أناما اخطيت في حقك ولكن الكلام عتاب
أعاتب والعتب كلمة تفسرها معانيها
أعاتب وأحسب بهرجي الا مني حكيت حساب
وكلمة يستحي منها لساني يبتدي فيها
وإذا أنت من العتب تزعل علينا وبتصك الباب
ترى ماني بـ/ قاصدها ولاني فيك ناويها
ولا ودي على الفرقا وقلبي داخلي مرتاب
أشوف ان الهوى خدعه واشوف القلب راضيها
واشوف ان الهوى فرقا مواليف وعناد أحباب
واشوف ان الجفا خطوة ولاني قادر أخطيها
وقلبي لو عشق يخلص ولوطالت عليه رقاب
وتشهد له دروب الحب حاضرها وماضيها
عشقنا والهوى حسرة ومشينا والأمل كذاب
بدنيا نابني منها قليل من بلاويها
عرفت الحب من عمري صغير بالغرام وشاب
وقلبي للحبيب أكبر من الدنيا ومافيها
صحيح اني نويت ابعد ولكن الهوى غلاب
وهي رحلة بديت بها ولاادري كيف بنهيها
تحريتك شروق الشمس وشفتك للشروق غياب
ولاأظنك تبيع العشرة اللي كنت شاريها
بقى لي بالهوى نظرة وتغريبة ودمع أهداب
وقصة بترك لسانك على العذال يرويها
واناجي باقي حروفي وآلف للفراق كتاب
قصايد تملي اوراقي أرددها واغنيها
وإذا مرتني الذكرى وجرحي بالحشا ماطاب
بتبعدني وتدنيني وببعدها وابدنيها
وأنا عيب علي أشكي من الدنيا بدون اسباب
مدامي ماخذ منها يجيني يوم وأعطيها
منقول
قصيــده الرائعــــه ،، تلامــس القلـب ،،
فلا تحرمنــــــا من المزيد من التألــــق ،،
لــ روحـــك النقيــه كل الــود والأحتــرام ،،
الهــوى ،،
أحتسي شوقي نخب حب هز كياني
اربكني تأصل جذوره في عمق أعماقي
هزم حزني وبدد وسوسه شيطاني
أوقد حطب السهر لهفه للقائي
لنقرع أجراس الشغف والهذياني
سأكتفي بالصمت
حتى اعيش ها هنا بين جمال الحرف
وجنون الكلمة
سأبقى دوما هنا
ابداع متواصل —
تخرج كلماتها من قلب صادق
فوجدت ذلك في قصيدتك …كلمات رائعه جدا
وانت دائما تتميز بجمال قصائدك وصدق عبارتها….
لكن دائما افضل ان تكون القصيدة بالفصحه لتكون انظم واجمل …..
اعتذر اذا اطلت عليك…..تقبل مروري…اخوك نور