عمر الفتي
الشيخ/عبدالعزيز سعود الصباح
الشيخ/عبدالعزيز سعود الصباح
|
حنيت للي حن لي مثل ما حن
وارخصت له قلبي ولا فيه منه روحي فداه بخاطري كل ما عن مالي حديثٍ دايم غير عنه هذا الهوى في سيرتي والهوى فن حب ووفاء واخلاص مني ومنه ما بعضنا خان الوفا وأخلف الظن في حبنا ما خاب ظني وظنه اللي سما حبه علىَّ وتمكن بين الضلوع وصار قلبي مغنه زودٍ على قلبي له العين مسكن يسكن بها وجفونها يحرسنه ريم الفلا أغلى من الروح وأثمن اللي كمل طبعه على صغر سنه مهما أوصف صلعته وأتفنن أدري يزيد امن البها وأعرف انه اذا وصفته بالظبا قلت انها هن بعيونهن وأرقابهن يشبهنه طبع الحبيب وعشرته فرق عنهن فرق الشبه ما بين نار وجنه اللي سطع نوره واذا هل بيَّن حتى قناديل الضوا يحسدنه حتى بذوني تلفونه اذا رن أهوى رنينه رنةٍ بعد رنه يمكن على اصبع حبيبي تمرن حتى عرف منه حنانه وفنه يا ريت ساعات الوعد ما يطولن وأنا اتحرى له آيا طولهنه واذا التقن أرواحنا واستقرن عش السعادة ضمنا واحتضنه يا ريت ساعات اللقا ما يمرن مثل الثواني وقتنا يقطعنه ما فهم كلام اعيوننا لي تلاقن قالوا كلامٍ بينهن يفهمنه مدري أنا عن قولهن وشيقولن أثره كلام قلوبنا يسمعنه ما هو عجيب قلوبنا لي تناجن اللي عجيب عيوننا ترجمنه واللي يحب وصابه الشوق لو كن حبه وتيار الهوى يجرفنه وده يخفي بس هن ما تخفن لازم اعيونه لو سها يفضحنه أيام من عمر الفتى لو يروحن من غير ما يهوى بهن ضيعنه ساعات من عمره تجي لو حسبهن من لا سبق في كسبهن يسبقنه يقولها اللي صابه الحب وأزمن عينه وقلبه والاذن جربنه وأرجع أرد حروفها مثل ما هن بالمبتدا واللي بصدري أكنه حنيت للي حن لي مثل ما حن وأرخصت له قلبي ولا فيه منه |
||
شعر رائع جدا
مشكور دودي ومشكور الشيخ
صح لسانه
تحياتي لك
شكرا لمرورك مينوو أقبلي أحترامي
مشكورين اخي
أخي محمص القلوب
أشكر لك مرورك الرائع علي الموضوع
داعيا الله لك بالصحة والعافية والعمر المديد
لك مني كل أحترام وتقدير