بسمة : إنتِ يا بنت يا عذبوه رحتي فين ؟
عذبة : الله أنا أهو معاكِ بس كلامي يمكن مش بيوصلك
بسمة : هاتجنن دماغي هاتنفجر نفسي ارتكب جناية
عذبة : يا لهوي يا بنت ترتكبي ايه وليه ماتصلي عالنبي بقى
بسمة : اللهم صلي عليك يا نبي
عذبة : اهدي كده وقوليلي مالك
بسمة : سنتين خدمة في المنتدى ومحدش يعرض عليا اشراف
عذبة : طب وده مبرر يعني انك تصحيني من النوم
بسمة : يابنتي في بنت اسمها ريموه يادوب سجلت تاني يوم بقت مشرفه
عذبة : وربنا بتتكلمي بجد ؟ يلعن أبو الواسطة
بسمة : أيوا أمال أنا مفروسة ليه
عذبة : ومين اللي ليه الصلاحيات الجامدة دي ؟
بسمة : هو في غيرها مقصوفة الرقبة
عذبة : مين ؟ مش فاهمة حاجة هو عندنا حد في الإدارة اسمه كده ؟
بسمة : يا عبيطة ده عماد القاضي اللي عاملي فيها المنصف العادل
عذبة : طيب وايه مصلحته في كده هو محدش مالي عينه ولا ايه
بسمة : أنا عارفة بقى بجد هاتجنن وعمالة أشتغل ليل نهار
وأرد على مواضيعه وأدلعه وأقوله يا جدو يا بابا يا عمده وأهزر معاه
عذبة : فعلاً ده عديم نظر
بسمة : دنا عمري مادخلت قسم الطب دخلته علشانه
وعماله أنفخ فيه يا معجزة الحرف ويا خليفة ابن سينا وربنا لأشرشحه
عذبة: ياااااااه دنتي داهية كل ده وماتقوليش عذبوه حبيبتك
بسمة : وأقولك ليه يعني ؟
إذا كان ماعبرنيش أنا هايبص لوحدة زيك بأمارة إيه ؟
عذبة : الله هانلبخ بقى مابدهاش بقى ماتحترمي نفسك يا ولية
بسمة : ولية في عينك وربنا أول ما أتعين هاديكي باند
عذبة : خوفتيني اوي بصي انا لولا احترامي لكبر سنك كنت اديتك بلوك
بسمة : وعلى ايه خدي عندك أجمل بلوك
عذبة << بتكلم نفسها الله هو النت فصل عندها ولا ايه
ـــــــــــــــــ
وشرفت بسمة خانوم لعند عماد
بسمة : أخي الفاضل عماد القاضي معايا ؟
عماد : شخصيا وحياتك
بسمة : يااااااه دنا حصلي الشرف أنا من أشد المعجبين بقلم حضرتك
عماد : ماني فاضي للنفخ هلأ لخصي وهاتي من الآخر
بسمة : مفيش بص سعادتك هو استفسار تقدر تسميه غيظ وجنون
عماد : اذا يتعلق بالمنتدى تفضلي
بسمة : طبعا يتعلق بالمنتدى أمال هاسألك في خصوصياتك
عماد : انتِ لا تعرفينني أنا الدكتور عماد اسألي عني في كل المنتديات
يعني المفروض تتكلمي معي بهدوء وتحترميني
بسمة : يا سلام المفروض اني ارفع صباعي اما اتكلم ولا ايه ؟
عماد : ولا تقاطعينني أيضًا
بسمة : ماشي يا عم ان ليك حاجة عند عماد قوله ياسيدي
عماد : خلي بالك انا دارس لغات فما تلبخيش بالمصري
بسمة: يا نهار اسود دانتا داهية
عماد : قلتلك لا تلبخي وبعدين شوبك داخلة علي معصبة
بسمة : يا فندم انا بقالي سنتين شغالة في المنتدى بتاعكم
بقرا مواضيع وبرد عالناس وبنزل مواضيع وبطبخ كمان
تابع
بسمة : بص حضرتك يعني برد على مواضيعك وبقولك يا استاذي
وبكتب كلام ليك من ورا قلبي بس عشان الفت نظرك
قلت يمكن في عقلي تنتبه وتعيني مشرفة
بسمة : كنتِ بتقوليلي بردودك الدكتور عماد ولا عماد حاف ؟
بسمة : الحق يتقال عماد حاف دنا لسى عارفة حالا انك دكتور
بالمناسبة حضرتك دكتور في ايه ؟
عماد : دكتور امراض نفسيه
بسمة : اللللللللللللله عليك دنا كده دخلت التاريخ
عماد : طبعا أنتِ لسى لا تعرفينني
بسمة : طب بص من الآخر في البت اللي اسمها عذبة
عماد : شوهاد ولك اسمها المراقبة عذبة رعاها الله
بسمة << الصبــر يارب
بسمة : ايوة هي المراقبة عذبة حفظها الله
دي سجلت يوم الخميس ازاي تصبح يوم الجمعة مراقبة
على اي اساس ده في شرع مين ؟
تفتكر دي واسطة ولا ايه وشغلنا احنا الغلابة بيروح فين ؟
عماد : وحدة وحدة لا تعصبي علي
عذبة كانت عضوة سابقة فقدت عضويتها سجلت بعضوية جديدة
ولأنها قديرة ومعروفة لدينا كلفناها بالرقابة
بسمة : ايوة كده فهمت دنا ظنيت فيك سوء يا استاذي
عماد : معلش بسيطة ولأني ديمقراطي جاوبتك لأني إنسان حقاني
بسمة : إنت هاتقولي مانا عارفة
طيب بلاش عذبة ياعمنا
عماد : شو عمنا هاي الأخت من الجزائر شي ؟
بسمة : لا من بلد المليون شهيد
عماد : اللي أنا فهمته حسب نباهتي انك حابة تصيري مشرفة
بسمة : ماشاء الله نبيه جدااااااااا
عماد : طيب سنك واسمك ودراستك وحالتك الاجتماعية
وعنوانك كامل باللغة الإنجليزية تبعتيهولي في قسم الشكاوي
وتسمي موضوعك دخيلك بدي اشراف
بسمة : ايه ده ايه ده ايه الذل ده ليه ده كله انا هاشتغل في قصر الجمهورية
ولا ايه لا ياعم انا ممكن اناقشك هنا
بس انزل موضوع بكده لا كرامتي ماتسمحليش
عماد : طيب سنك
بسمة : 18 سنة
عماد : وقضيتي منهم سنتين عندنا يا سلام طيب شو مجالك العلمي
بسمة : معلمة
عماد : ما شاء الله تبارك كل هاد وانتي لسى بهالسن
طيب معلمة شو ؟
بسمة : رياض اطفال
عماد : وبدك تصيري مشرفة شو على هالخبرية
نفتحلك مثلا قسم رياض اﻻطفال ؟
بسمة : أرجوك ماتجرحش مشاعري
بص ممكن نخليها عالم الطفل وأي حد يسأل نقوله كده ؟
عماد : بدك اياني أكذب لايمكن
بسمة : طب انت ماتقولش انا اللي هاكزب عالناس
المهم بقى هاتحطني على اي قسم ينفع الصور ؟
عماد : ومين قالك اني وافقت اعطيكي اشراف
بسمة : هاتوافق غصب عنك مش بخاطرك
بص من الآخر بقى أونكل البواب بتاعنا
يعرف أونكل البواب بتاع العمارة اللي ساكن فيها سواق المحافظ
فممكن بإشارةوحدة مني أخلي البواب بتاعنا
يكلم البواب التاني يكلم سواق المحافظ عشان يكلم المحافظ
وأخليه يسجل في المنتدى باسم المحافظ ويحرمك في حق تمليك شقة الإسكان
موكنتِ من الأول تقولي انه عندك واسطة
بسمة : ما انا قولت اجيك بالزوء طلعت ماتجيش الا بالبهدلة
عماد : لاحظي انك زودتيها
بسمة : ها تحب انده على اونكل البواب
عماد : لا خلاص مبروك بقيتي مشرفة
بسمة : مشرفة ؟؟؟ امشي يلا عدلها مراقبة وبسرعة
عماد : لا يكون طنط الشغالة بتاعتكن بتعرف طنط الشغالة
تبعت وزير المنتديات
بسمة :كويس انك فهمت يلا بقى علشان عايزة انزل موضوع
طلب اجازة للتفرغ للدراسة
عماد : حسبي الله ونعم والوكيل
بسمة : بتحسبن عليا ؟
عماد : لا بتحسبن لأني طردت امبارح أونكل البواب وطنط الشغالة بتوعي عموما مبروك صرتي مراقبة
بسمة : اسمها المراقبة بسمة رعاها الله
وهيك صارت بسمة مراقبة
وانطرونا مع صيدة جديدة
ومارح اذكركم هاد كله مزح بمزح
تسلم اخى الحب الخالد ضحكتنا من قلبنا
^_^
ياويلي كل هذا حصل والله تعبت بسومه
بس تعبها مارح ع الفاضي
مشكور يادب على الموضوع