مشكلتي بحب اخي الكبير لحد الجنون يعني بعشقه وبحبه اكتر من امي وابي واكتر من الدنيا وما فييا
بس المشكله اخي خطب ورح يتزوج
خطب بنوته اتعرف علييا بالجامعه وحبا كتير
والمشكله ان خطيبته مو من نفس الدوله ياللي نحنا منا يعني مو اردنيه
وبخاف تكتر سفراته لما يتزوجا
واخي بحبني كتير اكتر وحدي باخواتي
وانا خايفه لما يتزوج وبجيه اولاد يبعد عني وينساني ويبطل يهتم فيا متل ما كان
حتى هوي هلأ بطل يهتم فيا متل ما كان كيف لما يتزوج ويجيه اولاد شو رح يصير فيني
والله حاسه حال بدي اختنق
مع ان خطيبته طيوبه واموره كتير
بس انا حاسه ان اخي بلش ينساني
مشان الله والله رح موت من أهري
انصحوني رجاء
اختكم نوسة
اختي هذه سنة الحياه وانتي راح يحييكي نصيبك وراح تتلهي بحيأتك الجديده
أدعي لي اخوكي بالتوفيق وحسسيه بفرحتك ليه وخليكي بجنبه لاتبعدي حتى لوهو بعد أنتي خليكي معاه
وحظي في بالك ان كل واحد فيكم راح يجيه الوقت ويتلهي بحياه جديده ربي ارادها ليه
الله يوفقك يارب صدقيني مع مرور الوقت راح تتعودي
اختي الغالية حبك الزائد لاخوك جعلك تشعرين بنوع من الخوف والغيرة على ان تشغله اخرى بك
توقعي ما سيحصل ان اخوك سيبتعد عنك لانه سيتزوج ………………………والزواج مؤسسة عملية لهذا الزوجان يكونان مشغولان في امور الحياة ………………….اكثر من الغير متزوجين
كذلك الزواج يجبر الانسان على الالتزام بمسؤوليته على البيت والزوجة والاولاد ………………..
انت كذلك ستمرين بنفس الظروف وستنشغلين بزواجك …………………..ولهذا قد ترين في يوم من الايام اما اختك الصغيرة او ابن اخوك او اختك سيبكون لاجلك يوم عرسك …………………..هكذا هي الدنيا
ولو كنت تزوجت قبل اخوك لما كنت تخافين على اخوك كما هو حاصل اليوم
فانتي اختي الغالية تعرفي على زوجة اخوك وعلى اخواتها وعلى بنات عائلتها …………………..فكري في اسعاد اخيك يوم زفافه ……………………
قولي لاخيك لا تجعل زواجك ينسيك اختك ……………………قوليها وحتى بعتاب يبدو انك ستنسى اختك بعدما تتزوج
وعند سفره قولي له اتصل بي عندما تصل واول مكالمة لي لانني انا فلانه حبية اخي فلان
انت ذكريه بنفسك ولكن لا تبالغي امام زوجة اخيك حتى لا يحصل تذمر او غيرة نساء
وحاولي ان تكوني مستشارة لهما في حياتهما او الصديقة المقربة لكلاهما على السواء والعبي دور الام الحنون لكلاهما
اتمنى ان اكون افدتك بشيئ ……………….حياك الله اختي الغالية في البرق مرة اخرى
فعلا ما قصرتوا
"اليوم حابه أحكي معكم عادي ومن دون لهجتي المعتاده"
أول أشي أشكر الأشخاص اللي نصحوني وشكرا مره ثانيه
ونسيت أحكيلكم أن خطيبة أخي خليجيه من السعوديه
والأشي اللي ما تعرفوه هو علاقتي بأخي مع العلم إني أنا أصغر شخص بالعائله وبالأحفاد كمان
أخي يكبرني سنوات بس أنا حاسه نفسي بعرفه من سنه مع أن عمري قر سنه فقط
كنا نلعب كثيرا ودائما كنا يدا واحدا وفريق واحد
وكان دايما يحللي مشاكلي
ومريت بمواقف صعبه كتير وهو اللي خرجني منها
وأنا في أكثر من شاب بحبني وطلب يحكي معي ومابعرف شو
بس أنا رفضت وبعنف لحتى ما يجي هالشاب يفتح معي الموضوع مرة ثانيه
بس الشاب مو مقتنع وبظل يتحركش فيا وعملي مواقف محرجه كتير
مثلا مره طلعت أنا وصاحباتي على الكارفور لنتسوق صار ينادي بأسمي ويحكيلي أنا بحبك بأعلى صوته وقدام كل الناس
صراحه أنا يومها خجلت
طبعا مو هذا موضوعنا الموضوع أن أنا تخليت عن حياتي بسبيل أخي
وحاسه حالي بعيش هالحياة من أجله
وبما أن النصائح اللي حكيتوها بتحقق سعادة أخي فأنا رح ألتزم فيها بس كرماله
وأنا لو تزوجت وصار عندي أولاد مارح أحب حدا متل أخي
أتأكدوا لأن حياتي مرهونه بين إيديه وحبه موخذ قلبي كله
وأكتر دفتر مذكراتي عنه
وإنشاء الله أطرح خاطره بقسم الخواطر قريب عنه
مع تحياتي
ويسلمو كتير لكل اللي قرأو وعلقوا ع مشكلتي