ياسواقين ياولاد كارى
أقاليم وعداد والجارى
علشان تسيروا فى خير وسلام
نصايحى ليكم أزجالى
*****
فى الموقف خليك من جد
والتهريج إوضع له حد
مهما إن كنت شباب أو جد
الناس تحترمك وتحبك
تعاهدك عالخير والود
*****
ركابك فى الرخصة عددهم
وتقدير لشيلهم وشنطهم
حملهم إوعه تذودهم
حتوفر ياما شلنات
غير اللى أبو موتوسيكل بيخدهم
*****
افتح كبوت العربية
قيس الزيت وشوف الميه
وكمان حامض البطارية
إتأكد من كله تمام
واقفل كبوتها بحنيه
*****
كوتشك قيس ضغط هواه
واستبنك اوعه تنساه
وكريك رفع وعده معاه
علشان وقت الركاب غالى
والتعطيل احنا بنخشاه
*****
قم يازميلى افتح بابك
واتبسم وحيى ركابك
واقعد على كرسيك ف حزامك
وافتح كنتاك العربيه
شوف التنك تمام قدامك
****
دور حتشوف ضغط الزيت
سخن بس بدون تزويد
وشوف أنوارك للتأكيييد
واقرا الفاتحة مع ركابك
وقبل ما تطلع بالتحديد
*****
رخصك تمام ف العربيه
وفراملك ميه فى الميه
والكارته وياك قانونية
عشق ومتنساش اليد
واطلع بس بدون عصبيه
****
فى طريقك حاذر من السرعة
منها كاوتشك يسخن ولعه
فرده تضرب تبقى فى ترعه
أو مقلوب أو حاضن شجرة
ذنب الركاب إيه ف السرعة
*****
على مهلك توصل وقوام
ولبيتك ترجع بسلام
وف وسط أولادك حتنام
أعصابك هاديه ومرتاح
تصحى الصبح ياصاحبى تمام
*****
معلش الكلام سرقنى
علشان مفيد صدقنى
وإوعى تقولى أنت مالك
حتشاركينى .. ..
اقولك أه ..أه
اللى يصيبك يصيبنى
علشان كده طريق السلامة
****
سااري بن غريب
ولو عمل كل د ه فعلا يبقى ان شاء الله طريق السلامه
تقبلى مرورى
اخوكى احمد
بجد بوح وحروف ولا اروع
دمتي بود
الخالد
بجد بوح وحروف ولا اروع
دمتي بود
الخالد