سنة سلام الحب و الـرد واجـب
سلمت ابي غالي سلامـي تـرده
حبك مهوب إحساس بالحب كاذب
أنـا محـبٍ وسـم حبـك بخـده
القلب لك من غيمة الشوق عاشب
زرعتني في روضة الصبر مـده
يا مترف الإحساس بالكبر حاسـب
لا يشتعل شوقٍ وصل منـك حـده
حبك و أنا و الشعر مجداف قارب
لا ترخي الخيط الحريـر وتشـده
جيش الحسن بعيونك السود غالب
لا ترفع أعلامك على مـن تـوده
و أنا لكاس الهم و الحب شـارب
رأسي عنيـدٍ فيـك محـدٍ يصـده
بالحب لك يجذب خفا الروح جاذب
لا تستثير الشـوق بالصـد هـده
يفداك من شافك علـى مـرّ الايـام
ياتاج راسـي فـي ليـال الشدايـد
إن رحت زارتني هواجيس وأوهـام
وإن جيت راح الهـم عنِّـيْ بدايـد
وإن زرتني بالطيف والاّ بالأحـلام
كتبت فيك أجمل حـروف وقصايـد
في حرب حب عيونك السود من عام
ماعـاد للغاليـن قبـلـك شـرايـد
فيك أنت قلبٍ منك ياصاحبـي هـام
لأجل الغلا ياطا علـى كـلّ كايـد
ولا يبيع الشوق لعيـون مـن سـام
من غيـر حبّـك مايريـد الفوايـد
حبٍّ عظيـم بالغـلا يلـزم إلـزام
الخافق اللِّـي بالهـوى لـه عوايـد
إهـدْ المنـام لعاشـق ٍ مابعـد نـام
روس الأصابع له فـراش ووسايـد
وشلون أمِّلْ بالوصل وأرجي بخيـل
والبخل في شرع الهوى راس ماله
نور القمر غطّى على الجدي وسهيل
هـذا وتـو اليـوم عاشـر هلالـه
إن اكتمل في صورته جاني الويـل
من زاعمـه بالزيـن قـرَّرْ هبالـه
شفته وشفت عيون سـودٍ مظاليـل
وهامت عيوني فـي بهـاه ودلالـه
لا واعذابي مـن همـوم المقابيـل
إمّا تحقـق فـي حياتـي وصالـه
ومالي عليه اليـوم قـوّه ولا حيـل
لاشـك ابعلـن بالوفـاء والغلالـه
أنـا حياتـي كلـهـا للمواصـيـل
رهنتهـا لـو كـان عسـرٍ منالـه
متى تجينـي صادقـات المراسيـل
من راس وإلاّ ردهـا فـي رسالـه
لا تعاتبني ولا ترجـي خضوعـي
إنتهى بي حبـك الكـاذب بـلاش
الهنا ما تستحـي منـه الدموعـي
والأسى لعيونـك الخجلـه فـراش
تحسب إنِّكْ بالوصل طَمّنْتْ روعي
في فـؤادي بالغـلا لـك مابقـاش
كيف تطلبني وفا وأنتـه قطوعـي
والزهور اللِّي لك بقلبـي عطـاش
كلّ بال ٍ بالغـلا يرمـع رموعـي
وكن عند اللِّـي حضـر مابيننـاش
دام شمسك ما أشرقت لي بالطلوعي
كيف تبغى النور في درب العتـاش
موعد الشوفه على رأس السبوعـي
وتكثر أعـذار المخالـف بالنقـاش
كثير الظلـم فـي حبـك عدالـه
تعوّدنـا علـى ظلـم الحبـايـب
على الهجـران والتعذيـب دالـه
وانا ما أرضى على النفس الغلايب
ورضيت بجرح قلبـي وانشغالـه
على شان الهوى نعمـل عجايـب
بمال الحب من يرخـص حلالـه
ولـو كثـرت بغاليـه الطلايـب
لصوتك والسوالـف منـك والـه
تعاتبنـي غلـط واقـول صايـب
ذكر قلبي بحبـه مـا جـرى لـه
وهبَّـتْ بالمحبـه لـه هبـايِـبْ
يا روح الروح حالي منـك حالـه
أقول بخير وجروحـي عطايـب
جمال الحـب فـي كثـرة دلالـه
تدلَّـلْ والعـب بشقـر الذوايـب