نفسى
نفسى اجيب هدية واروح وأنا مستحية أصالح بيها الزمان
نفسى فى وردة بلدى أهديها لأهل بلدى من غير أى إعتزار
نفسى حلم حياتى أحققه يوم فى حياتى قبل فوات الأوان
نفسى يوم القدر يبعتلى ولو مرسال يوهبلى الأمل فى تغيير الأفكار
نفسى شمس الغروب تبعد ويطلع بقى النهار
نفسى نجوم الليل تلمع ميكنش عليها عكار
نفسى قمر الحياة يفضل بدر من غير ادنى انتظار
نفسى نسمة هادية تدخل صدرى من غير غبار
نفسى فى صحبة حلوة تنسينى طعم الأفكار
نفسى أهلى وخلانى يحطوا كفوفهم على كفى ونكون لمةفى دار
نفسى فى ضحكة صافية مفيهاش لون الصفار
نفسى السماحة وصفاء النية يرجع قلوب الناس
نفسى يكون اللى فى نفسى فى نفس نفوس الناس لجل منحس طعم حلاوة الحياة والحب بالأخلاص