انا ادري كل مافيني صدمك وحيرك فيني
ويوم انك دريت بحالتي رددت :معذورة
تعال ادخل هنا تلقى عذابٍ مايهنيني
تعال اكشف بنفسك عن خفايا حزن مستورة
تعال الا انت ماودي ابد تفلت من ايديني
دخيلك لاتلوم احساس خارج حيل عن طوره
تمسكت "بطرف ثوبك" طلبتك: لاتخليني
من اللي شفته بعيني ركضت وجيت مذعوره
أنا فجأه بديت اسأل ياربعي وينكم ويني؟؟
وعشت اصعب ضياعٍ مر بعد العز ودهوره
ولا ادري وين عقلي اللي فقدته رح يوديني
أحس اني على صدي وطول الهجر مجبوره
واحس اني جسد منهك عسى الله بس يشفيني
واحس اصدق احاسيسي تجي لا قلت: مقهوره
وصلْتك عبرة انفكت ووجدٍ غارق بعيني
وضعفٍ يكسر الخاطر وصوتٍ يعكس الصورة
وبوحٍ يطلبك يبقى هنا مابينك وبيني
وقلبٍ عاطفي يحتاج قلبك واصدق شعوره
دخيلك خلك بجنبي ولا تفلت من ايديني
كفايه فقدة احبابٍ عليها كنت مجبوره
إن شاء الله يعجبكم..
ملطـــــــــــــــوشـ