السلام عليكم ورحمة الله وبركاته
اخواني … خواتي
انا عندي مشكله واتمنى انكم تساعدوووني بعد الله في حلها
لأني وانا اكتب مشكلتي وانا ابكي لأني بجد تعبت نفسيا
انا وحيدة ابوووي وامي وابوي منفصلين عن بعض من زمان وكل واحد شاف حياته وتزوج وانا اللي صرت الضحيه ودفعت الثمن
امي تزوجت وعاشت حياتها والحمدلله مبسوطه الله لايغير عليها وكان السبب في انفصال امي عن ابوي هو سوء معاملته مع امي وكان يسمح لأهله يتدخلون بكل شي وامي ومو مدح فيها انسانه مره طيبه وحبوبه بس ابوي للأسف ماكان عارف قيمتها
المهم ان ابوي تزوج وحده شرانيه اخذت حق امي صح لانه كان ظالمها واخذني اعيش عنده وكان رافض اني اعيش عند امي اجي بالأجازات بس وشفت الذل بعينه عند ابوي كانت زوجة ابوي تكذب علي وكان ابوي يصدقها واذا تكلمت قال انتي اامك لاعبه براسك وامي وربي مالها دخل كانت عيشت ذل بما معنى الكلمه دراستي ماكملتها بسببها كانت مآذيتني بشكل كبير كانت ايا م الأمتحانات تسوي مشاكل علشان مااجاوب زين وصار لها اللي تبي وياكثر ماكانت تكذب على وكان يصدقها واذا تدخل احد من اعمامي او جدي قال بنتي مالكم دخل فيها تخيلو ابوي اللي مالي غيره وماله غيري يذلني علشان زوجته احساس صعب خلاني افقد الثقه في ابوي وفقدت الثقه في نفسي صارت شخصيتي مهزوزه ماعندي ثقه في نفسي واذاهو وهو ابوي سوى كذا فيني كيف الناس انا مالي غيره وين اروح عمره ماحسسني اني انا بنته اشوفه يهتم باولاد عمامي وعماتي وانا لا وربي حتى شغالة جدتي لما تسوي أي اكله كان يقول لها يعطيك العافيه وانا ماعندي شغاله واسوي كل شي بيديني عمره ماقال لي يعطيك العافيه تخيلو شي بسيط مثل هذا حارمني منه
اشوفه يهتم بالغير وانا اخر شي بحياته حتى وانا وحيدته اذا طلبت فلوس لازم اتهزأ قبلها والا وش تبين فيها الاسواق مو مثل كل البنات مااروح الا لمناسبات جوالي إذا سدده لازم اتهزأ يعني حياة قهر بصراحه العالم حاسدتني انتي وحيدته مادروو عن الحقيقه
احساس الأبوه اللي يعيشوه غيري ماحسيته صرت مااحس بأي احساس تجاهه
وبعدها طلق زوجته وطبعا هي اللي طلبت الطلاق والا هو ماكان يبي كأنه حس بالذنب درسني في معهد على حسابه دبلوم سنتين
وانا كانت نفسيتي زفت زفت زفت وبعدها عاش حياته بس بنفس الشي بخل بالعواطف بخل بالفلوس بكل شي يعطي الغير وانا لا صرت انا نفس الشي والمشكله يقولي انتي ماتقولين لي كلام حلو مثل كل بنت تقوله لابوها قلت يبه انا فاقده هالشي وفاقد الشي لايعطيه من وين اجيب احساس ومشاعر وكل شي فيني حلو مات ماعندي شي علشان اعطيه حتى احساسي بالناس مات مو مثل قبل
صار احساسي متبلد مايهمني احد وبالرغم ان زوجة ابوي ذلتني ذل واهانتني بس عمري مادعيت عليها لأني متاكده ان الله يمهل ولا يهمل وبيجي يوم بياخذ حقي منها
حتى الوظيفه ابيه مثل كل اب يدور لبنته هو يروح يوم ويطنش سنه يقول من وين اجيب لك واسطه وبالرغم انه جاب واسطه لزوجته قبل ووظفها سبحان الله آمن مستقبلها وراحت وتركته
وانا بنته من لحمه ودمه مااهتم بمستقبلي
حتى مره كان بيخطب بنت قلت حرام تظلمها معاك دور وحده من نفس سنك تعيش معك كل عمرك لان البنت بتاخذ فلوسك وتتركك مثل الأولى شبعت فلوس وطلبت الطلاق تخيلو وش قال يقولي انا بترك فلوسي لمين بعيش حياتي ماوراي احد
ماوراه احد وانا وين اروح اذا انالاوظيفه ولا زوج ولا مستقبل مين بيتحملني كلمه قالها من قبل ثلاث سنوات وللحين ماقدرت انساها
كان يرمي احيانا كلام وربي اني انجرح واموت مليون مره من داخلي الين صار يرمي للحين وانا خلاص ماصرت احس لاني بجد تعبت والحمدلله اني مارحت لطريق ثاني كثير غيري انحرفو بس لايماني بالله ماقدرت اسوي هالشي كثير فقدو حنان الاب والام وراحو يدورونه برا البيت بس انا لاقتناعي ان هالشي خطا واقتناعي من داخلي ماارحت ورا ذا الطريق
والحين ناوي يتزوج وحده من دوله عربيه والبنت هذي اختها قبل تزوجت واحد شايب اخذت فلوسه فرقت بينه وبين عياله حتى لما مات حرمتهم انهم يشوفون ابوهم ولاخر مره
حاولت معه ماقدرت دورت وحده له سعوديه ولقيت مره طيبه مطلقه وراضيه تعيش معاه تبي الستر بس وهو جالس يماطل بالموضوع وبيسافر الأسبوع الجاي وانا للحين اقنعه يتزوج سعوديه لأني ادري لو بياخذ من هالدوله بروح انا فيها اختها قبل وش سوت شلون هذي عاد ابوي مايحتاج جاهز يتخلى عن كل شي علشان زوجته وانا مالي غير الله ثم هو تكفووووووووووون ساعدوني عطوني حل قلت لعمامي وعماتي قالو ابوك ماحد يقدر يأثر عليه
وابي منكم تدعووون لي اتوظف عن قريب ويرزقني الله بزوج صالح يكون لي الأب والاخ والزوج والحبيب وكل شي ويعوظني عن اللي شفته على ان في واحد خطبني وكان يبيني بس ابوي رفضه وبدون سبب وعمتي قبل كذا اذا جاء واحد وخطبها رفض الين ماصار عمرها ثلاثين وبالاخير زوجها جدي غصب عنهم والحين لها اربع سنين متزوجه وحقده عليها وعلى زوجها للحين على انهم مره طيبين وانا صار عمري 26 وهو رافض بدون سبب
وبالرغم من هذا كله آملي بالله كبير وكافي علي ان هو معاي هو اللي ماراح يتركني لاضاقت الدنيا علي التجأت له سبحانه وتعالي واخيراً
يارب يارب يارب فرج كربتي
يارب يارب يارب ارزقني بالوظيفه
يارب يارب يارب ارزقني بالزوج الصالح
يارب يارب يارب اهدي ابوي وحنن قلبه علي وحنن قلبي عليه وطولي بعمره واصرفه انه مايتزوج من ذا الدوله واشفه من كل مرض وارزقني بره
يارب يارب يارب طول بعمر امي وارزقها بالذريه الصالحه عاجلا غير اجل وسخر زوجها لها واشفها من كل مرض هي وزوجها وارزقني برها
يارب ارزق كل مقطوع ومقطوعه بالذريه الصالحه
يارب ارزق كل محتاج ومحتاجه
يارب اهدي كل ضآل وضاله
يارب سخر كل زوج لزوجته وسخر كل زوجه لزوجها
يارب سخر كل اب وام لأبنائهم
يارب سخر كل ابن وابنه لوالديهم
يارب ارزق بنات المسلمين الأزواج الصالحين والذريه الصالحه
يارب ارزق شباب الملسمين الزوجات الصالحات والذريه الصالحه
يارب اشفي كل مريض ومريضه
يارب ارحم اموات المسلمين والمسلمات واجعل قبرهم روضه من رياض الجنه
يارب انصر الاسلام والمسلمين في كل مكان
يارب تستجيب دعوة كل مسلم ومسلمه
يارب حقق كل هذا عاجلا غير اجل
اعانك الله على هالظلم والحياة بس صدكيني الله ميضيع صبر ولا تعب وكله اجره الك
قولي الحمد لله اولاً لانك تخلصتي من زوجة ابوكي وراح شره
اريد اقلك ان رضى الله من رضاء الوالدين ولاتخلين ابوكي يزعل عليكي صحيح انا معك انه ظالم واناني ومايحب ال نفسه ومافكر فيكي ولا يوم لكن يبقى أبوكي مهما يكن ومهما يحدث
استعيني بالله فهو ملاذنا الوحيد وتذكري ان مصيبتك وبلاءك هو أهون من ناس كثيره والحمد لله انك مازلتي صغيره ولديكي شهاده ولم تسلكي الدرب الخطأ وتستطيعي الاعتماد على نفسك
الله يرزقك الوظيفه ان شاء الله بعدها اعتمدي على نفسك حتى في مسكنك لتتخلصي من ظلم ابوكي … واذا لديك صديقه مقربه أو قريبه أو قريب الجأي اليهم فانت في حالتك هذه تحتاجين الى من يساندك ويشجعك ويعيد ثقتك بنفسك ويرجع اليكي التفاؤل بالحياة
وان شاء الله يعوضك بالزوج الصالح ليكون بعدها لكي الاخ والصديق والحبيب ولكن تقبلي مني هذه النصيحه وهو ان لاترمي نفسك على اول عريس يطرق بابك لتتخلصي من ظلم ابيكي فتروي ولاتستعجلي فلاسامح الله ان لم يكن اختيارك صحيح ستتمنين بعدها الرجوع الى حياة ابيكي وستنكسرين اكثر واكثر وهذا ماسمعت عنه من تجارب ناس قريبين مني
من كلامك يبين لي ان امك لاتسال عليكي فاين هي من حياتك اسالي عليها ولاتنقطعي عنها مهما حدث لعل دعاء واحد منها يفرج كربك
وفقك الله اختي وبارك فيكي وعوضك صبرك خيراً على ماتحملتيه من ظلم وقهر وجعل الرجل الصالح من نصيبك فالطيبون للطيبات كما قال الله تعالى وسترزقين ان شاء الله خيراً برجل يقدرك ويحترمك ويعوضك مافقدتيه طوال حياتك
اعتبريني اخت لكي التي حرمك الله منها وحرمني انا منها ايضاً وانا بالخدمه لاي شيء تحتاجين
وفقك الله
صح انا وحده كلمتني عن اخوها بتخطبني له عمره 42 سنه بالبدايه كنت موافقه بس بعدين نصحتني بنت خالتي لانها مرت بنفس التجربه وبالاخير تطلقت فخفت وتراجعت بس بأذن الله بينفرج همي
ومشكووووووووووووووووووووووووووره اختي على نصيحتك وتسلمين يارب يوفقك ويسعدك وانا بأذن الله اعتبريني مثل اختك
تقبلي تحياتي والف الف شكر على كل كلمه كتبتيها لاني بجد حسيتها طالعه من قلب صادق
امي من النوعيه اللي ماتحب المشاكل شخصيتها مره هاديه وانسانه ملتزمه ودائما تدعي لي بس ماكانت حابه تتدخل لانها كانت خايفه ان ابوي يحرمني منها ولايخليني اشوفها علشان كذا كانت دائما تردد الله يهديه ويحنن قلبه عليك ويرزقه بالزوجه الصالحه والذريه الصالحه
امي مره طيبه حتى احيانا مااحب اقولها وش يصيير واتظهر قدامها اني سعيده لاني عارفه انها بتتألم من داخلها
بس اريد اقترح عليكي شغله
ليش ماتروحين تعيشين مع امك وتتركي ابوكي ول هو مايقبل انك تطلعين من بيته وليش متحاول امك تقنعه او اي احد قريب عله او حت لما بعد ان يتزوج تحاولي تتكلمي مع زوجته وتخليه تقنعه انو انتي تروحي تعيشي مع امل او حتى لبيت وحدك مع صديقه بعد ان تجدي عمل او مع اهل بحجة انك ماتريدي تضايقيهم بعيشتهم واتركيلهم البيت ليهم
وانا بالخدمه ولاتترددي بالكتابه لي حتى لو على الخاص
تمسي وتصبحي على الف خير وصحه وموفقيه