الله عليك
دايم متالقه والله
تقبلي مروري
وكلماتي القليله
الخالد
وشاكره مرورك وردك على مواضيعي