صاحبي قبل لاترحل تعال
معك أنا بنهي الحكايه كلها
دام طالت غيبتك والبعد طال
عطني عقود الحبال احلها
دامك الي صد وناوي الانعزال
بطلبك حاجه في بالك خلها
لابقيت تروح وتنهي هالوصال
طالبك ادروبي لاتقربلها
رح مع من ذمني عندك وقال
وصدقه بعلومه الي هلها
وأسمعه ونفّذ كلامه بعتدال
وأتبع دروبه لحد ماتملها
ماني بك مجبور يأبن الحلال
ومثلك أدروب الجفى أدلها
ونت تصد أعرف ترآ ردك محال
يعني روح وعزتك لاتذلها
محمد الوهبي
ويقول
ان كان غيري غرك بكثرة المال
*** وخلاك تنسى مامضالي وفاتي
هاك القصيدة واسمع البيت لاقال
*** يبطي ولايقدر يسوي سواتي
لايغرك انه من رجاجيل الاعمال
*** ماله وجاهه مايسبب شتاتي
لو كان مرخصلك دنانير وأريال
*** أنا لعينك كنت مرخص حياتي
خل المظاهر وخلها عنك الاشكال
*** وقارن اذا انه كان مثلي بصفاتي
صحيح مو مثله انا دوم رحال
*** بين الدول ماغير يرحل وياتي
لكن أشيل حمول ماتشيلها جبال
*** وأصبر على بلواي وماشكي عناتي
ومهما جرالي ماشكي الحظ لامال
*** أضحك واشيل بصدري همي وشقاتي
وكل من سألني قلتله حالتي عال
*** ماحسس اللي يسال اني احاتي
واللحين كانه غرك بفلس وريال
*** خلك معاه وهاك مني وصاتي
باكر ترا لابد يتبدل الحال
*** وتقول ليت اللي مضى يرد وياتي
: محمد الوهبي
ويقول
الضيقه اللي بالصدر هدة الحيل
……………………..يالعن أبوها كل يوم تزايد
دايم تجيني كل مايمسي الليل
…………………….وتحط في صدري همومن جدايد
أصد عن خلق الله وأروح وأميل
……………………..وسط الخلا وحدي أجر القصايد
أسلي نفسي بالشعر والمواويل
…………………..وأحاول أخفي همي لو كان كايد
ماودي بأهل الهرج والقال والقيل
…………………..تنقل علومي مثل نقل الجرايد
ويسج فكري مع النجم وسهيل
……………………وأذكر زمانن راح ولاهو بعايد
ويطري علي الغالي عقب الغرابيل
…………………اللي بذكره تهون كل الشدايد
وأقول ياصدري تراها تساهيل
………………….همومنا عقب الغضي ذي عوايد
أصبر عليها لو تبي تحط وتشيل
………………لاتضيق دام الضيق مابه فوايد
محمد الوهبي
وله اللي بقول
على كثر ماعندي اصحاب واصحاب
مافيهم اللي أشغلني عنه بغيابه
حسبي عليه من صد عني ومن غاب
وأنا ماغير أدوج قدام بابه
اللي بغلاه عدآ القرايب والاحباب
ياليته يدري عن خفوقي و عذابه
لو شافني وشلون منهار منصاب
من القهر والله يشقق ثيابه
مدري الومه مدري ارسله اعتاب
حتى لسؤالي عاجز القى أجابه
كل الخلايق عقبه أشوفها أجناب
ماكني أعرف الا حضرة جنابه
دايم أهوجس غيبته مالها أسباب
وشفيه راح وليه طول غيابه
محمد الوهبي
وايضاا
يعني ألمتى وياك أبقول وأقول @@@ مليت أعيد القول مليون مره
المسأله ياصاحبي مالها حلول @@@ وألي تكسر يصعب اليوم جبره
لاتصفق كفوفك ولاتقول يحول @@@ ماينفعك لو تصرخ الجرح حسره
الجرح مايمسحه الوقت ويزول @@@ الا عقب مايبقى للقلب عبره
توك تبيني توك أرسلت مرسول @@@ توك على فرقاي قمت تشره
وينك زمانن كنت أنا فيه مقتول @@@ يوم أطلبك وصلك الي تبره
كل ماجرا عنه ترا انت مسؤل @@@ صديت يوم همومي جتني بكثره
صديت يوم القلب زادت به حمول @@@ وخليتني في حسرتي أموت حره
ياكم جيتك وعني القاك مشغول @@@ تقول أصبر لين الصبر مل صبره
ماتدري غيرك القى ميتين مجمول @@@ وماتدري القى لو أبي منك عشره
والحين ابنهي المسأله وأختم القول @@@ ماعادلك بالقلب لو ربع ذره
وخذها على ماقيل بالعرض والطول @@@ فرقاك ماهزت من الراس شعره…
محمد الوهبي |