يلي عيونك سما وطول الحواجب ليل
ضمني بسمـا عيونك اسهر واغفى
وياضي الوجه يالماطفيت بيـوم
صدقني القمر من يشتــعل يطفى
وياقوس القزح كل ساعة اشوفك لون
ويمر مرات لونك بية ماعــــرفة
تحل ليـل الشعر حد مايــلوح الكاع
وتعـض الزلوف بدورة الشـــــفة
طــبع بينة الجـرح ندعـيعة حتى يطيب
الـك بية جـــــرح ادعيلة مايشفة
وتسألني شعــجب ماوصفتني بيـــوم
وانــا الحايــر بظلك لـــسة مموصفة
يبـــو صــوت اليغرد ياسحـر فيروز
حبيبي اجمل لحن بــــــشفافك اتعزفة
تمـر مثل النهر وكل خطوة روجــة ماي
واظل انـا على جـرفك حــاصد الوسفة
يلخصرك مدور قمـر عالي بعـــــدي
مد ايــدة القلـــــب مالاحك بكــفة
يكولــون التمر ينـضرب بيـــه امثال
اشو جبــت التبرزل صـــار الك حشفة
من عيــنك ندى ينزل واشــــوفة يطيح
يلتم بــورود اجــفوفك التـــــرفة
تـــلتف على طــولك كل نجوم الليـل
ويـجي ينـــام القمر متوسـدك صــفة
واضـم سرك عليـة وماابوحأ بــي
واذا دمـــعك بعينك عيــني لتـــرفة
كــل ابصبع بـــكفك يــضوي شمعة بليل
وكـــل خصلة شعــر من كذلـــتك عفة
يــا جمار عالي ومـــااضن تــــلاح
لان عنــك هدل مــاشالتة السعــــفة
اذا ابـميزان انت وكــــــل حواري العين
ماضنن الغــــيرك تـــنزل الــــكفة
احــــلى من العســل بالشـــفة من تنضاك
ومـــرح مثل النســـيم ودمـك اشخفــفة
حــذر زيـجك نهــر مضموم مـــينشاف
لان الله طبــك هل ضــفة على الضـــفة
يـــااول ندى ينكـــط شــعر للروح
ويلمشــــذر محـبة وضـحكتك زفة
شــــمس الله واكـــبر نــزلت على الكاع
اجــت يمك حبــيبي تــريد تدفـــى
لك مني اجمل واحلى التحيات
تقبل مروري على موضوعك
تحيتي وودي
أخي الموقر
مرورك بطعم الفاكهة الطازجة
السعاده ابواب مشرعه
اتمناها لشخصك الجميل
شكرا لمرورك الثري
ودمت قريب لقلمي ومدادي