|
ديوان سحايب دمع
كلمات تعبر بصدق عن مايجول في خلدي أتمنى لها القبول والرضا لديكم .. أرق وأجمل تحياتي
|
||
| مسا ليل السفر يحكي سوالف من عبـث تمـوز على حضن الوداع اليوم وعيونك علـى الجيّـه مسا ليل السهر يسري على صوت الشجن فيروز أسابق صوتهـا يمّـك ورجعنـي الحـزن ليّـه مسا ليلٍ فتح صدره علـى يمكـن لعـل يجـوز (أشوفه عقبهـا!) والاّ (تطـوّل غيبتـه ذيّـه!) بقت ذكرى وداعه لي رسالـه والاسـم برمـوز وكـلامٍ كـل ماقالـه: تحسـس رجفـة إيديّـه غفيت أحضن تذاكر لوعتي مدري الجروح بروز! تلوّت بي جروح جـداد عقـب جـروح منسيّـه تمنن بي رجاوي الياس وعثرة حظي المحجـوز بقى وجه الرجا يفضـح ملامـح يـاس مخفيّـه كذا ترحل وتنزع قلب من جوف الصدر مغروز؟ ولك في داخلـي ميّـة وطـن وبـلاد محميّـه؟! أنا من ليلتك أحكي سوالف عطرنـا لـل (روز) إلين الصبـح يتنفـس سوالـف ليـل عطريّـه تفوز بجيّتك روحي وشوف العيـن بـك بيفـوز فدا جيّتك روح مزون .. وكـل سنينهـا الحيّـه ابدوية موتها دونك ومن دون الغـلا المركـوز بقى لك بالحفظ والصون .. والنيّه علـى النيّـه |
||
|
بقت لك صورةٍ عذرا تحجّب في خـدر عينـي |
||
| وقفت أعانـد الأيـام وابنـي حلمـي الدرويـش مدام إن الثمن شطحه باجيـب الحلـم فـي حينـه |
||
|
غمض جفن الزمن عني وحوشت القصص تحويش
عرفت بقصـة التوتـه وسمعـت بقصـة التينـه نظرت لعيني الجردا لقيت من الصـور تشويـش
بدايـة حلـم تجرحنـي قيـود الواقـع بعيـنـه حلمت أروي ظما شفاهن جرحها الوقت بالتعطيش
حلمت أركض ورا نورن عجـزت آلامـس يدينـه حلمت اغمّض عيونه وابعثر من جنونـي طيـش
و أرد اجمع شتـات الطيـش واتعـوذ شياطينـه حلمت استفزع جنودي وأمده من وفـاي الجيـش
واجهز له سرايا الشـوق توقـف معـه وتعينـه حلمت اني أسيرة حرب يـروّع قلبـي التفتيـش
لقوا فيني جروح الحـب وقالـوا لـي تحبينـه؟! نطق فيني سكوت الذل يجاوب صرخة الشاويـش
فتق فيني عروق الخوف علـى مابينـي وبينـه! بعد باقي حلـم صاحـي علـى فجريـة التغبيـش
وصل حلمي حـرار الحـوم وتحليقـة شياهينـه حلمت اني بحمى طيري هذاك الحر ابو التدويـش
مخاليبه تهـوز الصيـد وانـا ريشـه بجناحينـه حلمت وضاعت أحلامي مابين الصـد والتطنيـش
حلمت وماصحيـت إلا علـى هالجـرح وسكينـه أحد يحلم على فـرش النعـام وبعثـرة هالريـش
يشوف إن الحلـم ملكـه يبيعـه عقـبِ تثمينـه وأحد يحلم على بساط الفقر متوسـدن هالخيـش
قضى ليلـه بحلـم الديـن وديانـن يبـي دينـه هنا تضحك علينا أحلام وتاخـذ عمرنـا بخشيـش
تحسب ان العمر ناقص ألـم وجـراح "مسكينـه" هناك أحلم حلم يشهق على صدري قبـل لايعيـش
يمـوت بحظـه العاثـر قبـل لا اصافـح يمينـه جزا الله طاري الأحلام تجي صفعه على الدرويش
يسامـح ربـي ظنونـي ويثبتنـي علـى دينـه يموت القلب وهو عايش صفر في خانة التهميـش
فـلا ينفـع ولايرفـع يسـار الصفـر تدويـنـه مدام إن الثمن شطحه ابـد لاتختنـق "معليـش"
يجي منهـو يتـل الحلـم ويبـري علـة سنينـه |
||
| سديت باب العفو ياقلبـي الميـت واردمت فوق الحزن "حزني" ردامه ماعاد فيها قول "ياعـل" "ياليـت" أقفت ضعاين هقوتـي بالسلامـه سرقت عيني بالنظـر ثـم لديـت طاح الوفا باسباب كسرة سنامـه كسرت شوفي ومع دموعي تواريت واثر الدمع بيّن بوجهـي علامـه يبطي بي الهاجوس لو كان سجيت وتجرحني قولة "ماعليها ملامـه" أنا اللي من جمر الهوى قد تغنيت غنيت حرفٍ ذاهـبٍ بـي غرامـه أوااه ياقلبي تـرى منـك عانيـت هانت عليّ دنياي عقـب الكرامـه ياكثر ما أعطيت واعطيت واعطيت كف العطا عميا ولبسـت عمامـه ماني على ذكر المقفـي تشقيـت رميت له كاسـه وسكـرة هيامـه ما أذكر إني مـرةٍ قـد تهاويـت دايم وأنا لـي بالزعامـه زعامـه وما أذكر إني بالشعر قد تباهيـت اتبع حلاله مجْنبـة عـن حرامـه أنا اللي دايم من دلالـه تقهويـت شربـت فنجالـه بعـز وشهامـه كتبت جزل القاف من حشمة البيت وما ادس راسي مثل راس النعامه وما أذكر إني في حياتـي تهنيـت حسبي على غدر الزمان وعسامه ياقو طعن القلب إن كان خاويـت شخصٍ حقود ويختلف لك كلامـه وياشين وقتك كان بالعمر عاديـت شخصٍ يودك وأنت تدعي عدامـه ماني على هذي وهـذي تباكيـت الهم فينـي واصـلٍ بـي مرامـه ياقلب منت من القلوب المفاليـت اللي تراكـض بالحفـا والندامـه مايسكن فنبضك سوى ذايع الصيت فعله ينومس به خواله .. عمامـه لو أن قلبي ينحطم منه ماابديـت شوق الهوى لو كان للقلب شامـه ماني من اللي تاخذ العلم بلفيـت آخذ مواثيق العهـد مـن زمامـه ذابت هقاوي مثل ضحك الحواتيت وماتت على يد الهقـاوي حمامـه |
||